ભારતમાં કોરોનાવાયરસનાં કારણે ચાલી રહેલા લોકડાઉન વચ્ચે આત્મનિર્ભર બનાવવા માટે, પીએમ મોદી દ્વારા 20 લાખ કરોડ રૂપિયાનાં પેકેજની જાહેરાત કરવામાં આવી હતી. નાણામંત્રી નિર્મલા સીતારમણે આજે શનિવારે પીએમ મોદી દ્વારા જાહેર કરાયેલા 20 લાખ કરોડ રૂપિયાનાં પેકેજની ચોથા તબક્કાની ઘોષણા કરી. નાણામંત્રી નિર્મલા સીતારમણની સાથે નાણાં રાજ્યમંત્રી અનુરાગ ઠાકુરે પણ પત્રકાર પરિષદમાં હાજરી આપી હતી.
નાણામંત્રી નિર્મલા સીતારમણે કહ્યું કે, આજે ગ્રોથ અને રોકાણમાં વધારો કરનારા આર્થિક સુધારાની જાહેરાત કરવામાં આવશે. મોટી જાહેરાત કરતા નાણાં પ્રધાને કહ્યું કે, સ્વચાલિત માર્ગ હેઠળ સંરક્ષણ ઉત્પાદનમાં એફડીઆઈની મર્યાદા 49% થી વધારીને 74% કરવામાં આવી રહી છે. નાણાં પ્રધાન સીતારમણે કહ્યું કે, સંરક્ષણ ઉત્પાદનમાં આત્મનિર્ભરતા લાવવા મેક ઈન ઈન્ડિયા પર ભાર મૂકવો જરૂરી છે. સરકાર આવા હથિયારો અને પ્લેટફોર્મની સૂચના જાહેર કરશે, જેમની આયાત પર પ્રતિબંધ મૂકવામાં આવશે. તેમની કામગીરી સુધારવા માટે ઓર્ડિનન્સ ફેક્ટરી બોર્ડનો સમાવેશ કરવામાં આવશે. ભારતે આ દિશામાં ઘણા પગલા ભર્યા છે. હથિયારોની સૂચિને નોટિફાઇ કરવામાં આવશે અને આયાત પર પ્રતિબંધ મૂકવામાં આવશે.
Foreign Direct Investment limit in defence manufacturing under automatic route is being raised from 49% to 74%: Finance Minister Nirmala Sitharaman. #EconomicPackage pic.twitter.com/z4dtXJrQSp
— ANI (@ANI) May 16, 2020
તેમણે કહ્યું કે, આત્મનિર્ભર ભારત અભિયાન અંતર્ગત ભારતમાં શસ્ત્રોનાં ઉત્પાદનમાં દર વર્ષે વધારો કરવામાં આવશે અને જે ભાગો આયાત કરવાના છે તે પણ દેશમાં જ ઉત્પન્ન કરવામાં આવશે. આ માટે એક અલગ બજેટ આપવામાં આવશે. આનાથી સંરક્ષણ આયાત અને ભારતમાં સૈન્ય માટે શસ્ત્રો બનાવતી કંપનીઓને લાભ થશે. ઓર્ડિનન્સ ફેક્ટરી ઓર્ગેનાઇઝેશનનો સમાવેશ કરવામાં આવશે. નાણાં પ્રધાને ભાર મૂક્યો હતો કે કોર્પોરેટરો ખાનગીકરણ નહીં પણ કામગીરી સુધારવા માટે સમાવિષ્ટ કરવામાં આવશે. આ પ્રસંગે નાણાં પ્રધાને કહ્યું કે, દેશને સંરક્ષણ ઉત્પાદનમાં આત્મનિર્ભર બનાવવા માટે ‘મેક ઇન ઇન્ડિયા‘ એકદમ અનિવાર્ય છે. કંપનીઓ શેર બજારમાં સૂચિબદ્ધ થશે. સંરક્ષણ ઉત્પાદનમાં એફડીઆઈ મર્યાદા 49 ટકાથી વધારીને 74 ટકા કરી દેવામાં આવશે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
