Uttar Pradesh News: ઉત્તર પ્રદેશના હાપુર (Uttar Pradesh Accident) જિલ્લામાં રાષ્ટ્રીય ધોરીમાર્ગ-9 (NH-9) પર રવિવારે રાત્રે એક ભયાનક માર્ગ અકસ્માત (Hapur Road Accident) સર્જાયો હતો. લગ્નપ્રસંગમાં જઈ રહેલી સ્કોર્પિયો કાર રસ્તા પર અચાનક આવેલા પ્રાણીને બચાવવાનો પ્રયાસ કરતી વખતે બેકાબૂ બની ગઈ હતી. વાહન ડિવાઇડર કૂદીને સામેથી આવી રહેલી અર્ટિગા કાર સાથે (Scorpio Ertiga Crash) જોરદાર અથડાતાં ત્રણ લોકોનાં ઘટનાસ્થળે જ મોત થયા હતા, જ્યારે સાત લોકો ગંભીર રીતે ઘાયલ થયા હતા.

Hapur Road Accident: પ્રાણીને બચાવવાના પ્રયાસમાં સર્જાયો અકસ્માત

પ્રાથમિક માહિતી અનુસાર, અકસ્માત ગઢમુક્તેશ્વર પોલીસ સ્ટેશન વિસ્તારમાં આવેલા NH-9 પર થયો હતો. સ્કોર્પિયોમાં સવાર લોકો લગ્નપ્રસંગમાં જઈ રહ્યા હતા. તે દરમિયાન રસ્તા પર અચાનક પ્રાણી આવી જતાં ચાલકે તેને બચાવવાનો પ્રયાસ કર્યો હતો. પરિણામે વાહન પરનો કાબૂ ગુમાવી બેઠો અને સ્કોર્પિયો ડિવાઇડર ઓળંગીને ખોટી દિશામાં પહોંચી ગઈ, જ્યાં સામેથી આવી રહેલી અર્ટિગા કાર સાથે તેની જોરદાર ટક્કર થઈ હતી.

3 લોકોના મોત, 7 ઘાયલ

અકસ્માત એટલો ગંભીર હતો કે સ્કોર્પિયોમાં સવાર ત્રણ લોકોનાં (Accident 3 Dead) મોત નીપજ્યાં, જ્યારે સાત અન્ય લોકો ગંભીર રીતે ઘાયલ થયા હતા. ઘટનાની જાણ થતાં પોલીસ અને રાહત-બચાવ ટીમ તાત્કાલિક સ્થળ પર પહોંચી હતી. ઘાયલોને સારવાર માટે નજીકની હોસ્પિટલમાં ખસેડવામાં આવ્યા હતા, જ્યારે મૃતદેહોને પોસ્ટમોર્ટમ માટે મોકલવામાં આવ્યા હતા.

ટ્રાફિક જામ બાદ પોલીસે સ્થિતિ સંભાળી

અકસ્માત બાદ હાઇવે પર વાહનોની લાંબી કતારો લાગી ગઈ હતી. પોલીસે ક્ષતિગ્રસ્ત વાહનોને રસ્તા પરથી હટાવી ટ્રાફિક વ્યવસ્થા પુનઃસ્થાપિત કરી હતી અને સમગ્ર ઘટનાની તપાસ શરૂ કરી છે.

મૃતકોની ઓળખ જાહેર

એડિશનલ એસપી વિનીત ભટનાગરના જણાવ્યા મુજબ, અકસ્માતમાં મૃત્યુ પામેલા ત્રણેય લોકો દિલ્હીના રહેવાસી હતા. તેમની ઓળખ સરફરાઝ (45), અફઝલ (37) અને અબરાર (48) તરીકે કરવામાં આવી છે. પોલીસે અકસ્માતના ચોક્કસ કારણોની તપાસ હાથ ધરી છે.

આ પણ વાંચો: કેનેડામાં અમદાવાદના યુવકનું માર્ગ અકસ્માતમાં કરુણ મોત, 2 ઓગસ્ટે પાર્થિવ દેહ આવશે વતન

આ પણ વાંચો: અમરેલી-અમદાવાદ એસટી બસને અકસ્માત: ચાલુ બસે ડ્રાઇવરની તબિયત લથડતા બસ ખાડામાં ખાબકી, થાંભલાએ બચાવ્યો મોટો અકસ્માત

આ પણ વાંચો: મોરબીના હળવદમાં ગમખ્વાર અકસ્માત, રિક્ષા પલટી જતા માસૂમનું મોત