ધીરે ધીરે, હવે મંકીપોક્સ ભારતમાં ઝડપથી ફેલાઈ રહ્યું છે. કેરળમાં મંકીપોક્સનો પાંચમો કેસ સામે આવ્યો છે. સ્વાસ્થ્ય મંત્રાલય દ્વારા કહેવામાં આવ્યું છે કે UAEથી પરત ફરેલા દર્દીને મંકીપોક્સથી ચેપ લાગ્યો છે. આ સાથે દેશમાં મંકીપોક્સના દર્દીઓની સંખ્યા હવે સાત થઈ ગઈ છે.
આરોગ્ય મંત્રાલયને ટાંકીને અહેવાલ આપ્યો છે કે કેરળમાં UAEથી પરત ફરેલા એક વ્યક્તિ મંકીપોક્સથી સંક્રમિત જોવા મળ્યો છે. જાણકારી અનુસાર કેરળના સ્વાસ્થ્ય મંત્રી વીણા જ્યોર્જે મંગળવારે જણાવ્યું કે, સંક્રમિત મળી આવેલા યુવકની મલપ્પુરમમાં સારવાર ચાલી રહી છે. તે 27 જુલાઈના રોજ UAEથી કોઝિકોડ એરપોર્ટ પહોંચ્યો છે.
કેરળનો આ પાંચમો કેસ છે જ્યારે કેરળમાં શનિવારે મંકીપોક્સથી કોઈ વ્યક્તિનું મોત થયું હતું. તે પણ હાલમાં જ યુએઈથી પરત આવ્યો હતો. તેના ટેસ્ટ રિપોર્ટમાં મંકીપોક્સ વાયરસ મળી આવ્યો હતો. આ સાથે, સોમવારે મંકીપોક્સ જેવા લક્ષણો ધરાવતા વ્યક્તિના મૃત્યુ પછી ત્રિચુરમાં 20 લોકોને અલગ કરવામાં આવ્યા છે.
બીજી તરફ રાજધાની દિલ્હીમાં સોમવારે મંકીપોક્સનો બીજો કેસ સામે આવ્યો છે. સૂત્રોના જણાવ્યા અનુસાર, આફ્રિકન મૂળના નાગરિકમાં ચેપની પુષ્ટિ થઈ છે, તેને શંકાસ્પદ લાગતા બે દિવસ પહેલા લોક નાયક જય પ્રકાશ હોસ્પિટલમાં સારવાર માટે દાખલ કરવામાં આવ્યો હતો, સોમવારે બપોરે રિપોર્ટમાં તેને મંકીપોક્સ હોવાની પુષ્ટિ થઈ છે.
આ સાથે સૂત્રોએ જણાવ્યું કે રવિવાર અને સોમવારે પણ આફ્રિકન મૂળના શંકાસ્પદ લોકોને સારવાર માટે હોસ્પિટલમાં દાખલ કરવામાં આવ્યા છે, જેનો રિપોર્ટ આવવાનો બાકી છે. શકમંદોને તાવ અને ત્વચાની સમસ્યા છે. આ દર્દીઓ છેલ્લા એક વર્ષથી દિલ્હીમાં રહે છે.
આ પણ વાંચો:સંજય રાઉતની મુશ્કેલીમાં વધારો, બે જગ્યાએ EDના દરોડા ચાલુ, કેટલાક લોકોની થઈ શકે છે પૂછપરછ
