Surat News: સુરત માર્કેટ યાર્ડ માટે ખેડૂતોને આપવામાં આવેલી જમીન પર બનેલી ફાઈવ સ્ટાર હોટલનો વિવાદ સુપ્રીમ કોર્ટમાં પહોંચ્યા બાદ હવે 27 ઓગસ્ટે ફાઈવ સ્ટાર હોટલની હરાજી થવા જઈ રહી છે.
સુરત માર્કેટ યાર્ડ બનાવવા માટે રાજ્ય સરકાર દ્વારા આપવામાં આવેલી જમીન ફાઈવ સ્ટાર હોટલ માટે લીઝ પર આપવામાં આવી હતી, પરંતુ સુપ્રીમ કોર્ટના આદેશ બાદ હોટલની હરાજી માટે ટેન્ડર પ્રસિદ્ધ કરવામાં આવ્યા છે.
હરાજી માટે રજીસ્ટ્રેશન 20 ઓગસ્ટ સુધી કરી શકાશે. હોટેલની અપસેટ વેલ્યુ 320 કરોડ રૂપિયા નક્કી કરવામાં આવી છે. જેમાં જમીનની કિંમત 165 કરોડ રૂપિયા આંકવામાં આવી છે. હોટલની કિંમત 155 કરોડ રૂપિયા આંકવામાં આવી છે. 2012-13માં કૃષિ પ્રવૃતિને બદલે હોટલ માટે કોન્ટ્રાક્ટ કરાયો હતો. 2014માં હાઈકોર્ટમાં PIL દાખલ કરવામાં આવી હતી. હાઈકોર્ટનો આદેશ હરાજી દ્વારા પૈસા વસૂલવાનો હતો. હરાજી બાદ જમીનની કિંમત સરકારને ચૂકવવામાં આવશે. બિલ્ડિંગની કિંમત એપીએમસીને ચૂકવવામાં આવશે.
ખેડૂતના હિત માટે જમીન પર 5 સ્ટાર હોટલ બનાવવામાં આવી હતી. 5-સ્ટાર હોટેલની હરાજી 27 ઓગસ્ટ, મંગળવારે ઓનલાઈન કરવામાં આવશે. હોટેલની અપસેટ વેલ્યુ 320 કરોડ રૂપિયા નક્કી કરવામાં આવી છે.
આ પણ વાંચો:બનાસકાંઠાની સ્કૂલની શિક્ષિકા આઠ વર્ષથી સ્કૂલે ન આવવા છતાં લે છે પગાર
આ પણ વાંચો:આદિવાસી મ્યુઝિયમમાં જ આદિવાસી યુવાનને માર મરાયો, એકનું મોત
આ પણ વાંચો:સુરતમાં આરોગ્ય વિભાગ રોગચાળો ફાટી નીકળતો અટકાવવા એક્શનમાં
