Gandhinagar News: ગુજરાતની 15 મહાનગરપાલિકાઓમાં નવા મેયર (New mayors) અને ડેપ્યુટી મેયરના નામોને લઈને છેલ્લા ઘણા સમયથી ચાલી રહેલી અટકળો હવે અંતિમ તબક્કામાં પહોંચી ગઈ હોવાનું જાણવા મળી રહ્યું છે. મળતી માહિતી મુજબ, ગાંધીનગરમાં ઉચ્ચ સ્તરે ચાલી રહેલી બેઠકો અને ચર્ચાઓ બાદ મોટા ભાગના નામો પર આખરી સહમતિ બની ગઈ છે. હવે આગામી 19 તારીખે સત્તાવાર જાહેરાત થવાની શક્યતા વ્યક્ત કરવામાં આવી રહી છે.
15 મહાનગરપાલિકાઓના મેયર (New mayors)ના નામ પર આખરી મહોર!
રાજકીય વર્તુળોમાં આ મુદ્દે ભારે ઉત્સુકતા જોવા મળી રહી છે. ખાસ કરીને અમદાવાદ, સુરત, વડોદરા, રાજકોટ, ભાવનગર અને જામનગર જેવી મોટી મહાનગરપાલિકાઓમાં કોણે મેયર (New mayors) અને ડેપ્યુટી મેયરની જવાબદારી સંભાળશે તે અંગે લોકોમાં ભારે રસ છે.
સૂત્રોના જણાવ્યા અનુસાર, આ વખતે અનેક શહેરોમાં નવા ચહેરાઓને તક આપવામાં આવી શકે છે. સાથે સાથે કેટલાક અનુભવી નેતાઓને ફરી જવાબદારી સોંપવામાં આવે તેવી પણ ચર્ચા ચાલી રહી છે. પક્ષ દ્વારા વિસ્તારનું રાજકીય સમીકરણ, સામાજિક સંતુલન, પ્રદર્શન અને આગામી ચૂંટણીને ધ્યાનમાં રાખીને નામો નક્કી કરવામાં આવ્યા હોવાનું માનવામાં આવે છે.
મેયર (New mayors) સાથે ડેપ્યુટી મેયરના નામોની પણ જાહેરાત થવાની હોવાથી સ્થાનિક રાજકારણમાં નવા સમીકરણો ઉભા થઈ શકે છે. કોર્પોરેટરો અને પક્ષના કાર્યકરોમાં પણ આ નિર્ણયને લઈને ભારે ઉત્સાહ અને ઉત્સુકતા જોવા મળી રહી છે. ઘણા નેતાઓ લાંબા સમયથી મહત્વપૂર્ણ હોદ્દાની રાહ જોઈ રહ્યા હતા.
રાજકીય નિષ્ણાતોનું માનવું છે કે આ ફેરફારો માત્ર હોદ્દાની વહેંચણી પૂરતા સીમિત નથી, પરંતુ આગામી ચૂંટણીની વ્યૂહરચનાનો પણ એક મહત્વપૂર્ણ ભાગ છે. યુવા નેતાઓ અને મહિલાઓને પણ આ વખતે મોટી જવાબદારી સોંપવામાં આવી શકે છે.નવા મેયર અને ડેપ્યુટી મેયર શહેર વિકાસ, સફાઈ, પાણી પુરવઠો, ટ્રાફિક વ્યવસ્થા અને સ્માર્ટ સિટી જેવા મહત્વપૂર્ણ પ્રોજેક્ટ્સને આગળ ધપાવવામાં મહત્વની ભૂમિકા ભજવશે. તેથી રાજ્યભરમાં હવે 19 તારીખની સત્તાવાર જાહેરાતની આતુરતાપૂર્વક રાહ જોવામાં આવી રહી છે.
આ પણ વાંચો:ગુજરાત ભાજપમાં મોટા ફેરફાર, 15 મે બાદ નગરપાલિકા અને પંચાયતોના નવા હોદ્દેદારો થશે જાહેર
