અર્નાલ્ડુર કજાર અર્નઅર્સનની ઉંમર 11 વર્ષ છે. તે આઇસલેન્ડના રેકજાવિકમાં રહે છે. તેમની ઈચ્છા હતી કે તેમના નામની આગળ ‘લોર્ડ’નું બિરુદ હોવું જોઈએ. તેથી તેણે સ્કોટલેન્ડમાં જમીન ખરીદી છે.
અર્નાલ્ડુર કજાર અર્નઅર્સન કહ્યું, હવે મને લોકોને કહેવાનો અધિકાર છે કે બધા મને ‘લોર્ડ’ આર્નોલ્ડુર કહે. ‘આઈસલેન્ડ મોનિટર’ અનુસાર, આ 11 વર્ષના છોકરાએ સ્કોટલેન્ડમાં આર્ડાલી પાસે જમીનનો આ ટુકડો ખરીદ્યો છે. જે 5 ચોરસ ફૂટ છે. તેની કિંમત લગભગ 3 હજાર રૂપિયા છે.
આ બાળકે મીડિયા સાથેની વાતચીતમાં જણાવ્યું કે, તેણે આ બધું ‘લોર્ડ’ની પદવી માટે કર્યું છે. જો કે તેના દેશ (આઈસલેન્ડ)માં તેનું કોઈ ખાસ મહત્વ રહેશે નહીં. આ બાળકે કહ્યું કે આ ફની છે. અને તેના મિત્રો હજી પણ તેને તેના નામથી બોલાવે છે. કોઈ મિત્ર લોર્ડનું નામ તેની આગળ મૂકતો નથી. પરંતુ તે ઈચ્છે છે કે તે સ્કોટલેન્ડમાં રહે જેથી લોકો તેને ‘લોર્ડ’ કહે.
અર્નાલ્ડુર કજાર અર્નઅર્સનને રાગ ડોલ્સના વીડિયો જોયા પછી જમીન ખરીદવાનો વિચાર આવ્યો. જે પોતાને લોર્ડ કહે છે, કારણ કે તેણે સ્કોટલેન્ડમાં જમીન ખરીદી હતી. આ પછી, તેણે ગૂગલ પર સર્ચ કર્યું, જ્યાં છોકરાને વેલેન્ટાઇન ડે પર 80 ટકા જમીન ખરીદવા પર ડિસ્કાઉન્ટ મળ્યું. તેને આ સોદો અદ્ભુત લાગ્યો અને તે પોતાને લોર્ડ કહેવાની તક ગુમાવવા માંગતો ન હતો.
આ પછી બાળકે તેના પિતા આર્નોર સ્નેર સેવર્સનને આ વિશે સંદેશ મોકલ્યો. જે બાદ પિતા પણ સ્કોટલેન્ડમાં જમીન ખરીદવા સંમત થયા અને પુત્રને આર્થિક મદદ કરી. જો કે, બાળકની માતા, એલિસાબેટ લેફ્સડોટિરે કહ્યું કે તેણીને એટલી ખાતરી નથી કે કોઈ તેના પુત્રને લોર્ડ કહેશે.
