Ahmedabad News: UPSC દ્વારા આજે દેશભરમાં નેશનલ ડિફેન્સ એકેડેમી (NDA) અને કમ્બાઇન્ડ ડિફેન્સ સર્વિસિસ (CDS)ની પરીક્ષા (NDA-CDS Exam 2026) યોજાઈ હતી. ડિફેન્સ સર્વિસમાં કારકિર્દી બનાવવા ઇચ્છતા ઉમેદવારો માટે મહત્વની ગણાતી આ પરીક્ષા દરમિયાન અમદાવાદની ગુજરાત કોલેજ ખાતે પ્રવેશને લઈને વિવાદ સર્જાયો હતો. ગુજરાત કોલેજમાં આર્ટસ, કોમર્સ અને સાયન્સની ત્રણ અલગ-અલગ બિલ્ડિંગમાં પરીક્ષા (NDA-CDS Exam 2026) કેન્દ્રો ફાળવવામાં આવ્યા હતા. કેટલાક ઉમેદવારો નિર્ધારિત સમયની આસપાસ અથવા ત્યારબાદ કેન્દ્ર પર પહોંચતાં તેમને પ્રવેશ ન મળ્યો હોવાની ફરિયાદો સામે આવી હતી.
આ દરમિયાન એક વાલી પોતાની દીકરીને પરીક્ષા (NDA-CDS Exam 2026) આપવા દેવા માટે સેન્ટર બહાર અધિકારીઓ સમક્ષ આજીજી કરતા જોવા મળ્યા હતા. વાલીના જણાવ્યા પ્રમાણે, તેમને શ્વાસ લેવામાં તકલીફ હોવાથી ઘરેથી નીકળવામાં મોડું થયું હતું. તેમણે અધિકારીઓને સમગ્ર પરિસ્થિતિ સમજાવીને ઓછામાં ઓછું રજૂઆત સાંભળવા વિનંતી કરી હતી. જોકે, તેમની દીકરીને પરીક્ષા કેન્દ્રમાં પ્રવેશ ન મળતાં અંતે નિરાશ થઈને પરત ફરવું પડ્યું હતું.
‘જીવતા જીવ મરી ગયા હોય એવું લાગ્યું’
વાલી નિલેશ બારોટે જણાવ્યું કે તેમની દીકરીની પરીક્ષા (NDA-CDS Exam 2026) હતી અને તેઓ પોતે શ્વાસની તકલીફના કારણે ઘરેથી આશરે 10 મિનિટ મોડા નીકળ્યા હતા. તેમના કહેવા પ્રમાણે, પરીક્ષા કેન્દ્ર પર તેઓ સવારે 8:45 વાગ્યે પહોંચી ગયા હતા, જ્યારે કેન્દ્રનો સમય 9 વાગ્યાનો હતો. નિલેશ બારોટે આક્ષેપ કર્યો કે તેમને ગેટની અંદર જવા દેવામાં આવ્યા નહોતા અને કોઈ જવાબદાર અધિકારી સાથે મુલાકાત પણ કરાવવામાં આવી નહોતી.
તેમણે જણાવ્યું કે તેઓ સામાન્ય ડ્રાઇવર છે અને મહેનત કરીને દીકરીને ભણાવી છે. પરીક્ષા (NDA-CDS Exam 2026) માટે દીકરીએ કરેલી મહેનત બાદ તેને પ્રવેશ ન મળતાં પરિવાર માટે આ સ્થિતિ અત્યંત દુઃખદ બની હતી. તેમણે કહ્યું કે તે સમયે તેમને ‘જીવતા જીવ મરી ગયા હોય એવું લાગ્યું’. વાલીએ ગેટ પર યોગ્ય રીતે રજૂઆત સાંભળવામાં ન આવી હોવાનો પણ આક્ષેપ કર્યો અને જવાબદાર અધિકારીઓ સામે સવાલો ઉઠાવ્યા.
