Rajkot News: રાજકોટની એક જાણીતી પ્રેમવતી રેસ્ટોરન્ટ (Rajkot Premvati Restaurant)માં પીરસાયેલી સેન્ડવિચને લઈને વિવાદ સર્જાયો છે. એક ગ્રાહકે આક્ષેપ કર્યો છે કે તેને પીરસાયેલી સેન્ડવિચમાંથી દુર્ગંધ આવતી હતી. સમગ્ર ઘટનાનો વીડિયો સોશિયલ મીડિયા પર વાયરલ થતાં ખાણીપીણીની ગુણવત્તાને લઈને ચર્ચા શરૂ થઈ છે.
ગ્રાહકના જણાવ્યા મુજબ, સેન્ડવિચ ખોલતાં જ અસામાન્ય દુર્ગંધ આવતાં તેણે રેસ્ટોરન્ટ (Rajkot Premvati Restaurant)ના સ્ટાફનું ધ્યાન દોર્યું અને ઘટનાનો વીડિયો પણ બનાવ્યો હતો. વીડિયોમાં ગ્રાહક ખાદ્યપદાર્થની ગુણવત્તા અંગે સવાલો ઉઠાવતો જોવા મળે છે.
જુઓ Rajkot Premvati Restaurantનો વિડીયો
ગ્રાહકનો આક્ષેપ છે કે ફરિયાદ કર્યા બાદ રેસ્ટોરન્ટ (Rajkot Premvati Restaurant)ના મેનેજરે દુર્ગંધને ટમેટાની સુગંધ ગણાવી સ્પષ્ટતા કરવાનો પ્રયાસ કર્યો હતો. જોકે ગ્રાહકે આ જવાબથી અસંતોષ વ્યક્ત કરીને ખાદ્ય સુરક્ષા અને ગ્રાહકોના આરોગ્ય સાથે ચેડાં થઈ રહ્યા હોવાના પ્રશ્નો ઉઠાવ્યા હતા.
આ સમગ્ર મામલાની જાણ સંબંધિત આરોગ્ય વિભાગને કરવામાં આવી હોવાનું જાણવા મળ્યું છે. હવે ખાદ્યપદાર્થની ગુણવત્તા અંગે સત્તાવાર તપાસ થાય છે કે નહીં અને તપાસમાં શું સામે આવે છે તેના પર સૌની નજર છે.
વીડિયો વાયરલ થયા બાદ સોશિયલ મીડિયા પર પણ વિવિધ પ્રકારની પ્રતિક્રિયાઓ જોવા મળી રહી છે. કેટલાક લોકોએ ખાદ્યપદાર્થોની ગુણવત્તાની નિયમિત તપાસ કરવાની માંગ કરી છે, જ્યારે અન્ય લોકોએ સત્તાવાર તપાસ પૂર્ણ થયા બાદ જ કોઈ નિષ્કર્ષ પર પહોંચવાની સલાહ આપી છે.
આ પણ વાંચો:રાજકોટના આઈનોક્સમાં સેન્ડવિચ પર વંદો ફરતો દેખાયો! ફિલ્મ જોવા ગયેલા ગ્રાહકે ભાંડો ફોડ્યો
આ પણ વાંચો:ફટાફટ બ્રેડ વગરની સેન્ડવિચ બનાવતા શીખી લો, આરોગ્ય માટે ફાયદાકારક
આ પણ વાંચો:બાળકોના ટિફિન માટે બેસ્ટ છે પનીર કોર્ન સેન્ડવિચ, પ્રોટીનથી ભરપૂર નાસ્તો
