બોલિવૂડના જાણીતા કોરિયોગ્રાફર સરોજ ખાનનું હાર્ટ એટેકથી નિધન થયું છે. તેઓને શ્વાસ લેવામાં તકલીફ થઈ હતી, ત્યારબાદ તે 20 જૂનથી હોસ્પિટલમાં દાખલ કરવામાં આવ્યા હતા. ત્યાં તેમનું કોરોના વાયરસ માટે પણ પરીક્ષણ કરવામાં આવ્યું, જે નેગેટીવ આવ્યું હતું. બે દિવસ પછી, તેની સ્થિતિમાં સુધારો થવાનું શરૂ થયું, પરંતુ હાઈ ડાયાબિટીઝને કારણે તેમની કિડનીમાં કેટલીક ગંભીર કોમ્પ્લિકેશન્સને કારણે તેમની સ્થિતિ વધુ ખરાબ થઈ ગઈ. સરોજ ખાનને માલાડના અહલે સુન્નત કબ્રસ્તાનમાં શુક્રવારે સવારે સુપુર્દ-એ-ખાક કરવામાં આવ્યા. સરોજ ખાનના પુત્ર રાજુએ અંતિમ વિધિ પૂરી કરી.
સરોજ ખાને ઘણા બોલિવૂડ ગીતો કોરિયોગ્રાફ કર્યા છે, પરંતુ તેણે માધુરી દીક્ષિત અને શ્રીદેવીના ગીતોને કોરિયોગ્રાફ કર્યા જે સુપરહિટ રહ્યા. ‘તેઝાબ’ની એક દો તીન… ‘બેટા’નું ધક ધક કરને લગા… ‘,’ મિસ્ટર ઈન્ડિયા ” કાંટે નહીં કટતે યે દિન યે રાત’, ‘ચલબાઝ’ની ‘હવા હવાઈ ’, ચાંદની’ મેરે હાથો મેં નૌ નૌ ચૂડિયા અને ઓ મેરી ચાંદની ‘,’ દિલવાલે દુલ્હનિયા લે જાયેંગે’નું ‘મહેંદી લગાકે રખના’ ગીત સરોજ ખાને તેમની સુંદર કોરિઓગ્રાફી દ્વારા આવા અસંખ્ય ગીતો સજાવ્યા છે.
સરોજ ખાનના જવાથી બોલિવૂડ સ્ટાર્સ શોક વ્યક્ત કરી રહ્યા છે. અક્ષય કુમારે સરોજ ખાનના નિધન પર શોક વ્યક્ત કર્યો છે. અક્ષયે લખ્યું છે કે સવારે ઉઠ્યા બાદ સૌથી ખરાબ સમાચાર મળ્યા છે.
અમિતાભ બચ્ચને લખ્યું – હાથ જોડાયેલા છે, મન અશાંત છે.
T 3582 – Prayers .. 🙏 ..
हाथ जुड़े हैं , मन अशांत— Amitabh Bachchan (@SrBachchan) July 3, 2020
