Rajkot News: રાજકોટ શહેરમાં આગ લાગવાની વધુ એક ગંભીર ઘટના સામે આવી છે. શહેરના કોઠારીયા રોડ પર આવેલા રામનગર વિસ્તારમાં સ્થિત ‘ઉત્તમ સોફા’ નામના સોફા બનાવવાના કારખાનામાં અચાનક આગ (Rajkot Sofa Factory Fire) ભભૂકી ઊઠતા વિસ્તારમાં અફરાતફરીનો માહોલ સર્જાયો હતો. ઘટનાની જાણ થતાં જ ફાયર બ્રિગેડ અને ઇમરજન્સી સેવાઓ તાત્કાલિક સ્થળ પર પહોંચી ગઈ હતી.
Rajkot Sofa Factory Fire: એક વ્યક્તિ ગંભીર હાલતમાં રેસ્ક્યૂ
પ્રાથમિક માહિતી મુજબ, આગ (Rajkot Sofa Factory Fire) લાગ્યા બાદ કારખાનાની અંદર ધુમાડો અને જ્વાળાઓ ઝડપથી ફેલાઈ ગઈ હતી. આ દરમિયાન અંદર ફસાયેલા એક વ્યક્તિને ફાયર વિભાગની ટીમે ભારે જહેમત બાદ ગંભીર હાલતમાં બહાર કાઢ્યો હતો. ત્યારબાદ 108 એમ્બ્યુલન્સની મદદથી તેને તાત્કાલિક સારવાર માટે હોસ્પિટલ ખસેડવામાં આવ્યો હતો.
ઘટનાસ્થળે ફાયર વિભાગની બે ફાયર ટેન્ડર તૈનાત કરવામાં આવી છે અને સતત પાણીનો મારો ચલાવી આગને કાબૂમાં લેવાના પ્રયાસો કરવામાં આવી રહ્યા છે. આગ વધુ ફેલાય નહીં તે માટે આસપાસના વિસ્તારને પણ સુરક્ષિત કરવામાં આવ્યો છે.
હાલ આગ (Rajkot Sofa Factory Fire) લાગવાનું ચોક્કસ કારણ સામે આવ્યું નથી. આગ પર સંપૂર્ણ કાબૂ મેળવ્યા બાદ ફાયર વિભાગ દ્વારા ઘટનાના કારણોની તપાસ હાથ ધરવામાં આવશે. પ્રાથમિક તબક્કે જાનહાનિ અને સંપત્તિને થયેલા નુકસાન અંગે પણ સત્તાવાર માહિતીની રાહ જોવામાં આવી રહી છે.ફાયર વિભાગ અને સ્થાનિક પોલીસ દ્વારા લોકોને ઘટનાસ્થળથી દૂર રહેવા અપીલ કરવામાં આવી છે, જેથી બચાવ અને આગ બુઝાવવાની કામગીરીમાં કોઈ અડચણ ન આવે.
આ પણ વાંચો:ચોટીલા-રાજકોટ હાઈવે પર ભયાનક અકસ્માત, બસ-ટ્રક ટક્કર બાદ વિકરાળ આગ, 4 મૃત્યુ, 15ઘાયલ
આ પણ વાંચો:રાજકોટમાં નાના મવા રોડ પર મારવાડી બિલ્ડિંગમાં શોર્ટ સર્કિટથી લાગી આગ
આ પણ વાંચો:રાજકોટના મેટોડા GIDCમાં રબરના ગોડાઉનમાં ભીષણ આગ, ધુમાડાના ગોટેગોટા 1 કિમી દૂરથી દેખાયા
