Ramesh Bidhuri Statement on NEET Protest: ભાજપના નેતા અને પૂર્વ સાંસદ રમેશ બિધુડીએ દિલ્હીના જંતર-મંતર પર NEET પેપર લીક મામલે થયેલા પ્રદર્શનને લઈને એક મોટું અને વિવાદિત નિવેદન આપ્યું છે. તેમણે દાવો કર્યો છે કે પ્રદર્શનમાં વાસ્તવિક વિદ્યાર્થીઓ ઓછા પરંતુ પંચર અને ચાવી બનાવનારા લોકો વધુ હાજર હતા.

Ramesh Bidhuri એ નિવેદનમાં શું કહ્યું?

રમેશ બિધુડીએ(Ramesh Bidhuri ) જણાવ્યું કે પ્રદર્શન સ્થળ પર પંચર લગાવનારા અને તાલા (ચાવી) બનાવનારા લોકો વધુ હતા.

તેમણે (Ramesh Bidhuri ) વધુમાં દાવો કર્યો કે વડાપ્રધાન વિરુદ્ધ અભદ્ર ભાષાનો ઉપયોગ કરનારા લોકો સામાન્ય વિદ્યાર્થીઓ નહોતા, પરંતુ આ પ્રકારના લોકો પ્રદર્શનમાં સામેલ થઈને વાતાવરણ બગાડી રહ્યા હતા.

વડાપ્રધાન મોદીનું ઇન્સ્ટાગ્રામ લાઈવ અને માફ કરવાની વાત

આ અગાઉ 31 જુલાઈએ મોડી રાત્રે વડાપ્રધાન નરેન્દ્ર મોદીએ ઇન્સ્ટાગ્રામ પર લાઈવ આવીને Gen-Z (યુવા પેઢી) ને સંબોધિત કર્યા હતા.

પીએમ મોદીએ જંતર-મંતરના પ્રદર્શન દરમિયાન કેટલાક યુવાનો દ્વારા અપશબ્દો અને અભદ્ર ભાષાનો ઉપયોગ કરવા અંગે દુઃખ વ્યક્ત કર્યું હતું. જોકે, તેમણે ઉદારતા દાખવીને આવા બાળકોને માફ કરવાની વાત કહી હતી અને કહ્યું હતું કે સભ્ય સમાજમાં આવી ભાષા શોભતી નથી.

NEET પેપર લીક અને રાજકીય ઘમાસાણ

NEET પેપર લીક વિવાદને લઈને દેશભરમાં ભારે વિરોધ પ્રદર્શન થયા હતા અને વિપક્ષ તથા વિદ્યાર્થીઓ દ્વારા તત્કાલીન શિક્ષણ મંત્રી ધર્મેન્દ્ર પ્રધાનના રાજીનામાની માંગ કરવામાં આવી હતી.

વિરોધ અને ગુસ્સાને શાંત કરવા માટે સરકારે નેશનલ ટેસ્ટિંગ એજન્સી (NTA) ના 47 કર્મચારીઓ સામે સખત કાર્યવાહી પણ કરી હતી.

આ પણ વાંચો: કેન્દ્ર સરકારના મોટા નિર્ણયો; NEET PG ઉમેદવારો માટે રાહતના સમાચાર

આ પણ વાંચો:હું પરીક્ષા પાસ ન કરી શક્યો…, ગાઝિયાબાદમાં NEET ની તૈયારી કરતા વિદ્યાર્થીએ ફાંસો ખાધો

આ પણ વાંચો:  NEET પરીક્ષાના પેપરો વિમાનો દ્વારા મોકલાશે, સુરક્ષા વ્યવસ્થા પર PM Modi ની સીધી નજર