રાજ્યમાં કિશન ભરવાડ હત્યા કેસમાં પોલીસ તેના મૂળીયા સુધી પહોચવા માટે કમરકસી રહી છે,રાજ્ય સહિત દેશમાં પણ સોશિયલ મીડિયા પર પોસ્ટ કરનારઓને આ આરોપીઓએ ટાર્ગેટ કર્યા છે કે નહી તેની તપાસ પોલીસ કરી રહી છે તે અનુસંધાનમાં પોલીસે કોર્ટ પાસે વધુ રિમાન્ડ માંગ્યા હતા કોર્ટે 9 દિવસના રિમાન્ડ મંજૂર કર્યા છે.
કિશન ભરવાડની હત્યા કેસમાં પકડાયેલા શબ્બીર ચોપડા, ઇમ્તિયાઝ પઠાણ અને મૌલાના એયુબ જાવરાવાલાને શનિવારે એટીએસ દ્વારા કોર્ટમાં રજૂ કરી વધુ રિમાન્ડની માગણી કરતા કોર્ટે ત્રણેને વધુ 9 દિવસના રિમાન્ડ મંજૂર કર્યા હતા.
આ ઉપરાંત કોર્ટ સમક્ષ કારણ રજુ કરવામાં આવ્યું હતું કે, પકડાયેલા આરોપીઓએ ઇસ્લામ તથા પંયગમ્બરની ગુસ્તાખી કરનારા બી.એસ. પટેલ, પંકજ આર્યા, પુસ્પેન્દ્ર કુલશ્રેસ્ઠ, મહેન્દ્રપાલ આર્યા, નરસિંહાનંદ, રાહુલ આર્યા, રાધેશ્યામ આચાર્ય, ઉપદેશ રાણા, ઉપાસના આર્યા, આર.એસ.એન. સીંગનાઓ વિશેે સોશિયલ મીડિયાના જુદા જુદા પ્લેટફોર્મ માંથી એકત્ર કરી હતી તેમની વિરૂધ્ધ કોઇ કાવત્રુ કરેલ છે કે કેમ ? તે હકીકત જાણવા વધુ રીમાન્ડ માગ્યા હતા.
અત્યાર સુધીની તપાસમાં એવું બહાર આવ્યુ છે કે આરોપી શબ્બીરના ફોનના સી.ડી.આર.નો અભ્યાસ કરતા તેણે આરોપી કમરગની સાથે જૂન 2021થી સપ્ટેમ્બર 2021 દરમ્યાન દસેક વખત વાતચીત કરેલી છે તેમજ તે આ સમયગાળા દરમ્યાન તેણે તથા ઐયુબે પોરબંદર ખાતે સાજણ ઓડેદરાની રેકી કર્યા પહેલા તથા રેકી કર્યા બાદ મુંબઇ ખાતે રૂબરૂમા જઇ આરોપી કમરગની સાથે મુલાકાત કરી હતી.
