કેનેડાના ટોરન્ટોમાં શનિવારે એક ભયાનક માર્ગ અકસ્માતમાં પાંચ ભારતીય વિદ્યાર્થીઓના મોત થયા હોવાનું સામે આવ્યું છે. ટોરન્ટોમાં ભારતના હાઈ કમિશનર અજય બિસારિયાએ આ માહિતી આપી હતી. આ અકસ્માતમાં અન્ય બે વિદ્યાર્થીઓ પણ ઘાયલ થયા છે, જેમની હોસ્પિટલમાં સારવાર ચાલી રહી છે. બિસારિયાએ કહ્યું કે ટોરન્ટોમાં કોન્સ્યુલેટ જનરલ ઓફ ઈન્ડિયાની ટીમ પીડિતોના મિત્રો સાથે મદદ માટે સંપર્કમાં છે.
ઑન્ટારિયો પ્રાંતીય પોલીસના ક્વિન્ટે વેસ્ટ ડિટેચમેન્ટ મુજબ, વિદ્યાર્થીઓ વાનમાં મુસાફરી કરી રહ્યા હતા. 13 માર્ચ, શનિવારે સવારે 3:45 વાગ્યે એક ટ્રેલર તેની વાન સાથે અથડાયું હતું. આ અકસ્માતમાં વાનમાં સવાર પાંચ વિદ્યાર્થીઓના ઘટનાસ્થળે જ મોત થયા હતા. મૃત્યુ પામેલા વિદ્યાર્થીઓની ઓળખ 24 વર્ષીય હરપ્રીત સિંહ, 21 વર્ષીય જસપિન્દર સિંહ, 22 વર્ષીય કરણપાલ સિંહ, 23 વર્ષીય મોહિત ચૌહાણ અને 23 વર્ષીય પવન કુમાર તરીકે થઈ છે. કેનેડિયન પોલીસના જણાવ્યા અનુસાર તમામ મોન્ટ્રીયલ અને ગ્રેટર ટોરોન્ટો વિસ્તારમાં અભ્યાસ કરતા હતા. અકસ્માતમાં ઘાયલ બે વિદ્યાર્થીઓને ગંભીર હાલતમાં હોસ્પિટલમાં ખસેડવામાં આવ્યા હતા. સાથે જ ટ્રેલરના ચાલકને પણ કોઈ ઈજા થઈ ન હતી. પોલીસ આ મામલે તપાસ કરી રહી છે. અકસ્માત બાદ હાઈવેની એક લાઈન બંધ કરવી પડી હતી, જે થોડા સમય બાદ ખોલી શકાઈ હતી.
એક સપ્તાહ પહેલા પણ ત્રણ ભારતીય વિદ્યાર્થીઓના થયા હતા મોત…
એક અઠવાડિયા પહેલા ત્રણ ભારતીય વિદ્યાર્થીઓના માર્ગ અકસ્માતમાં મોત થયા હતા. આ અકસ્માત કેનેડાના ઓન્ટારિયોમાં સારનિયા પાસે થયો હતો. મૃત્યુ પામેલા વિદ્યાર્થીઓની ઓળખ ગુરિન્દરપાલ લિધર (31), બેરી ટાઉન, મોનો ટાઉન, ઓન્ટારિયોના રહેવાસી, સની ખુરાના (24), બ્રેન્ટફોર્ડ અને કિરણપ્રીત સિંહ ગિલ (22) તરીકે થઈ છે. ત્રણેય પંજાબના ફરીદકોટના રહેવાસી હતા. સ્થાનિક મીડિયા અનુસાર, ઓન્ટારિયોના હૈદરમાં હાઈવે 6 પાસે આર્થરના વેલિંગ્ટન રોડ પર તેની વાન એક ટ્રેલર સાથે અથડાઈ હતી.
આ પણ વાંચો :સુમાત્રા ટાપુ પર ભૂકંપનો જોરદાર આંચકો, એક મિનિટ સુધી અનુભવાયો 6.7ની તીવ્રતાનો ભૂકંપ
આ પણ વાંચો : અમેરિકાના પૂર્વ રાષ્ટ્રપતિ બરાક ઓબામા કોરોનાની ચપેટમાં, પત્ની મિશેલ વિશે ટ્વિટ કરીને આપી આ માહિતી
આ પણ વાંચો : ઈરાને સાઉદી અરેબિયા સાથેની વાતચીત કરી સ્થગિત, સામૂહિક મૃત્યુ દંડ લાદવાના નિર્ણય બાદ ભર્યું આ પગલું
આ પણ વાંચો : હોસ્પિટલમાં ઘાયલ યુક્રેનિયન સૈનિકોને મળ્યા ઝેલેન્સકી કહ્યું “જલ્દી સ્વસ્થ થાઓ મિત્રો”
