National News : કેન્દ્ર સરકારના કર્મચારીઓમાં 8મા પગાર પંચ (8th Pay Commission) હેઠળ પગાર વધારાને લઈને ઉત્સુકતા વધી રહી છે. આ દરમિયાન સોશિયલ મીડિયા પર એક વાઇરલ સેલરી ચાર્ટ (Viral Salary Chart) ચર્ચામાં આવ્યો છે. તેમાં પટાવાળાથી લઈને ભારત સરકારના સચિવ સુધીના વિવિધ હોદ્દા માટે સંભવિત માસિક પગાર દર્શાવવામાં આવ્યો છે. જોકે, આ આંકડાઓને સત્તાવાર માનવા પહેલાં તેની હકીકત જાણવી જરૂરી છે.
વાઇરલ ચાર્ટમાં કયા હોદ્દા માટે કેટલો પગાર?
સોશિયલ મીડિયા પર શેર થઈ રહેલા ચાર્ટમાં સરકારી કર્મચારીઓના પગાર (Government Salary) અંગે વિવિધ દાવા કરવામાં આવ્યા છે. તેમાં પટાવાળાનો માસિક પગાર રૂ. 45,000, ક્લાર્કનો રૂ. 50,000, શિક્ષકનો રૂ. 85,000 અને ડૉક્ટરનો રૂ. 1.30 લાખ દર્શાવવામાં આવ્યો છે.
આ ઉપરાંત સબ-ઇન્સ્પેક્ટરનો પગાર રૂ. 80,000, ઇન્સ્પેક્ટરનો રૂ. 1.20 લાખ, વૈજ્ઞાનિકનો રૂ. 1.40 લાખ અને IAS, IPS તથા IFS અધિકારીઓનો પગાર રૂ. 1.55 લાખ સુધી પહોંચવાનો દાવો કરવામાં આવ્યો છે. ચાર્ટમાં ભારત સરકારના સચિવ માટે રૂ. 3 લાખ માસિક પગાર દર્શાવાયો છે.
શું ખરેખર આટલો વધશે સરકારી કર્મચારીઓનો પગાર?
8મા પગાર પંચ (Pay Commission Update) હેઠળ પગાર, ભથ્થાં અને પેન્શનમાં ફેરફાર અંગે કર્મચારીઓમાં આશાઓ છે. જોકે, દરેક કર્મચારીનો પગાર કેટલો થશે તે અંગે હાલ ચોક્કસ આંકડો આપવો યોગ્ય નથી. પગાર વધારો (Salary Hike) કર્મચારીના પે લેવલ, હાલના મૂળ પગાર અને અંતિમ ભલામણો પર આધારિત રહેશે.
મૂળ પગાર અને કુલ માસિક પગારમાં પણ તફાવત હોય છે. મોંઘવારી ભથ્થું, મકાન ભાડા ભથ્થું, પરિવહન ભથ્થું અને અન્ય લાભોને કારણે કર્મચારીઓની કુલ આવક અલગ હોઈ શકે છે.
8મા પગાર પંચ હેઠળ વાઇરલ ચાર્ટમાં દર્શાવેલો અનુમાનિત માસિક પગાર
| ક્રમ | સરકારી પદ | વાઇરલ ચાર્ટ મુજબ પગાર |
|---|---|---|
| 1 | શિક્ષક | ₹85,000 |
| 2 | ડૉક્ટર | ₹1,30,000 |
| 3 | જજ | ₹1,50,000 |
| 4 | વૈજ્ઞાનિક | ₹1,40,000 |
| 5 | પટાવાળા | ₹45,000 |
| 6 | ક્લાર્ક | ₹50,000 |
| 7 | ટપાલી | ₹55,000 |
| 8 | સબ-ઇન્સ્પેક્ટર (SI) | ₹80,000 |
| 9 | હેડ કોન્સ્ટેબલ | ₹69,000 |
| 10 | આસિસ્ટન્ટ સબ-ઇન્સ્પેક્ટર (ASI) | ₹76,000 |
| 11 | જુનિયર એન્જિનિયર | ₹92,000 |
| 12 | ઇન્સ્પેક્ટર | ₹1,20,000 |
| 13 | સેક્શન ઑફિસર | ₹1,29,000 |
| 14 | IAS/IPS/IFS અધિકારી | ₹1,55,000 |
| 15 | IAS/IPS અધિકારી (સિનિયર સ્કેલ) | ₹2,10,000 |
| 16 | ભારત સરકારના સચિવ | ₹3,00,000 |
| 17 | સચિવ | ₹3,00,000 |
કેન્દ્ર સરકારના કર્મચારીઓ (Central Government Employees) માટે આખરી પગાર માળખું નક્કી કરવા પંચની ભલામણો અને સરકારના ઔપચારિક નિર્ણયની રાહ જોવી પડશે. ત્યાં સુધી વાઇરલ લિસ્ટના આધારે પગાર વધારા અંગે નિશ્ચિત ધારણા બાંધવી યોગ્ય નથી.
