Congress Leader Jairam Ramesh Inflation Food Prices: ક્યા હુઆ તેરા વાદા વો કદમ વો ઈરાદા ?? … દેશમાં વધતી મોંઘવારીને લઈને કોંગ્રેસે કેન્દ્ર સરકાર પર નિશાન સાધ્યું છે. કોંગ્રેસ મહાસચિવ અને સંચાર પ્રભારી જયરામ રમેશે ખાદ્ય ચીજવસ્તુઓના વધતા ભાવને લઈને સરકારને ઘેરી છે. તેમણે એક મીડિયા રિપોર્ટ શેર કરીને દાવો કર્યો કે દાળ, મસાલા અને રસોઈના તેલ સહિતની જરૂરી વસ્તુઓ મોંઘી થતાં સામાન્ય પરિવારોના ઘરખર્ચ પર વધારાનું દબાણ આવ્યું છે.
देश में खाद्य पदार्थों की कीमतों में बेतहाशा उछाल ने मध्यम और गरीब वर्ग की कमर तोड़ दी है।
दैनिक उपयोग की आवश्यक सामग्रियों के दाम आसमान छू रहे हैं, जिससे आम आदमी का जीना मुहाल हो गया है।
पिछले एक महीने में मसालों के दामों में 10% से 25% तक की भारी बढ़ोतरी हुई है। छोटी इलायची… pic.twitter.com/FjkPnIKN2w
— Jairam Ramesh (@Jairam_Ramesh) September 21, 2026
ડુંગળીના ભાવમાં 82.3% વધારાનો દાવો
જયરામ રમેશે(Jairam Ramesh) રજૂ કરેલા આંકડા મુજબ, જૂનથી સપ્ટેમ્બર દરમિયાન દેશમાં ડુંગળીનો સરેરાશ છૂટક ભાવ ₹29.50 પ્રતિ કિલોથી વધીને ₹53.78 પ્રતિ કિલો થયો છે. એટલે કે લગભગ સાડા 3 મહિનાના સમયગાળામાં ડુંગળીના ભાવમાં 82.3%નો વધારો થયો હોવાનો કોંગ્રેસનો દાવો છે. પાર્ટીએ આ વધારાને સામાન્ય લોકોના બજેટ પર અસર કરનાર મુદ્દા તરીકે રજૂ કર્યો છે.
મસાલા અને દાળના ભાવ પણ વધ્યાનો દાવો
કોંગ્રેસના(Jairam Ramesh) જણાવ્યા મુજબ છેલ્લા એક મહિનામાં કેટલાક મસાલાના ભાવમાં પણ વધારો થયો છે. લીલી એલચી ₹4,000થી વધીને ₹4,400 પ્રતિ કિલો, કાળી એલચી ₹2,400થી ₹2,800 અને જીરું ₹360થી વધીને ₹400 પ્રતિ કિલો થયું હોવાનો દાવો કરવામાં આવ્યો છે. આ ઉપરાંત ગદા ₹2,500થી વધીને ₹3,000 પ્રતિ કિલો થઈ હોવાનું પણ જણાવાયું છે.
દાળ અને રસોઈ તેલના ભાવનો પણ ઉલ્લેખ
જયરામ રમેશે(Jairam Ramesh) દાળના ભાવ અંગે પણ આંકડા રજૂ કર્યા છે. તેમના જણાવ્યા મુજબ અરહર દાળ ₹100થી વધીને ₹130, ચણા દાળ ₹70થી વધીને ₹100 અને અડદ ₹120થી વધીને ₹140 પ્રતિ કિલો થઈ છે. બીજી તરફ સરસવનું તેલ ₹190થી વધીને ₹210 પ્રતિ લિટર અને સફોલા તેલ ₹240થી વધીને ₹280 પ્રતિ લિટર થયું હોવાનો દાવો છે. કોંગ્રેસે આ મુદ્દે વડાપ્રધાન નરેન્દ્ર મોદીને પણ સવાલ કર્યા છે. જયરામ રમેશે વધતા ભાવ વચ્ચે સરકારની નીતિઓ પર પ્રશ્ન ઉઠાવતા કહ્યું કે સામાન્ય અને મધ્યમ વર્ગ માટે ઘર ચલાવવું મુશ્કેલ બની રહ્યું છે. તેમણે પોતાના નિવેદનમાં લોકપ્રિય ગીત ‘Kya Hua Tera Wada’નો ઉલ્લેખ કરીને સરકારના જૂના વચનો અંગે સવાલ કર્યો.
સરકારના દાવા શું છે?
કોંગ્રેસ (Jairam Ramesh) સતત મોંઘવારી અને જીવનજરૂરી ચીજોના ભાવને રાજકીય મુદ્દો બનાવી રહી છે અને સરકાર પર જનવિરોધી નીતિઓના આરોપ લગાવી રહી છે. બીજી તરફ સરકાર તરફથી આવા રાજકીય દાવાઓને ફગાવવામાં આવ્યા છે અને દેશની આર્થિક સ્થિતિ તથા GDPના આંકડાઓ તરફ ધ્યાન દોરવામાં આવ્યું છે. ડુંગળી સહિત વિવિધ ખાદ્ય ચીજોના ભાવમાં ફેરફાર પાછળ પુરવઠો, ઉત્પાદન અને બજારની સ્થિતિ જેવા પરિબળો પણ મહત્વની ભૂમિકા ભજવે છે.
આ પણ વાંચો:જયરામ રમેશે અહેવાલો પર કહ્યું ભારત વિશ્વભરના સાંસદોનું પ્રતિનિધિમંડળ મોકલશે
આ પણ વાંચો:ચોમાસુ સત્રના 4 દિવસ બાકી, કોંગ્રેસ નેતા જયરામ રમેશે અમિત શાહ અને PM મોદી પર કર્યા આકરા પ્રહાર
આ પણ વાંચો: 2030 માં દિલ્હીમાં કોંગ્રેસ સરકાર બનાવશે! AAPની હાર બાદ જયરામ રમેશનો મોટો દાવો
