Mumbai News : મંગળવારે રાત્રે મુંબઈના છત્રપતિ શિવાજી મહારાજ આંતરરાષ્ટ્રીય એરપોર્ટ પર એક મોટી દુર્ઘટના ટળી ગઈ. રાત્રે લગભગ 8 વાગ્યાના સમયે ટેક્સીવે પર બે વિમાનો (Plane) ની પાંખો અથડાઈ ગઈ, જેના કારણે એરપોર્ટ પર થોડીવાર માટે હડકંપ મચી ગયો.
પ્રાપ્ત અહેવાલો અનુસાર, ઈન્ડિગોનું એક વિમાન ટેક્સી કરતી વખતે એર ઈન્ડિયાના વિમાન(Plane)ની પાંખ સાથે સંપર્કમાં આવી ગયું, જેના કારણે બંને વિમાનોને નુકસાન થયું. જોકે સદભાગ્યે, આ ઘટનામાં કોઈ જાનહાનિ થઈ નથી અને તમામ મુસાફરો સંપૂર્ણપણે સુરક્ષિત રહ્યા.
DGCAની ટીમ ઘટનાસ્થળે પહોંચી
ઘટનાની ગંભીરતા જોતા, **ડિરેક્ટોરેટ જનરલ ઓફ સિવિલ એવિએશન (DGCA)ની ટીમ તાત્કાલિક એરપોર્ટ પર પહોંચી અને ઘટનાની તપાસ શરૂ કરી છે. ટેક્સીવે પર વિમાનો કેવી રીતે નજીક આવ્યા અને પાંખ અથડાવાની ઘટના કેમ બની, તે અંગે તપાસ ચાલી રહી છે.
એર ઈન્ડિયાએ શું કહ્યું?
આ ઘટનાને લઈને એર ઈન્ડિયાએ સત્તાવાર નિવેદન જાહેર કર્યું છે. એર ઈન્ડિયાના જણાવ્યા અનુસાર,3 ફેબ્રુઆરીએ મુંબઈથી કોઈમ્બતુર જતી ફ્લાઇટ AI2732 ટેકઓફ પહેલાં ટેક્સીવે પર રાહ જોઈ રહી હતી.એ દરમિયાન અન્ય એરલાઇનનું વિમાન નજીક આવી ગયું વિમાનોની પાંખોના ભાગ અથડાઈ ગયા. જેના કારણે એર ઈન્ડિયાના વિમાનની પાંખને નુકસાન થયું
એર ઈન્ડિયાના પ્રવક્તાએ જણાવ્યું:
“સાવચેતીના પગલા તરીકે વિમાન(Plane)ને ગ્રાઉન્ડેડ કરવામાં આવ્યું છે. વધુ ટેકનિકલ તપાસ માટે તેને સેવા બહાર રાખવામાં આવ્યું છે.”
મુસાફરોને સુરક્ષિત રીતે ઉતારાયા
એર ઈન્ડિયાએ સ્પષ્ટ કર્યું કે:
બધા મુસાફરોને સલામત રીતે વિમાન Plane)માંથી નીચે ઉતારવામાં આવ્યા
વૈકલ્પિક ફ્લાઇટ વ્યવસ્થા કરવામાં આવી રહી છે
નિયમનકારોને ઘટના અંગે જાણ કરવામાં આવી છે
પ્રવક્તાએ ઉમેર્યું:
“મુસાફરોને થયેલી અસુવિધા બદલ એર ઈન્ડિયા દિલગીર છે. અમારા મુસાફરો અને ક્રૂની સલામતી અમારી ટોચની પ્રાથમિકતા છે.”
ઇન્ડિગોએ પણ નિવેદન બહાર પાડ્યું
ઈન્ડિગોએ પણ આ ઘટનાની પુષ્ટિ કરી છે. એરલાઇનના પ્રવક્તાએ જણાવ્યું:
હૈદરાબાદથી મુંબઈ આવતી ફ્લાઇટ 6E 791 ઉતરાણ પછી ટેક્સી કરતી હતી
ત્યારે તેની પાંખનો ભાગ બીજી એરલાઇનના વિમાનના સંપર્કમાં આવ્યો
ઈન્ડિગોએ જણાવ્યું:
“બધા મુસાફરો સુરક્ષિત છે. પાર્કિંગ પછી તેમને વિમાન (Plane)માંથી ઉતારી દેવામાં આવ્યા હતા. વિમાનનું જાળવણી નિરીક્ષણ ચાલી રહ્યું છે.”
એરલાઇનએ વધુમાં કહ્યું કે નિર્ધારિત પ્રોટોકોલ મુજબ સંબંધિત અધિકારીઓને તરત જાણ કરવામાં આવી હતી અને તપાસ ચાલુ છે.
રાજકીય તણાવ વચ્ચે ઘટના બની
આ ઘટના એવા સમયે બની છે જ્યારે મહારાષ્ટ્રમાં હવાઈ સુરક્ષાને લઈને રાજકીય ચર્ચાઓ ચાલી રહી છે. તાજેતરમાં મહારાષ્ટ્રના નાયબ મુખ્યમંત્રી અજિત પવારના ક્રેશ અંગે રાજકીય ગરમાવો વ્યાપેલો છે. તે સિવાય કેબિનેટ મંત્રી પંકજા મુંડેના હેલિકોપ્ટરમાં ટેકનિકલ ખામી સર્જાઈ હતી. આ ઘટનાઓને કારણે રાજ્યમાં સલામતી મુદ્દે ચર્ચા વધુ તેજ બની છે.
તપાસ બાદ જ બહાર આવશે સાચું કારણ
હાલમાં બંને એરલાઇન્સના વિમાનો (Plane)ને નુકસાન થયું છે અને DGCA દ્વારા તપાસ શરૂ કરાઈ છે. ટેક્સીવે પર સંકલન, એર ટ્રાફિક કંટ્રોલની ભૂમિકા અને સુરક્ષા પ્રોટોકોલ અંગે તપાસ પછી જ સ્પષ્ટ થશે કે ભૂલ ક્યાં થઈ.
મુંબઈ એરપોર્ટ પર બનેલી આ ઘટના ગંભીર હોવા છતાં મોટી દુર્ઘટના ટળી ગઈ. બંને એરલાઇન્સે મુસાફરોની સુરક્ષા જાળવી રાખી અને વિમાનોને તાત્કાલિક ગ્રાઉન્ડેડ કરીને તપાસ શરૂ કરી છે.
