How to Connect Bank Account to ChatGPT: આર્ટિફિશિયલ ઇન્ટેલિજન્સ (AI) ક્ષેત્રની દિગ્ગજ કંપની ઓપનએઆઈ (OpenAI) એ પોતાના યુઝર્સ માટે અત્યાર સુધીનું સૌથી મોટું અને ક્રાંતિકારી પર્સનલ ફાઇનાન્સ (Personal Finance) ફીચર લોન્ચ કર્યું છે. સરળ શબ્દોમાં કહીએ તો, હવે યુઝર્સ પોતાના બેંક એકાઉન્ટ્સ, ક્રેડિટ કાર્ડ્સ અને ઇન્વેસ્ટમેન્ટ (રોકાણ) ખાતાઓને સીધા ChatGPT સાથે સુરક્ષિત રીતે કનેક્ટ કરી શકશે. આ આધુનિક સુવિધા કેવી રીતે કામ કરે છે, તે તમારા ખાતાની કઈ વિગતો જોઈ શકે છે અને જો તમે ઈચ્છો તો તેને કેવી રીતે બંધ કરી શકો છો, તેની સંપૂર્ણ માહિતી નીચે મુજબ છે.

કેવી રીતે કામ કરશે આ ફીચર? બસ ટાઇપ કરો @Finances

આ ખાસ સુવિધાનો ઉપયોગ કરવા માટે ChatGPTના પ્લસ અને પ્રો યુઝર્સને GPT-5.5 Pro નું એક્સેસ મળે છે, જે પૈસા અને ફાઇનાન્સ સંબંધિત જટિલ પ્રશ્નો તેમજ ગણતરીઓને ખૂબ જ સચોટ રીતે હેન્ડલ કરી શકે છે.

આ સુવિધાને સક્રિય કરવા માટે યુઝર્સે સાઇડબારમાં આપેલા ‘ફાઇનાન્સ’ વિકલ્પને ઓપન કરવો પડશે. અથવા તો કોઈપણ ચેટ બોક્સમાં જઈને માત્ર @Finances ટાઇપ કરીને ‘Connect my accounts’ (મારા એકાઉન્ટ્સને કનેક્ટ કરો) લખવાનું રહેશે.

આ ફીચર શું જોઈ શકે છે અને શું નહીં? (ChatGPT)

ઘણા યુઝર્સના મનમાં સુરક્ષાને લઈને સવાલો છે, તેથી કંપનીએ ડેટા પ્રાઇવસી અંગે સ્પષ્ટતા કરી છે:

આ નવી સુવિધા તમારા ખાતાનું કરન્ટ બેલેન્સ, ટ્રાન્ઝેક્શન હિસ્ટ્રી (વ્યવહારો), રોકાણ અને દેવાની વિગતો વાંચી શકે છે, જેથી તે તમને બજેટ બનાવવામાં મદદ કરી શકે.

સૌથી મહત્વની વાત એ છે કે ChatGPT આ ફીચર દ્વારા તમારા ખાતામાંથી કોઈ પણ પ્રકારના પૈસા ટ્રાન્સફર કરી શકશે નહીં. આ ઉપરાંત, તે સુરક્ષાના કારણોસર તમારો સંપૂર્ણ એકાઉન્ટ નંબર પણ જોઈ શકશે નહીં.

જો તમે એકાઉન્ટ કનેક્ટ કર્યા પછી તમારો વિચાર બદલો છો, તો તમે ગમે ત્યારે સેટિંગ્સમાં જઈને એકાઉન્ટને ડિસ્કનેક્ટ કરી શકો છો. એકવાર ડિસ્કનેક્ટ કર્યા પછી, કંપની તમારા સિંક થયેલા ડેટાને 30 દિવસની અંદર પોતાના સર્વર પરથી કાયમી ધોરણે ડીલીટ (કાઢી) નાખે છે.

Personal Finance સ્ટાર્ટઅપ Hiro ની ખરીદી બાદ મોટો બદલાવ

OpenAI એ તાજેતરમાં જ પર્સનલ ફાઇનાન્સ સ્ટાર્ટઅપ ‘Hiro’ નું સંપાદન (Acquisition) કર્યું હતું. આ ખરીદીના બરાબર એક મહિના બાદ આ નવું ફીચર રજૂ કરવામાં આવ્યું છે, જેને બનાવવામાં હિરોની ટેકનિકલ ટીમે મુખ્ય ભૂમિકા ભજવી છે. જોકે આ ડીલ કેટલા રૂપિયામાં થઈ છે તેનો ખુલાસો કરાયો નથી. આગામી સમયમાં આ ટૂલ સાથે જાણીતી ફાઇનાન્સ કંપની Intuit નો સપોર્ટ પણ જોડાવવા જઈ રહ્યો છે, જેનાથી યુઝર્સ ChatGPT ની અંદર જ સ્ટોક વેચાણ પર ટેક્સનો અંદાજ મેળવી શકશે અને ક્રેડિટ કાર્ડ મંજૂરીની સંભાવનાઓ પણ તપાસી શકશે.

આ પણ વાંચો:  UPI પેમેન્ટ માટે કઈ એપ છે સૌથી સેફ? જાણો સાયબર નિષ્ણાતોનો અભિપ્રાય

આ પણ વાંચો: એસીમાં દેખાતા E1, P2 કે F5 કોડનો અર્થ શું છે? જાણો મિકેનિકની છેતરામણીથી બચવાની રીત