બાંગ્લાદેશમાં ‘સિત્રાંગ’ ચક્રવાતનો કહેર જોવા મળી રહ્યો છે. મીડિયા અહેવાલો અનુસાર, સોમવારે મોડી રાત્રે ચક્રવાત સિત્રાંગ કારણે બાંગ્લાદેશમાં ઓછામાં ઓછા 5 લોકોના મોત થયા હતા. ન્યૂઝ એજન્સીએ આપત્તિ મંત્રાલયના કંટ્રોલ રૂમના પ્રવક્તા નિખિલ સરકારને ટાંકીને જણાવ્યું હતું કે બરગુના, નરેલ, સિરાજગંજ અને ભોલાના ટાપુ જિલ્લામાંથી મૃત્યુ નોંધાયા છે.ચક્રવાતી તોફાન સિત્રાંગ પગલે સોમવારે કોક્સ બજાર કિનારે હજારો લોકો અને પશુધનને ચક્રવાત આશ્રયસ્થાનોમાં ખસેડવામાં આવ્યા હતા. કોક્સ બજારના ડેપ્યુટી કમિશનર મમુનુર રશીદે ANIને જણાવ્યું કે, “નજીકની શૈક્ષણિક સંસ્થાઓને પણ જરૂર પડ્યે આશ્રયસ્થાનો તરીકે ઉપયોગ કરવા માટે તૈયાર રાખવામાં આવી છે. લોકોને જીવન અને સંપત્તિની સુરક્ષા માટે આશ્રયસ્થાનોમાં રાખવામાં આવી રહ્યા છે.”
ચક્રવાત સિત્રાંગ અસર પૂર્વોત્તર રાજ્યોમાં જોવા મળી રહી છે
ભારતીય હવામાન વિભાગ (IMD) અનુસાર, ચક્રવાત સિતારંગ એક ડીપ ડિપ્રેશનમાં નબળું પડી ગયું છે અને IST બપોરે 2.30 વાગ્યે બાંગ્લાદેશની ઉપર અગરતલાના 60 કિમી ઉત્તર-ઉત્તર-પૂર્વમાં ઢાકાથી લગભગ 90 કિમી ઉત્તરપૂર્વમાં કેન્દ્રિત છે. હવામાન વિભાગે જણાવ્યું હતું કે ચક્રવાત આગામી ત્રણ કલાક દરમિયાન નબળો પડી શકે છે અને આગામી છ કલાક દરમિયાન ઓછા દબાણવાળા વિસ્તારમાં ફેરવાય તેવી શક્યતા છે.
ચક્રવાત સિતરંગને કારણે, ભારતના કેટલાક ભાગોમાં વરસાદની સંભાવના છે, તેથી સાવચેતી તરીકે પશ્ચિમ બંગાળના નીચાણવાળા વિસ્તારોમાંથી હજારો લોકોને સ્થળાંતર કરવામાં આવ્યા હતા. 100 થી વધુ રાહત કેન્દ્રો ઉભા કરવામાં આવ્યા છે. હવામાન વિભાગના જણાવ્યા અનુસાર, મંગળવારે (25 ઓક્ટોબર) અરુણાચલ પ્રદેશ, આસામ, મેઘાલય, મિઝોરમ અને ત્રિપુરામાં મધ્યમથી ભારે વરસાદની સંભાવના છે.
