2,400 થી વધુ ભારતીયોને અમેરિકા સ્ટેટ્સમાંથી પાછા મોકલ્યા

અમેરિકાના રાષ્ટ્રપતિની ચૂંટણી પછી, ડોનાલ્ડ ટ્રમ્પે ગેરકાયદેસર ઇમિગ્રન્ટ્સ પર કડક કાર્યવાહી શરૂ કરી છે. 20 જાન્યુઆરી, 2025 ના રોજ પદ સંભાળ્યા પછી, ટ્રમ્પ વહીવટીતંત્રે 2,400 થી વધુ ભારતીયોને યુનાઇટેડ સ્ટેટ્સમાંથી પાછા મોકલ્યા છે. સ્ટેટ ડિપાર્ટમેન્ટ અનુસાર, આમાં 73 વર્ષીય હરજીત કૌરનો પણ સમાવેશ થાય છે, જેઓ 3૦ વર્ષથી અમેરિકામાં રહેતા હતા. હજારો ઇમિગ્રન્ટ્સને અમેરિકામાંથી ખૂબ જ અમાનવીય રીતે હાંકી કાઢવામાં આવી રહ્યા છે. તેમને બાંધીને અમેરિકન વિમાનોમાં બેસાડીને તેમના દેશોમાં પાછા મોકલવામાં આવી રહ્યા છે. આ સંદર્ભમાં, અમેરિકાએ પહેલાથી જ 2,400 થી વધુ ભારતીયોને હાંકી કાઢ્યા છે.

વિદેશ મંત્રાલયે આપ્યા આંકડા
શુક્રવારે વિદેશ મંત્રાલયે આ આંકડા શેર કર્યા, જે મુજબ અમેરિકાએ અત્યાર સુધીમાં લગભગ 2,500 ભારતીયોને દેશનિકાલ કર્યા છે. આ યાદીમાં 73 વર્ષીય પંજાબી મહિલા હરજીત કૌરનું નામ પણ શામેલ છે જે છેલ્લા 30 વર્ષથી અમેરિકામાં રહેતી હતી.
વિદેશ મંત્રાલયના પ્રવક્તા રણધીર જયસ્વાલના જણાવ્યા અનુસાર, 20 જાન્યુઆરી, 2025 થી, યુએસ વહીવટીતંત્રે હરજીત કૌર સહિત 2,417 ભારતીયોને સ્વદેશ પરત મોકલ્યા છે. વિદેશ મંત્રાલયનુ કહેવુ છે કે, “જ્યારે પણ કોઈ ભારતીય વિદેશ જાય છે અને દસ્તાવેજો વિના રહે છે, ત્યારે તેની નાગરિકતા ચકાસવામાં આવે છે અને પછી તેને ભારત દ્વારા સ્વીકારવામાં આવે છે. અમે સ્થળાંતર કરનારાઓ માટે કાનૂની પ્રક્રિયાનું પાલન કરીએ છીએ. ભારત ગેરકાયદેસર સ્થળાંતર સામે પણ મજબૂત રીતે ઊભું છે.”

કોણ છે હરજીત કૌર?
હરજીત કૌર તેના પતિના મૃત્યુ પછી છેલ્લા 30 વર્ષથી તેના પુત્ર સાથે અમેરિકામાં રહે છે. તે કેલિફોર્નિયામાં કામ કરે છે અને ઘણી વખત અમેરિકામાં આશ્રય માટે અરજી કરી છે. જોકે, દરેક વખતે તેની અરજી નકારી કાઢવામાં આવી હતી. યુએસ પોલીસે 8 સપ્ટેમ્બરના રોજ તેની ધરપકડ કરી હતી, જેના કારણે વિરોધ પ્રદર્શનો અને તેની મુક્તિની માંગણીઓ શરૂ થઈ હતી. જોકે, યુએસ વહીવટીતંત્રે હવે તેને ભારત મોકલી દીધી છે.
______________________________________________________________________________________________________