કોરોના વાયરસ અંગે એક મોટી રાહતના સમાચાર આવ્યા છે. કેન્દ્રીય આરોગ્ય પ્રધાન ડો.હર્ષ વર્ધન દ્વારા દાવો કરવામાં આવ્યો છે કે આ વર્ષે દિવાળી સુધીમાં કોરોના વાયરસ પર કાબુ મેળવવામાં આવી જશે. ડો.હર્ષ વર્ધને અનંત કુમાર ફાઉન્ડેશન દ્વારા આયોજિત ‘નેશન ફર્સ્ટ’ વેબિનાર સિરીઝના ઉદઘાટન કરતા આ વાત જણાવી હતી. ડો.હર્ષ વર્ધન કહે છે કે દેશ આ મહામારીનો સામનો કરવા મામલે ઘણા આગળ છે.
ડો.હર્ષ વર્ધને કહ્યું, ‘આ વર્ષે દિવાળી સુધીમાં કોરોના વાયરસ નોંધપાત્ર નિયંત્રણમાં આવશે. આ મહામારી સામે લડવા માટે નેતાઓ અને સામાન્ય લોકોએ સાથે મળીને કામ કર્યું છે. તેમણે કહ્યું કે કોવિડ -19 કેસ ભારતમાં આવે તે પહેલાં આરોગ્ય અધિકારીઓએ આ વિશે એક બેઠક કરી હતી.
આપણ વાંચો: કોરોના વેક્સીન પર સીરમ ઇન્સ્ટિટ્યૂટની સ્પષ્ટતા – માત્ર રસી તૈયાર કરવાની મળી છે મંજુરી
હર્ષ વર્ધને કહ્યું, ‘વડા પ્રધાન નરેન્દ્ર મોદીએ આ વિશે એક સમિતિની રચના કરી છે, જેનું હું નેતૃત્વ કરી રહ્યો છું અને અત્યાર સુધી અમે 22 વાર બેઠક કરી છે.’ તેમણે કહ્યું કે ફેબ્રુઆરી સુધી દેશમાં એક જ લેબ હતી, જે હવે વધારીને 1,583 કરવામાં આવી છે. આમાંથી, એક હજારથી વધુ સરકારી લેબ્સ છે. આરોગ્યમંત્રીએ કહ્યું કે દરરોજ આશરે 10 લાખ પરીક્ષણો કરવામાં આવે છે, જે આપણા લક્ષ્યાંકથી આગળ છે.
ડો.હર્ષ વર્ધન તબીબી ઉપકરણો વિશે પણ વાત કરી હતી. તેમણે કહ્યું કે પહેલાની જેમ અહીં પણ પી.પી.ઇ કીટ, વેન્ટિલેટર અને એન 95 માસ્કની અછત નથી. તેમણે કહ્યું, ‘દેશમાં દરરોજ પાંચ લાખ પી.પી.ઇ કીટ બનાવવામાં આવી રહી છે જ્યારે 10 ઉત્પાદકો એન 95 માસ્ક બનાવવા પર કામ કરી રહ્યા છે. 25 કંપનીઓ વેન્ટિલેટર બનાવી રહી છે.
કોરોના વાયરસની રસી અંગે ડો. હર્ષ વર્ધનએ કહ્યું કે રસીની ટ્રાયલ જોરશોરથી ચાલી રહી છે. ત્રણ રસી તેમની ક્લિનિકલ ટ્રાયલમાં છે જ્યારે ચાર રસી પૂર્વ-ક્લિનિકલ ટ્રાયલમાં છે. ડો.હર્ષ વર્ધને કહ્યું, ‘અમે આશા રાખીએ છીએ કે આ વર્ષના અંત સુધીમાં રસી તૈયાર થઈ જશે. વડા પ્રધાન નરેન્દ્ર મોદીની અગમચેતીને કારણે જ અમે અહીં પહોંચવામાં સફળ થયા છીએ.
આપને જણાવી દઈએ કે વિશ્વભરમાં 170 જેટલી રસી પર કામ ચાલી રહી છે. વર્લ્ડ હેલ્થ ઓર્ગેનાઇઝેશન મુજબ, વિશ્વમાં ઓછામાં ઓછી 30 રસી માનવ ટ્રાયલના અંતિમ તબક્કામાં છે, જેમાં ભારતમાં કોવિસીન અને ઓક્સફોર્ડ યુનિવર્સિટીના કોવિશિલ્ડનો પણ સમાવેશ થાય છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.