Rajkot News: રાજકોટનું બાલાજી મંદિર (Rajkot Balaji Temple ) ફરી એકવાર વિવાદમાં આવ્યું છે. મંદિરના વિવેકસાગર સ્વામી સામે માજી સૈનિકો માટે કાર્યરત આરોગ્ય કેન્દ્ર (ECHS)ની જગ્યા ખાલી કરાવવા દબાણ કર્યાના આક્ષેપો કરવામાં આવ્યા છે. આ મામલે ECHS કેન્દ્રના સંચાલકોએ વિરોધ નોંધાવ્યો છે અને જગ્યા ખાલી કરવાનો ઇન્કાર કર્યો છે. સંચાલકોનું કહેવું છે કે, કેન્દ્ર માટેની લીઝ વર્ષ 2028 સુધી માન્ય છે, જેથી હાલ જગ્યા ખાલી કરવાનો કોઈ પ્રશ્ન ઉભો થતો નથી.
Rajkot Balaji Temple : એરફોર્સના પૂર્વ અધિકારી સાથે બેઠક
મળતી માહિતી મુજબ, જગ્યા ખાલી કરાવવાના મુદ્દે વિવેકસાગર સ્વામી દ્વારા એરફોર્સના એક પૂર્વ અધિકારી સાથે બેઠક પણ યોજવામાં આવી હતી.આ બેઠક દરમિયાન ECHS કેન્દ્રની જગ્યા ખાલી કરવા અંગે ચર્ચા થઈ હોવાનો દાવો કરવામાં આવ્યો છે. જોકે, ECHS સંચાલકોએ પોતાની સ્થિતિ સ્પષ્ટ કરતા જણાવ્યું છે કે, કાયદેસરની લીઝ હોવાના કારણે તેઓ જગ્યા ખાલી કરશે નહીં.
Rajkot Balaji Temple છ ECHS કેન્દ્રમાં માજી સૈનિકોને મળે છે આરોગ્ય સેવા
ECHS (Ex-Servicemen Contributory Health Scheme) કેન્દ્ર માજી સૈનિકો અને તેમના પરિવારજનોને આરોગ્ય સેવાઓ પૂરી પાડે છે.કેન્દ્ર સાથે જોડાયેલા લોકોનું કહેવું છે કે, આ સેવા સતત ચાલુ રહે તે જરૂરી છે અને અચાનક જગ્યા ખાલી કરાવવાનો પ્રયાસ યોગ્ય નથી.
Rajkot Balaji Temple : લીઝ વર્ષ 2028 સુધી હોવાનો દાવો
ECHS સંચાલકોના જણાવ્યા અનુસાર, જે જગ્યા પર કેન્દ્ર કાર્યરત છે તેની લીઝ વર્ષ 2028 સુધી છે. આ કારણે લીઝ પૂર્ણ થાય તે પહેલાં જગ્યા ખાલી કરવાનો કોઈ આધાર નથી.હાલ આ મામલે બંને પક્ષો વચ્ચે વિવાદ ચાલી રહ્યો છે. આગામી દિવસોમાં આ મુદ્દે વધુ સ્પષ્ટતા સામે આવી શકે છે.
