Munawar Faruqui Blessed with Baby Girl: ‘બિગ બોસ 17’ ના વિજેતા અને પ્રખ્યાત સ્ટેન્ડઅપ કોમેડિયન મુનવ્વર ફારૂકીના ઘરે ખુશીઓનો માહોલ છે. મુનવ્વર અને તેની બીજી પત્ની મેહઝબીન કોટવાલાના ઘરે તેમની પ્રથમ સંતાન એટલે કે પુત્રીનો જન્મ થયો છે. મુનવ્વરે પોતે સોશિયલ મીડિયા પર હોસ્પિટલની તસવીરો શેર કરીને ચાહકોને આ ગુડ ન્યૂઝ આપ્યા છે.
‘બરકત ઘરે આવી છે’: મુનવ્વરની ખુશી
મુનવ્વર ફારૂકી(Munawar Faruqui)એ 1 મેની મોડી રાત્રે ઇન્સ્ટાગ્રામ પર એક પોસ્ટ શેર કરી હતી:
નામની જાહેરાત: મુનવ્વરે તેની વહાલી દીકરીનું નામ ‘એખ’ (Ekh) રાખ્યું હોવાનું જણાવ્યું છે.
ભાવુક પોસ્ટ: તેણે લખ્યું કે, “બરકત ઘરે આવી છે. અલ્હમદુલ્લાહ. દુઆમાં યાદ રાખજો.” જોકે તેણે હજુ દીકરી કે પત્નીનો ચહેરો જાહેર કર્યો નથી, પરંતુ તેની પોસ્ટમાં પિતા બન્યાની ખુશી સ્પષ્ટ દેખાય છે.
View this post on Instagram
સેલેબ્સ અને ફેન્સ દ્વારા અભિનંદનનો વરસાદ
આ સમાચાર સામે આવતા જ બોલિવૂડ અને ટીવી જગતના કલાકારોએ અભિનંદન પાઠવ્યા છે:
વરુણ ધવન: અભિનેતા વરુણ ધવને લખ્યું, “અભિનંદન ભાઈ”.
જન્નત ઝુબેર: તેણે પણ “ખૂબ ખૂબ મુબારક” કહીને શુભેચ્છા પાઠવી. આ સિવાય ઓરી, મેધા શંકર અને દીયા મિર્ઝા જેવા સેલેબ્સે પણ આ પોસ્ટને લાઈક કરી મુનવ્વરને વધામણી આપી છે.
Munawar Faruqui ના પરિવારમાં હવે ત્રણ બાળકો
મુનવ્વર અને મેહઝબીન બંનેના આ બીજા લગ્ન છે. મુનવ્વરને (Munawar Faruqui) તેના પહેલા લગ્નથી એક પુત્ર છે જેનું નામ મિકેલ છે, જ્યારે મેહઝબીનને પણ પહેલા લગ્નથી એક પુત્રી છે. આ બંને બાળકોનો ઉછેર આ કપલ સાથે મળીને કરી રહ્યું છે અને હવે આ નાનકડી દીકરીના આગમનથી તેમનો પરિવાર પૂર્ણ થયો છે.
આ પણ વાંચો: બંગાળી અભિનેતા રાહુલ બેનર્જીનું શૂટિંગ દરમિયાન દરિયામાં ડૂબી જવાથી મોત, મનોરંજન જગત સ્તબ્ધ
આ પણ વાંચો: મારો આત્મા દાઉદમાં વસે છે’, અંડરવર્લ્ડ ડોન પર રામ ગોપાલ વર્માનું ચોંકાવનારું નિવેદન
