અરુણાચલ પ્રદેશમાં કુમી નદીમાં ડૂબી જવાથી 19 મજૂરોના મોતની આશંકા છે. આ મજૂરો ચીન બોર્ડર પાસે રોડ બનાવવાનું કામ કરતા હતા. ઈદ નિમિત્તે આસામ જવા માગતા હતા, કોન્ટ્રાક્ટરને રજૂઆત પણ કરવામાં આવી હતી. પરંતુ જ્યારે માંગ ન સ્વીકારવામાં આવી ત્યારે બધા પગપાળા આસામ જવા રવાના થયા.19 મજૂરોના અકસ્માતથી મોત થયાની આશંકા છે.
જાણવા મળ્યું છે કે આ તમામને BRO દ્વારા અરુણાચલમાં રોડ બનાવવા માટે લાવવામાં આવ્યા હતા. ઈદ નિમિત્તે તેમને આસામ સ્થિત તેમના ઘરે જવાનું હતું. કોન્ટ્રાક્ટરને અનેક વખત કહેવામાં આવ્યું હતું કે કામદારોને રજા આપવામા આવે . પરંતુ જ્યારે કોન્ટ્રાક્ટર સહમત ન થયો, ત્યારે આ તમામ મજૂરો પગપાળા આસામ જવા રવાના થયા. પ્રાપ્ત સમાચાર અનુસાર આ મજૂરો અરુણાચલના કુરુંગ કુમેય જિલ્લાના જંગલોમાં ખોવાઈ ગયા હતા.તેમના મોત થયા હોવાની આશંકા છે
