Kalol News: ગાંધીનગર જિલ્લાના કલોલ શહેરમાં ભાજપ મહિલા કોર્પોરેટરના પતિ (BJP Corporator Husband) સાથે જોડાયેલો એક વીડિયો સોશિયલ મીડિયા પર વાયરલ થતાં ચર્ચા શરૂ થઈ છે. વીડિયોમાં એક વ્યક્તિ સાથે બોલાચાલી અને ઝપાઝપી થતી જોવા મળે છે. ઘટના બાદ સ્થાનિક સ્તરે વિવિધ ચર્ચાઓ ચાલી રહી છે.
મળતી માહિતી મુજબ, આ ઘટનામાં કલોલ નગરપાલિકાના વોર્ડ નંબર-8ના મહિલા કોર્પોરેટરના પતિ (BJP Corporator Husband) તુષાર નાયક (Tushar Nayak) સામેલ હોવાનું કહેવાઈ રહ્યું છે. વાયરલ વીડિયોમાં તેઓ એક યુવક સાથે ઉગ્ર બોલાચાલી બાદ ઝપાઝપી કરતા જોવા મળે છે.
જુઓ BJP Corporator Husbandનો વિડીયો
સૂત્રોના જણાવ્યા મુજબ, વિવાદ પાછળ નાણાકીય લેવડદેવડ અથવા હિસાબ સંબંધિત મુદ્દો હોઈ શકે છે. જોકે આ બાબતે સત્તાવાર રીતે કોઈ પુષ્ટિ કરવામાં આવી નથી. સોશિયલ મીડિયા પર વીડિયો વાયરલ થયા બાદ સમગ્ર મામલો ચર્ચાનું કેન્દ્ર બન્યો છે.
BJP Corporator Husband: તુષાર નાયકનો ખુલાસો, ‘સામેની વ્યક્તિ મિત્ર છે, વીડિયો જૂનો છે’
વીડિયો અંગે પ્રતિક્રિયા આપતાં તુષાર નાયકે જણાવ્યું કે સામેની વ્યક્તિ તેમનો મિત્ર છે અને બંને વચ્ચે હિસાબ સંબંધિત મુદ્દે બોલાચાલી થઈ હતી. તેમણે વધુમાં દાવો કર્યો કે મામલો હવે પૂર્ણ થઈ ગયો છે અને સોશિયલ મીડિયા પર વાયરલ થયેલો વીડિયો લગભગ વીસ દિવસ જૂનો છે.
બીજી તરફ, કલોલ પોલીસના જણાવ્યા મુજબ, અત્યાર સુધી આ મામલે કોઈ સત્તાવાર ફરિયાદ નોંધાઈ નથી. ફરિયાદ પ્રાપ્ત થશે અથવા તપાસમાં જરૂરી જણાશે તો કાયદાકીય પ્રક્રિયા હાથ ધરવામાં આવશે.
આ સમગ્ર ઘટનાને લઈને સ્થાનિક રાજકીય વર્તુળોમાં પણ ચર્ચા ચાલી રહી છે. હાલ પોલીસ તરફથી કોઈ સત્તાવાર કાર્યવાહી જાહેર કરવામાં આવી નથી અને સમગ્ર મામલે વધુ માહિતી સામે આવવાની રાહ જોવામાં આવી રહી છે.
આ પણ વાંચો:અમદાવાદના ભાજપના મહિલા કોર્પોરેટરના બે લગ્ન, સોગંદનામામાં અપરિણીત દર્શાવ્યું
આ પણ વાંચો:AAPનું મેગા ઓપરેશન, ભાજપમા ગયેલા મહિલા કોર્પોરેટરની દોઢ મહિનામા જ ઘરવાપસી
