Manoj Tiwari Daughter Riti Tiwari Emotional Bigg Boss: ભોજપુરી અભિનેતા અને સાંસદ મનોજ તિવારીની દીકરી રિતિ તિવારી હાલમાં સલમાન ખાનના શો ‘બિગ બોસ’માં જોવા મળી રહી છે. શોના પ્રથમ ‘વીકએન્ડ કા વાર’ એપિસોડમાં રિતિ ખૂબ જ ભાવુક થઈ ગઈ હતી. સલમાન ખાન સાથેની વાતચીત બાદ તેની આંખોમાં આંસુ આવી ગયા અને પછી તેણે પોતાના મનમાં વર્ષોથી દબાયેલા સંઘર્ષ વિશે ઘરના અન્ય સ્પર્ધકો સામે વાત કરી.
સલમાનની વાત સાંભળીને ભાવુક થઈ રિતિ
વીકએન્ડ કા વાર દરમિયાન સલમાન ખાને રિતિને(Riti Tiwari) ગેમમાં વધુ સાવચેત રહેવાની સલાહ આપી હતી. સાથે જ તેણે પિતા મનોજ તિવારીથી અલગ પોતાની ઓળખ બનાવવાનો પ્રયાસ કરવા બદલ રિતિની પ્રશંસા પણ કરી. સલમાનની આ વાતથી રિતિ ભાવુક બની ગઈ. સલમાનના શોમાંથી ગયા બાદ રિતિ રડવા લાગી હતી. ઘરના અન્ય સભ્યોએ તેને સાંત્વના આપતાં કારણ પૂછ્યું ત્યારે તેણે જણાવ્યું કે પિતાની મોટી ઓળખને કારણે તે લાંબા સમયથી માનસિક દબાણ અનુભવતી આવી છે.
‘મને હંમેશાં મનોજ તિવારીની દીકરી તરીકે જોવામાં આવી’
રિતિએ(Riti Tiwari) કહ્યું કે બાળપણથી જ તેને પોતાની અલગ ઓળખ કરતાં મનોજ તિવારીની દીકરી તરીકે વધુ ઓળખવામાં આવી છે. તેના જણાવ્યા મુજબ, પરિવારના નામને ધ્યાનમાં રાખીને કેવી રીતે બેસવું, હસવું, વાત કરવી અને બહાર કેવી રીતે વર્તવું જેવી બાબતો અંગે તેને સતત સાવધાન રહેવાનું કહેવામાં આવતું હતું. તેણે પોતાની લાગણી વ્યક્ત કરતાં કહ્યું કે તેને ઘણી વખત એવું લાગ્યું કે પોતાની ઈચ્છા પ્રમાણે જીવન જીવવાને બદલે તેણે પરિવારની છબીનું ધ્યાન રાખવું પડ્યું.
‘હું મારી રીતે જીવવા માંગું છું’
રિતિએ(Riti Tiwari) કહ્યું કે આ દબાણ ધીમે-ધીમે તેના વ્યક્તિત્વનો હિસ્સો બની ગયું હતું. તેના શબ્દોમાં, વર્ષોથી તેણે આ વાતોને પોતાની અંદર એટલી ઊંડી રીતે ઉતારી લીધી છે કે હવે પહેલીવાર તેને એવું અનુભવાઈ રહ્યું છે કે કોઈ વ્યક્તિ તેને માત્ર કોઈની દીકરી તરીકે નહીં, પરંતુ તે ખરેખર જેવી છે તેવી રીતે જોઈ રહ્યું છે. તેણે એ પણ જણાવ્યું કે તે સામાન્ય રીતે ઘણા લોકોની સામે પોતાની લાગણીઓ વ્યક્ત કરતી નથી, પરંતુ કેટલીકવાર લાગણીઓ એટલી વધી જાય છે કે મન ભારે થઈ જાય છે.
Learn how to celebrate someone’s success from #Qazi . He has seen #Arijit’s success for the last 21 years & celebrated it like a brother.#RhitiTiwari says: “I felt jealous that #QaziTouqeer was appreciated by #SalmanKhan with all those things which she wants as a rockstar.” 💀…
— sh@ni (@shani133333) September 14, 2026
ઘરના સભ્યોએ રિતિને સંભાળી
રિતિ (Riti Tiwari) ભાવુક થઈને રડવા લાગી ત્યારે બિગ બોસના ઘરના અન્ય સ્પર્ધકોએ તેને શાંત કરવાનો પ્રયાસ કર્યો અને હિંમત આપી. આ સમગ્ર ઘટનાએ રિતિના અંગત સંઘર્ષ અને પોતાની અલગ ઓળખ બનાવવાની તેની ઈચ્છાને ચર્ચામાં લાવી છે. હવે બિગ બોસના આગામી એપિસોડમાં રિતિ પોતાના આ ભાવનાત્મક અનુભવમાંથી બહાર આવીને ગેમમાં કેવું પ્રદર્શન કરે છે તેના પર દર્શકોની નજર રહેશે.
આ પણ વાંચો :બિગ બોસમાં સલમાન ખાન કેમ પહેરે છે હેટ કેપ? ‘SVC 63’ ના નવો લુક અને ‘મોન્સ્ટર’ ટીઝર વિગતો આવી સામે
આ પણ વાંચો :‘બિગ બોસ 20’ માં વાગશે શરણાઈ કે ખડકાશે વિવાદ? બાદશાહથી અલગ થયા બાદ પત્ની ઈશા રિખીની ગ્રાન્ડ એન્ટ્રી
આ પણ વાંચો :‘બિગ બોસ 20’ નો ધમાકેદાર પ્રોમો આઉટ, સલમાન ખાને ઘોડા પર કરી ગ્રાન્ડ એન્ટ્રી
