Amreli News: રાજ્યકક્ષાના ઊર્જા મંત્રી કૌશિક વેકરિયા (Kaushik Vekariya)એ અમરેલી વિધાનસભા મતવિસ્તારના કુંકાવાવ-વડિયા પંથકના 15 ગામોની મુલાકાત લઈને ગ્રામજનો સાથે સંવાદ કર્યો હતો. ભારે વરસાદ બાદ તળાવો અને જળાશયો પાણીથી છલકાતા મંત્રીએ ગ્રામજનો સાથે ‘નીરના વધામણા’ કાર્યક્રમમાં ભાગ લીધો અને વડિયા ખાતે આગામી દિવસોમાં 2,000 વૃક્ષોનું વાવેતર કરવાની જાહેરાત કરી.
Kaushik Vekariyaએ વરસાદી પાણીનું કર્યું સ્વાગત, ગ્રામજનોમાં ખુશીનો માહોલ
તાજેતરના ભારે વરસાદને કારણે અમરેલી જિલ્લાના અનેક તળાવો અને જળાશયો ભરાઈ ગયા છે. આ પ્રસંગે મંત્રી કૌશિક વેકરિયા (Kaushik Vekariya) વિવિધ ગામોમાં પહોંચ્યા અને સ્થાનિક લોકો, સરપંચો, ખેડૂતો તથા આગેવાનો સાથે વરસાદી પાણીના આગમનનું સ્વાગત કર્યું.તેમણે જણાવ્યું કે તળાવો ભરાવાથી ભૂગર્ભજળનું સ્તર વધશે, જેનાથી ખેડૂતોને સિંચાઈ માટે પૂરતું પાણી મળશે અને કૃષિ ક્ષેત્રને લાંબા ગાળે ફાયદો થશે.
115 ગામોમાં તળાવો ઊંડા કરવાની કામગીરી
મંત્રી વેકરિયાએ જણાવ્યું કે અમરેલી વિધાનસભા વિસ્તારના 115 ગામોમાં તળાવો ઊંડા કરવાની કામગીરી ચાલી રહી છે. આ કામગીરી પૂર્ણ થતાં વરસાદી પાણીનો વધુ સંગ્રહ થશે અને જળસંચય મજબૂત બનશે.તેમણે ઉમેર્યું કે પાણીના સંરક્ષણથી ખેડૂતોને સીધો લાભ મળશે અને ગ્રામ્ય વિસ્તારોમાં જળસંકટની સમસ્યા પણ ઘટશે.
51 હજાર વૃક્ષો વાવવાનો સંકલ્પ
વડિયા ખાતે આગામી સમયમાં 2,000 વૃક્ષોનું વાવેતર કરવામાં આવશે. ઉપરાંત સમગ્ર અમરેલી વિધાનસભા વિસ્તારમાં 51,000 વૃક્ષો વાવવાનો સંકલ્પ લેવામાં આવ્યો છે.મંત્રી વેકરિયાએ ગ્લોબલ વોર્મિંગ અને પર્યાવરણના પડકારોને ધ્યાનમાં રાખીને વધુમાં વધુ વૃક્ષારોપણ કરવાની જરૂરિયાત પર ભાર મૂક્યો હતો. તેમણે નાગરિકોને વૃક્ષારોપણ અભિયાનમાં જોડાવા અને વાવેલા વૃક્ષોની નિયમિત જાળવણી કરવાની પણ અપીલ કરી.
આ પણ વાંચો:સોમનાથ બીચ પર સ્વચ્છતા અભિયાન,રાજ્યમંત્રી કૌશિક વેકરિયાનું શ્રમદાન
આ પણ વાંચો:અમરેલીના વડિયામાં રાજ્યમંત્રી કૌશિક વેકરિયા કોંગ્રેસ પર ત્રાટક્યા
આ પણ વાંચો:કૌશિક વેકરિયાએ ખેડૂત કનેક્શન એક અઠવાડિયામાં મળી રહે તેવો વિચાર રજૂ કર્યો