ઉમેદવારનો દાવો: ‘અમે સમય પહેલાં પહોંચી ગયા હતા’
પરીક્ષા (NDA-CDS Exam 2026) આપવા આવેલા અન્ય એક ઉમેદવારે પણ વ્યવસ્થા અંગે સવાલો ઉઠાવ્યા હતા. ઉમેદવારના જણાવ્યા પ્રમાણે, તેઓ મોઢેરાથી પરીક્ષા આપવા આવ્યા હતા અને નિયમ મુજબ વેરિફિકેશન માટે નક્કી કરાયેલા સમય પહેલાં જ કેન્દ્ર પર પહોંચી ગયા હતા. ઉમેદવારે દાવો કર્યો કે તેઓ અંદાજે 20 મિનિટ વહેલા પહોંચી ગયા હતા, જ્યારે અન્ય ઉમેદવારો લગભગ 25 મિનિટ પહેલાંથી ત્યાં હાજર હતા. તેમના જણાવ્યા પ્રમાણે, નિયમોમાં સવારે 8:30થી 9 વાગ્યા સુધી વેરિફિકેશનની પ્રક્રિયા હોવાની માહિતી આપવામાં આવી હતી. તેમ છતાં, ઉમેદવારના કહેવા પ્રમાણે, તેમને શરૂઆતમાં અંદર જવા દેવામાં આવ્યા નહોતા.
‘ભાગીને અંદર ગયા તો જાળી બંધ કરી દેવાઈ’
ઉમેદવારે વધુમાં જણાવ્યું કે પરીક્ષા (NDA-CDS Exam 2026) શરૂ થવાના થોડા સમય પહેલાં તેમને અંદર જવાની મંજૂરી મળી હતી. ત્યારબાદ તેઓ ઝડપથી અંદર પહોંચવાનો પ્રયાસ કરી રહ્યા હતા, પરંતુ ત્યાં પહોંચતા જ જાળી બંધ કરી દેવામાં આવી અને સુરક્ષા વ્યવસ્થા ગોઠવી દેવામાં આવી હોવાનો તેમણે આક્ષેપ કર્યો.
ઉમેદવારના જણાવ્યા પ્રમાણે, સુરક્ષા કર્મચારીઓએ તેમને પોતાની રીતે વાત કરી લેવાનું કહ્યું હતું. જોકે, કોઈ અધિકારી તેમની વાત સાંભળવા માટે બહાર આવ્યો ન હોવાનો દાવો તેમણે કર્યો હતો. તેમણે અધિકારીઓને અવાજ લગાવીને બોલાવવાનો પ્રયાસ કર્યો હતો, પરંતુ તેમ છતાં કોઈ જવાબદાર વ્યક્તિ તેમની રજૂઆત સાંભળવા આવી નહોતી, એવો ઉમેદવારનો આક્ષેપ છે.
‘જે મહેનત કરી હતી તે પાણીમાં જતી રહી’
પરીક્ષાર્થીએ કહ્યું કે ઉમેદવારો પરીક્ષા (NDA-CDS Exam 2026) આપવા માટે મહેનત કરીને અને સમયસર કેન્દ્ર પર પહોંચ્યા હતા. તેમ છતાં શરૂઆતમાં એક જગ્યાએ રોકવામાં આવ્યા અને બાદમાં અન્ય સેન્ટર પર જવાનું કહેવામાં આવ્યું હોવાનો દાવો તેમણે કર્યો. ઉમેદવારના જણાવ્યા પ્રમાણે, ઉમેદવારોને અલગ-અલગ કરીને અંદર મોકલવામાં આવ્યા હતા, પરંતુ કોમર્સ કોલેજના સેન્ટર પર પહોંચ્યા બાદ પણ તેમને રોકવામાં આવ્યા હતા. આખરે પરીક્ષા આપી ન શકવાના કારણે અત્યાર સુધી કરેલી મહેનત વ્યર્થ ગઈ હોવાની લાગણી ઉમેદવારે વ્યક્ત કરી હતી. તેમણે પરીક્ષા કેન્દ્રના મેનેજમેન્ટ સામે સવાલ ઉઠાવીને કહ્યું કે જો આવી વ્યવસ્થા રહેશે તો ઉમેદવારો પરીક્ષા કેવી રીતે આપી શકશે?
