Public Examinations Amendment Bill 2026: દેશમાં પેપર લીક અને સરકારી-પ્રતિયોગી પરીક્ષાઓમાં થતી ગેરરીતિઓ પર કડક લગામ કસવા માટે લાવવામાં આવેલા ‘સાર્વજનિક પરીક્ષા (અનુચિત સાધનોની રોકથામ) સંશોધન કાયદો, 2026’ ને રાષ્ટ્રપતિ દ્રૌપદી મુર્મુ દ્વારા મંજૂરી આપવામાં આવી છે. વિપક્ષી દળોના વિરોધ અને વૉકઆઉટ વચ્ચે સંસદના બંને સદનોમાંથી પસાર થયેલો આ કાયદો હવે સમગ્ર દેશમાં સત્તાવાર રીતે લાગુ થઈ ગયો છે.
Paper Leak કાયદાની મુખ્ય વિશેષતાઓ અને કડક સજા
કેન્દ્ર સરકારના જણાવ્યા અનુસાર, આ નવા કાયદાનો મુખ્ય ઉદ્દેશ્ય પરીક્ષાઓમાં પારદર્શિતા જાળવવાનો અને લાખો યુવાનોના ભવિષ્યની સુરક્ષા કરવાનો છે:
પરીક્ષાઓમાં ડાંડલી કે પેપર લીક(Paper Leak) કરનાર વ્યક્તિઓને 5 થી 10 વર્ષ સુધીની જેલ અને 50 લાખ રૂપિયા સુધીના દંડની જોગવાઈ છે.
પેપર લીક(Paper Leak) સાથે સંકળાયેલા સંગઠિત માફિયાઓ કે સિન્ડિકેટ પર કડક શિકંજો કસવા માટે ઓછામાં ઓછી 7 વર્ષની કેદ અને 10 કરોડ રૂપિયા સુધીના દંડ જેવી આકરી સજા નક્કી કરવામાં આવી છે.
સંસદમાં પ્રક્રિયા અને પીએમ મોદીનું નિવેદન
આ વિધેયકને રાજ્યસભામાં ધ્વનિમતથી પસાર કરવામાં આવ્યું હતું, જ્યારે લોકસભા દ્વારા તેને અગાઉ જ મંજૂરી આપવામાં આવી હતી. કાયદો બન્યા બાદ વડાપ્રધાન નરેન્દ્ર મોદીએ સોશિયલ મીડિયા પર વીડિયો સંદેશ શેર કરતા જણાવ્યું હતું કે, સરકારે પેપર લીક વિરુદ્ધ કઠોર કાયદો બનાવવાનું મહત્વપૂર્ણ કાર્ય પૂર્ણ કરી લીધું છે, જેથી કોઈ પણ માફિયા વિદ્યાર્થીઓના ભવિષ્ય સાથે રમતી ન શકે. નવી ટેકનિકોના ઉપયોગથી પરીક્ષા પ્રણાલીને વધુ મજબૂત બનાવવામાં આવી રહી છે.
આ પણ વાંચો:NEET પેપર લીક કેસમાં CBIની મોટી કાર્યવાહી, ‘માસ્ટર માઈન્ડ’ ઝડપાયો, 2 સોલ્વરની પણ ધરપકડ
આ પણ વાંચો:NEET પેપર લીક કેસમાં CBIને વધુ એક સફળતા મળી, સંજીવ મુખિયા સાથે સંબંધ ધરાવનારની ધનબાદમાંથી કરી ધરપકડ
