શાઓમીએ સ્નેપડ્રેગન 888 પ્રોસેસર અને 120 હર્ટ્ઝ ડિસ્પ્લેથી સજ્જ એમઆઈ 11 (MI 11 ) લોન્ચ કર્યો છે. એમઆઈ 11 ના 8 જીબી પ્લસ 128 જીબી વેરિએન્ટની કિંમત 44932.85 રૂપિયા રાખવામાં આવી છે. તેના આવતા વેરિએન્ટ 8 જીબી પ્લસ 256 જીબીની કિંમત 48303.66 રૂપિયા રાખવામાં આવી છે. તેનું ત્રીજું મોડેલ પણ બજારમાં રજૂ કરવામાં આવ્યું છે, જે ભારતીય ચલણ મુજબ 52798.06 ની કિંમત પર છે.
આ બેસ્ટ સ્માર્ટફોનનું વેચાણ 1 જાન્યુઆરીથી શરૂ થવાનું છે. આ ઉપકરણને છ જુદા જુદા કલરમાં ઓફર કરવામાં આવશે, જેમાં બ્લેક, વ્હાઇટ, બ્લુ, ખાખી વેગન લેધર, પર્પલ લેધર સહિતની વિશેષ આવૃત્તિનો સમાવેશ થાય છે, જેમાં લેઇ જૂનનો ઓટોગ્રાફ છે. આ ફોન હાલમાં ચીનમાં લોન્ચ થયો છે. ભારતમાં પણ ટૂંક સમયમાં ઉપલબ્ધ થઈ શકે છે.
XIOMI નું આ નવું મોડેલ સ્નેપડ્રેગન 888 પ્રોસેસરથી સજ્જ છે, જેમાં 128 જીબી રેમ અને 256GB યુએફએસ 3.1 સ્ટોરેજ છે. ફોન કોર્નિંગ ગોરિલા ગ્લાસ વિક્ટોસ સાથે રજૂ કરવામાં આવ્યો છે.
તેમાં 1 / 1.33-ઇંચનું મોટુ સેન્સર, 7 પી લેન્સ અને એફ / 1.85 અપાર્ચર સાથે 108 એમપી પ્રાઈમરી રીયર કેમેરો આપવામાં આવ્યો છે, સાથે સાથે 13 મેગા પિક્સેલનો વાઇડ-એંગલ લેન્સ સેન્સર છે, જે 123-ડિગ્રી ફીલ્ડ ઓફ વ્યૂ અને એફ 2.4 અર્પચર સાથે આવે છે. આ કેમેરાથી તમે 24 / 30FPS પર વીડિયો રેકોર્ડ કરી શકો છો. ફ્રન્ટ સાઇડમાં 20 એમપી કેમેરો પણ છે.
શાઓમીનું આ નવું મોડેલ MIUI 12.5 અપડેટથી સજ્જ છે, જેમાં ઘણા નવા પ્રકારના વોલપેપર્સ અને નોટિફિકેશન શામેલ હશે. ડિવાઇસમાં 55 વોટ વાયર્ડ ચાર્જિંગ, 50 વોટ વાયરલેસ ચાર્જિંગ અને 10 વોટ રિવર્સ વાયરલેસ ચાર્જિંગ સપોર્ટ સાથે 4,600 એમએએચ બેટરી આપવામાં આવી હતી.