NDA-CDS Exam 2026: NDA અને CDS પરીક્ષા કેમ મહત્વની છે?
NDA-NA (II) 2026 માટે કુલ 394 જગ્યાઓ જાહેર કરવામાં આવી હતી. જ્યારે CDS (II) 2026 માટે કુલ 451 જગ્યાઓ માટે પરીક્ષા યોજાઈ હતી. NDA-NA મારફતે પસંદગી પામેલા ઉમેદવારોને આર્મી, નેવી અને એરફોર્સમાં પ્રવેશ મેળવવાની તક મળે છે. બીજી તરફ CDS મારફતે ઇન્ડિયન મિલિટરી એકેડેમી (IMA), ઇન્ડિયન નેવલ એકેડેમી (INA), એર ફોર્સ એકેડેમી અને ઓફિસર્સ ટ્રેનિંગ એકેડેમી (OTA)માં પ્રવેશ માટે ઉમેદવારોની પસંદગી કરવામાં આવે છે.
NDA પરીક્ષાનો સમય
NDA-NA (II) પરીક્ષામાં પ્રથમ પેપર સવારે 10થી 12:30 વાગ્યા સુધી યોજાયું હતું. ત્યારબાદ જનરલ એબિલિટી ટેસ્ટ એટલે કે GATનું પેપર બપોરે 2થી 4:30 વાગ્યા સુધી રાખવામાં આવ્યું હતું.
CDS પરીક્ષા ત્રણ તબક્કામાં
CDS (II) 2026ની પરીક્ષા ત્રણ સત્રમાં યોજાઈ હતી. પ્રથમ સત્રમાં સવારે 9થી 11 વાગ્યા સુધી અંગ્રેજીનું પેપર લેવામાં આવ્યું હતું. બીજા સત્રમાં બપોરે 12:30થી 2:30 વાગ્યા સુધી જનરલ નોલેજનું પેપર યોજાયું હતું. જ્યારે ત્રીજા અને અંતિમ સત્રમાં સાંજે 4થી 6 વાગ્યા સુધી એલિમેન્ટરી મેથેમેટિક્સની પરીક્ષા લેવામાં આવી હતી.
ગુજરાત કોલેજ ખાતે પ્રવેશ અને વ્યવસ્થાને લઈને સામે આવેલી ફરિયાદોએ પરીક્ષા (NDA-CDS Exam 2026) કેન્દ્રોના મેનેજમેન્ટ, ઉમેદવારો માટેની પ્રવેશ પ્રક્રિયા અને જવાબદાર અધિકારીઓ સુધી પહોંચવાની વ્યવસ્થા અંગે ચર્ચા જગાવી છે. વાલીઓ અને ઉમેદવારો દ્વારા કરવામાં આવેલા આક્ષેપો અંગે સંબંધિત સત્તાધિકારીઓ તરફથી સત્તાવાર સ્પષ્ટતા સામે આવે ત્યાર બાદ સમગ્ર મામલો વધુ સ્પષ્ટ થઈ શકે છે.
આ પણ વાંચો:વિદ્યાર્થીઓને સરકારી નોકરીનું સપનું બતાવી 4.48 લાખ પડાવ્યા! ગુજરાત કોલેજનો પૂર્વ PTI અંજારથી ઝડપાયો
આ પણ વાંચો:ગુજરાત કોલેજમાં વિદ્યાર્થી પર હુમલો: જૂની અદાવતમાં ABVP કાર્યકરો સામે ફરિયાદ, માથામાં 3 ટાંકા
આ પણ વાંચો:મહેસાણામાં ગુજરાત પાવર એન્જિનિયરિંગ કોલેજનું નવીન નામકરણ, સાંસ્કૃતિક કાર્યક્રમનું આયોજન કરાયું
