દક્ષિણની પ્રખ્યાત અભિનેત્રી રામ્યા કૃષ્ણન વિશે એક મોટા સમાચાર સામે આવી રહ્યા છે. મીડિયા રિપોર્ટ્સની માનીએ તો ‘બાહુબલી‘ ફેમ રામ્યાની કારમાંથી દારૂની બોટલો મળી આવી છે, ત્યારબાદ અભિનેત્રીનાં ડ્રાઇવરની ધરપકડ કરવામાં આવી છે. વળી સ્પોટબોયનાં રિપોર્ટ મુજબ, રામ્યા પોતાની બહેન વિન્યાની સાથે કારમાં હાજર હતી, જ્યારે તેમની કાર ચેકપોસ્ટ પર રોકવામાં આવી હતી, જોકે, ચેકિંગમાં તેની કારમાં 96 બીયરની બોટલ અને 8 વાઇન મળી આવી હતી. પોલીસે આ બોટલ કબજે કરી હતી.
અભિનેત્રી રામ્યા કૃષ્ણનનાં ડ્રાઇવરની દારૂની દાણચોરીનાં આરોપમાં ધરપકડ કરી હતી, સાથે રામ્યા અને તેની બહેનને પણ થોડા સમય માટે પોલીસ કસ્ટડીમાં રાખવામાં આવ્યા હતા. જણાવી દઇએ કે, લોકડાઉનનાં કારણે તામિલનાડુનાં તમામ જિલ્લામાં દારૂની દુકાનો ખોલવામાં આવી છે, જોકે, ચેન્નઈમાં અત્યાર સુધીમાં દુકાનો બંધ થઈ ગઈ છે, જેના કારણે લોકો દારૂ ખરીદવા માટે અન્ય જિલ્લાઓમાં જતા રહ્યા છે.
અભિનેત્રી રામ્યા કૃષ્ણને સાઉથ ફિલ્મ ઇન્ડસ્ટ્રીની સાથે સાથે બોલિવૂડમાં પણ ઘણી ફિલ્મો કરી છે, જેમાં અમિતાભ બચ્ચન અને ગોવિંદા સ્ટારર ફિલ્મ ‘બડે મિયાં છોટી મિયાં‘ શામેલ છે. જોકે, અભિનેત્રીને ફિલ્મ ‘બાહુબલી‘ થી ઘણી ઓળખ મળી. આ ફિલ્મમાં રામ્યાએ માતા શિવગામીની ભૂમિકા નિભાવી હતી, જેમણે બાહુબલીને બચાવવા માટે પોતાનો જીવ આપ્યો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.