શનિવારે જમ્મુ-કાશ્મીર પ્રશાસને આતંકવાદીઓને મદદ કરતા સરકારી કર્મચારીઓ સામે મોટી કાર્યવાહી કરી હતી. પ્રશાસને એક સાથે 11 કર્મચારીઓને બરતરફ કર્યા છે. આમાં આતંકી સંગઠન હિઝબુલ મુજાહિદ્દીનના સ્થાપક સૈયદ સલાઉદ્દીનના બે પુત્રો શામેલ છે.
સૈયદ સલાહુદ્દીન કાશ્મીરનો રહેવાસી છે, પરંતુ હાલમાં તે પાકિસ્તાનના કબજા હેઠળના કાશ્મીરમાં રહે છે. તેઓ યુનાઇટેડ જેહાદ પરિષદના વડા પણ છે. આ સંસ્થાની રચના જૈશ-એ-મોહમ્મદ અને લશ્કર-એ-તૈયબા દ્વારા સંયુક્ત રીતે કરવામાં આવી છે.
આતંકવાદીઓને આંતરિક માહિતી આપી રહ્યાહતા
નોકરીમાંથી કાઢી મુકાયેલા કર્મચારીઓમાં અનંતનાગના 4, બડગામના 3, બારામુલા, શ્રીનગર, પુલવામા અને કુપવારાના 1. જેમાંથી 4 શિક્ષણ વિભાગના, 2 પોલીસ કોન્સ્ટેબલ, કૃષિ, કૌશલ્ય વિકાસ, વીજળી, એસકેઆઇએમએસ અને આરોગ્ય વિભાગના કર્મચારી છે. અધિકારીઓના મતે આ લોકો આતંકવાદીઓને અંદરની માહિતી આપી રહ્યા હતા.
આમાં મોસ્ટ વોન્ટેડ આતંકવાદી અને આતંકવાદી સંગઠન હિઝબુલ મુજાહિદ્દીનના નેતા સૈયદ સલાઉદ્દીનના બે પુત્રો પણ સરકારી નોકરી કરી રહ્યા હતા.
સલાઉદ્દીનનો પુત્ર આતંકી ભંડોળમાં સામેલ છે
ચોથી મીટિંગમાં બરતરફ કરવાની ભલામણ કરાયેલા 8 કર્મચારીઓ પૈકી 2 કોન્સ્ટેબલ છે. ડિપાર્ટમેન્ટમાં હતા ત્યારે તે આતંકવાદીઓને માહિતી તેમજ લોજિસ્ટિક્સ આપતા હતા. સૂત્રોએ જણાવ્યું હતું કે સુરક્ષાદળો પર થયેલા હુમલામાં કોન્સ્ટેબલ અબ્દુલ રશીદ શિગન પણ સામેલ હતો.
મોસ્ટ વોન્ટેડ આતંકવાદીઓ સૈયદ સલાઉદ્દીનના પુત્રો સૈયદ અહેમદ શકીલ અને શાહિદ યુસુફ આતંકવાદના ભંડોળમાં સામેલ હતા. એનઆઈએની નજર બંને પર હતી. તેઓ હિઝબુલ મુજાહિદ્દીન માટે હવાલા દ્વારા ભંડોળ ઉભું કરવા અને સ્થાનાંતરિત કરવામાં સામેલ હોવાનું જાણવા મળ્યું છે.
