Patiala Medical College Student Murder : પંજાબના પટિયાલા (Patiala) શહેરમાંથી એક હૃદયકંપાવનારી અને ચોંકાવનારી ઘટના સામે આવી છે. પટિયાલાની સરકારી મેડિકલ કોલેજ (Government Medical College) ના બીજા વર્ષના એક મેડિકલ વિદ્યાર્થીની તેના જ રૂમમાં નિર્દયતાથી હત્યા કરવામાં આવી છે. આ ઘાતકી હત્યાના સમાચાર વાયુવેગે ફેલાતા જ સમગ્ર વિસ્તારમાં ભારે ચકચાર મચી ગઈ છે અને સ્થાનિક લોકોમાં ભારે આક્રોશ જોવા મળી રહ્યો છે.

PG ના રૂમમાંથી મળી લોહીથી લથપથ લાશ

મૃતક વિદ્યાર્થીની ઓળખ 22 વર્ષીય કમલ મિત્તલ (Kamal Mittal) તરીકે થઈ છે, જે પંજાબના માનસા જિલ્લાના બરેટા (Bareta, Mansa) નો વતની હતો. કમલ પટિયાલાના નવા લાલ બાગ વિસ્તારમાં આવેલા એક પેઇંગ ગેસ્ટ (PG) માં રહીને મેડિકલનો અભ્યાસ કરતો હતો.

ઘટનાની વિગત એવી છે કે મોડી સાંજ સુધી કમલ મિત્તલનો તેના મિત્રો કે પરિવાર સાથે કોઈ સંપર્ક ન થતાં, તેના મિત્રો ચિંતાતુર થઈને તેના પીજી રૂમ પર પહોંચ્યા હતા. મિત્રોએ રૂમનો દરવાજો ખોલીને જોયું તો અંદરનું દ્રશ્ય ભયાનક હતું; કમલનો લોહીથી લથપથ મૃતદેહ(Murder) જમીન પર પડ્યો હતો.

ગળાના ભાગે છરીના અસંખ્ય ઘા ઝીંકાયા (Murder)

પ્રાથમિક તપાસ અને ઘટનાસ્થળની સ્થિતિ જોતાં માલૂમ પડ્યું છે કે, હુમલાખોરે કમલના ગળાના ભાગે છરી (Knife Attack) વડે એકપછી એક અસંખ્ય વાર કર્યા હતા. હુમલો એટલો ગંભીર હતો કે કમલનું ઘટનાસ્થળે જ કમકમાટીભર્યું મોત(Murder) નીપજ્યું હોવાની આશંકા છે. ઘટનાની જાણ થતાં જ પટિયાલા પોલીસનો ઉચ્ચ કાફલો ઘટનાસ્થળે દોડી ગયો હતો. પોલીસે તાત્કાલિક ક્રાઈમ સીનને સીલ કરી ફોરેન્સિક ટીમ (Forensic Team) ને બોલાવી હતી, જેણે રૂમમાંથી લોહીના નમૂના અને અન્ય મહત્વપૂર્ણ વૈજ્ઞાનિક પુરાવાઓ એકત્ર કર્યા છે.

પરિવાર આઘાતમાં, પોલીસની ટીમો તપાસમાં વ્યસ્ત

પોલીસે આ કાળજું કંપાવનારા સમાચાર મૃતકના પરિવારજનોને આપ્યા છે, જેથી હસતા-રમતા દીકરાને ડોક્ટર બનતો જોવાનું સપનું સેવતો પરિવાર ઘેરા આઘાતમાં સરી પડ્યો છે. હાલમાં હત્યા પાછળનું ચોક્કસ કારણ કે હુમલાખોર કોણ હતો, તે જાણી શકાયું નથી. પટિયાલા પોલીસે હત્યાનો ગુનો નોંધીને તમામ પાસાઓ (જેમ કે અંગત અદાવત કે લૂંટના ઈરાદે હત્યા) પર તપાસ શરૂ કરી છે. આરોપીને પકડવા માટે પોલીસની વિશેષ ટીમો તૈનાત કરવામાં આવી છે જે આસપાસના સીસીટીવી (CCTV) ફૂટેજ પણ ચકાસી રહી છે.

સ્થાનિકોમાં ભારે રોષ અને ન્યાયની માંગ

એક હોનહાર મેડિકલ વિદ્યાર્થીની આવી ઘાતકી હત્યાના વિરોધમાં પીજીની બહાર અને હોસ્પિટલ પરિસરમાં મોટી સંખ્યામાં લોકો અને અન્ય તબીબી વિદ્યાર્થીઓ એકત્રિત થઈ ગયા હતા. પરિસ્થિતિ વણસે નહીં તે માટે પોલીસે ઘટનાસ્થળે વધારાનો પોલીસ ફોર્સ (Police Force) ખડકી દીધો છે. સ્થાનિક લોકો અને કમલના મિત્રો આરોપીઓને(Murder) વહેલી તકે ઝડપી પાડી કડકમાં કડક સજા અપાવવાની એટલે કે ન્યાય (Justice) ની માંગ કરી રહ્યા છે.

આ પણ વાંચો:સેવન્થ ડે સ્કૂલમાં વિદ્યાર્થીની હત્યાનો ચોંકાવનારો કિસ્સો, CCTV એ શાળાની બેદરકારીનું સત્ય ઉજાગર કર્યું

આ પણ વાંચો:ટોરોન્ટો શહેરમાં ફરી એકવાર ભારતીય વિદ્યાર્થીની હત્યા, કેનેડામાં સુરક્ષાને લઈ ચિંતા

આ પણ વાંચો:પંચમહાલ: સૃષ્ટિ વિરુદ્ધના કૃત્ય બાદ વિદ્યાર્થીની હત્યા, છેલ્લા 24 કલાકમાં 3 લોકોની હત્યા