Global Rain Centers: આપણે ત્યાં જ્યારે અષાઢી ગરજણા સાથે મેઘરાજા (Rain) પધારે છે, ત્યારે 2-3 દિવસમાં જ આપણને એમ લાગે છે કે હવે ઘણું થયું! પણ જરા કલ્પના કરો એવી જગ્યાઓની, જ્યાં સૂર્યનારાયણના દર્શન દુર્લભ હોય અને આકાશમાંથી અવિરત જળધારા (Rain) વરસતી જ રહેતી હોય. દુનિયાના નકશા પર એવી 5 જગ્યાઓ છે જ્યાં વરસાદ (Rain) કોઈ મોસમ નથી, પણ જીવનની એક કાયમી રીત છે. અહીંના રસ્તાઓ હંમેશા પાણીથી લથપથ અને ભીના જ જોવા મળે છે. ચાલો જાણીએ આ ‘રેઈન કેપિટલ્સ’ વિશે.
મૌસિનરામ, મેઘાલય – વિશ્વનું સૌથી ભીનું સ્થળ
ભારતના મેઘાલય રાજ્યમાં આવેલું મૌસિનરામ ગામ આખી દુનિયામાં સૌથી વધુ વરસાદ મેળવનારું સ્થળ છે. અહીં દર વર્ષે સરેરાશ 11,871 મિલીમીટર વરસાદ નોંધાય છે. આટલો બધો વરસાદ પડવાનું મુખ્ય કારણ અહીંની ભૌગોલિક સ્થિતિ છે. મૌસિનરામ ખાસી હિલ્સની વચ્ચે આવેલું છે, જ્યાં બંગાળની ખાડીમાંથી આવતા ભેજવાળા પવનો પહાડો વચ્ચે ફસાઈ જાય છે અને જોરદાર વરસાદમાં ફેરવાય છે. અહીં રહેતા લોકો માટે વરસાદ એક સામાન્ય બાબત છે. તેઓ વાંસ અને કેળાના પાનમાંથી બનાવેલી ખાસ પ્રકારની છત્રીઓ વાપરે છે જેને ‘કનુપ્સ’ (Knups) કહેવામાં આવે છે. અહીં ઘાસ પણ એટલું ઝડપથી ઉગે છે કે રસ્તાઓ પર લીલ જામી જવી એ સામાન્ય વાત છે.
ચેરાપુંજી, મેઘાલય – જ્યા Rain નું ઘર છે
મૌસિનરામથી થોડે જ દૂર આવેલું ચેરાપુંજી (સ્થાનિક નામ: સોહરા) પણ વરસાદના મામલે વિશ્વભરમાં પ્રખ્યાત છે. અહીં વાર્ષિક સરેરાશ 11,777 મિલીમીટર વરસાદ પડે છે. એક સમયે ચેરાપુંજીના નામે વિશ્વમાં સૌથી વધુ વરસાદનો રેકોર્ડ હતો. અહીં રસ્તાઓ હંમેશા ભીના અને ધુમ્મસથી ઘેરાયેલા રહે છે. ચેરાપુંજીની સૌથી મોટી ખાસિયત ત્યાંના ‘લિવિંગ રૂટ બ્રિજ’ છે. અતિશય વરસાદ અને ભેજને કારણે અહીં લોખંડ કે લાકડાના પુલ સડી જાય છે, તેથી અહીંના લોકોએ રબરના ઝાડના મૂળિયાંને જોડીને જીવતા પુલ બનાવ્યા છે, જે સેંકડો વર્ષો સુધી અકબંધ રહે છે. અહીં પ્રવાસીઓ જ્યારે આવે છે ત્યારે તેમને લાગે છે કે તેઓ વાદળોની ઉપર ચાલી રહ્યા છે.
તુતુન્દો, કોલંબિયા – અવિરત જળધારા
દક્ષિણ અમેરિકાના કોલંબિયા દેશમાં આવેલું તુતુન્દો એક એવું સ્થળ છે જ્યાં વર્ષના 365 દિવસમાંથી ભાગ્યે જ કોઈ દિવસ એવો હશે જ્યારે વરસાદ ન પડ્યો હોય. અહીં વાર્ષિક સરેરાશ 11,770 મિલીમીટર વરસાદ પડે છે. આ વિસ્તાર એમેઝોનના જંગલોની નજીક હોવાથી અહીં ભેજનું પ્રમાણ ખૂબ વધારે છે. અહીંના રસ્તાઓ ક્યારેય સુકાતા નથી કારણ કે એક વરસાદી ઝાપટું પતે ત્યાં બીજું તૈયાર જ હોય છે. અહીંના લોકો ખેતી અને મચ્છીમારી પર નિર્ભર છે, પણ સતત વરસાદને કારણે તેમનું જીવન પડકારરૂપ છતાં કુદરતની એકદમ નજીક છે.
ક્રોપ પ્લેટુ, ન્યુઝીલેન્ડ – પર્વતો વચ્ચેનું રહસ્ય
ન્યુઝીલેન્ડની દક્ષિણમાં આવેલી ક્રોપ નદી અને તેની આસપાસનો વિસ્તાર પહાડોની એવી હારમાળા વચ્ચે છે કે જ્યાં ભેજવાળા પવનો કાયમ માટે રોકાઈ જાય છે. અહીં દર વર્ષે અંદાજે 11,516 મિલીમીટર વરસાદ (Rain) પડે છે. આટલા ભારે વરસાદને કારણે અહીં અનેક સુંદર અને દૂધ જેવા સફેદ ઝરણાંઓ પહાડો પરથી વહેતા જોવા મળે છે. જોકે અહીં માનવ વસ્તી ઓછી છે, પણ સંશોધકો અને પ્રકૃતિ પ્રેમીઓ માટે આ જગ્યા સ્વર્ગ સમાન છે. અહીંના રસ્તાઓ અને પથ્થરો પર કાયમ લીલીછમ શેવાળ (Moss) જામેલી જોવા મળે છે.
સાન એન્ટોનિયો ડી ઉરેકા, ઇક્વેટોરિયલ ગિની
આફ્રિકાના પશ્ચિમ કિનારે આવેલું આ સ્થળ આફ્રિકા ખંડનું સૌથી ભીનું (Rain) સ્થળ છે. અહીં સરેરાશ વાર્ષિક 10,450 મિલીમીટર જેટલો વરસાદ પડે છે. અહીં વરસાદની (Rain) તીવ્રતા એટલી વધારે હોય છે કે કલાકોમાં આખું શહેર પાણી-પાણી થઈ જાય છે. અહીં મુખ્યત્વે નવેમ્બરથી માર્ચ દરમિયાન થોડો ઓછો વરસાદ હોય છે, બાકી આખું વર્ષ આકાશ વાદળછાયું જ રહે છે. અહીંના રસ્તાઓ કાયમ ભીના હોવાને કારણે અહીં વાહન ચલાવવું પણ મુશ્કેલ હોય છે. અહીંની જમીન હંમેશા પોચી અને કાદવવાળી જોવા મળે છે, છતાં અહીંની વનસ્પતિ અને પ્રાણીસૃષ્ટિ અદભૂત છે.
આ પણ વાંચો: ઓસ્કાર વિજેતાને ઇનામમાં કેટલા રૂપિયા મળે છે? ટ્રોફીની કિંમત જાણીને તમે માથું ખંજવાળવા લાગશો!
આ પણ વાંચો: શું તમે જાણો છે આ ભૂતિયા રસ્તાઓનું રહસ્ય? જાણો ભારતના સૌથી ડરામણા રસ્તાઓની કહાની
