Surat News: સોશિયલ મીડિયા પર ફેમસ થવાની ઈચ્છા યુવાનોને ક્યાં સુધી લઈ જઈ શકે છે તેનો તાજો કિસ્સો સુરતના સચિન રેલવે સ્ટેશન પરથી સામે આવ્યો છે. અહીંના રેલ્વે સ્ટેશન (Railway station) પર ચાર યુવકો પોતાનો જીવ જોખમમાં મૂકીને રીલ બનાવી રહ્યા હોવાનો વીડિયો વાયરલ થયો હતો. આ પછી પોલીસે તેની ધરપકડ કરી હતી. ધરપકડ બાદ આરોપી યુવકે પોલીસની સામે કાન પકડીને માફી માંગવાનું શરૂ કર્યું અને કહ્યું કે તે આવું ફરી નહીં કરે.
રેલવે સ્ટેશન પર રીલ બનાવવાનો આ કિસ્સો સુરતના સચિન રેલવે સ્ટેશનનો છે. વાયરલ વીડિયોમાં જોવામાં આવ્યું હતું કે એક યુવક ફૂટ ઓવરબ્રિજ (FOB) પરથી લટકી રહ્યો હતો, જ્યારે તેના ત્રણ સાથી તેને આ સ્ટંટમાં સાથ આપી રહ્યા હતા. આમાંથી એક યુવક વીડિયો શૂટ કરી રહ્યો હતો.
વીડિયો વાયરલ થતાં જ સચિન GIDC પોલીસ સ્ટેશને તરત જ ચારેય યુવકોની ધરપકડ કરવામાં આવી હતી. આ દરમિયાન વીડિયો બનાવનાર યુવકે પોલીસની માફી માંગી અને કહ્યું કે તેણે ભૂલ કરી છે, હવે તે ફરી નહીં કરે.
આજકાલ લોકો સોશિયલ મીડિયા પર ફેમસ થવા માટે જોખમી સ્ટંટ કરવામાં જરાય ડરતા નથી. જીવની પરવા કર્યા વિના વીડિયો બનાવવાનો આ ક્રેઝ ક્યારેક ખતરનાક સાબિત થઈ શકે છે.
સચિન જીઆઈડીસી પોલીસે યુવાનોને અપીલ કરી છે કે તેઓ સોશિયલ મીડિયા પર ફેમસ થવાના પ્રયાસમાં પોતાનો જીવ જોખમમાં ન નાખે. રેલ્વે જેવી સાર્વજનિક જગ્યાઓ પર આવા સ્ટંટ કરવું માત્ર ગેરકાયદેસર નથી પરંતુ તમારા જીવન માટે પણ ખતરનાક બની શકે છે.
આ પણ વાંચો:સુરતમાં ગેંગ વોરમાં ફાયરિંગ થતા ફફડાટ ફેલાયો
આ પણ વાંચો:સુરતઃ ઘરકંકાસમાં પતિએ પત્નીની હત્યા કરીને આપઘાત કર્યો
આ પણ વાંચો:સુરતમાં પરીણિત પ્રેમીપંખીડાએ તાપીમાં ઝંપલાવ્યું
