Dahod Limkheda Expired Medicines Yuvrajsinh Jadeja:  દાહોદ જિલ્લાના લીમખેડા વિસ્તારમાં ઇન્દોર-અમદાવાદ હાઇવે નજીક ખુલ્લી જગ્યામાં એક્સપાયરી ડેટની દવાઓનો મોટો જથ્થો મળી આવ્યો હોવાના આક્ષેપથી આરોગ્ય તંત્રની કામગીરી સામે સવાલો ઉઠ્યા છે. આમ આદમી પાર્ટીના (AAP) નેતા યુવરાજસિંહ જાડેજાએ આ મામલે આક્ષેપ કરતા સમગ્ર ઘટનાની તપાસ કરવાની માગ કરી છે. તેમના જણાવ્યા મુજબ, સ્થળ પર ટેબ્લેટ્સ, સિરપ સહિતની વિવિધ મેડિકલ પ્રોડક્ટ્સનો જથ્થો જોવા મળ્યો હતો.

ખુલ્લી જગ્યામાં દવાઓનો મોટો જથ્થો

યુવરાજસિંહના આક્ષેપ મુજબ, લીમખેડા વિસ્તારમાં(Dahod) હાઇવે નજીક એક્સપાયર થયેલી દવાઓ ખુલ્લામાં પડી હતી. દવાઓના (Dahod) જથ્થામાં વિવિધ પ્રકારની ટેબ્લેટ્સ અને સિરપ સહિતની મેડિકલ પ્રોડક્ટ્સ હોવાનું જણાવાયું છે. આટલી મોટી માત્રામાં દવાઓ ખુલ્લી જગ્યાએ કેવી રીતે પહોંચી તે અંગે તેમણે સવાલો ઉઠાવ્યા છે. યુવરાજસિંહ જાડેજાએ વધુમાં એવો દાવો કર્યો છે કે આ દવાઓના જથ્થાને સળગાવવાનો પ્રયાસ પણ કરવામાં આવ્યો હતો. જોકે, આ અંગે સત્તાવાર રીતે શું થયું હતું તે તપાસ બાદ જ સ્પષ્ટ થઈ શકશે. તેમણે સમગ્ર ઘટનાની તપાસ કરીને દવાઓનો નિકાલ કઈ રીતે કરવામાં આવ્યો હતો તેની માહિતી જાહેર કરવાની માગ કરી છે.

આરોગ્ય અને પર્યાવરણને લઈને ચિંતા

ખુલ્લામાં એક્સપાયરી દવાઓનો(Dahod) નિકાલ કરવામાં આવે તો તેના કારણે આસપાસના વિસ્તારમાં આરોગ્ય અને પર્યાવરણને નુકસાન થવાની શક્યતા અંગે પણ સવાલો ઉઠાવવામાં આવ્યા છે. વરસાદ અથવા પવનને કારણે દવાઓના અવશેષો જમીન કે પાણીના સ્ત્રોત સુધી પહોંચે તેવી શક્યતા પણ વ્યક્ત કરવામાં આવી છે. આ ઉપરાંત પશુઓ આવા દવાઓના સંપર્કમાં આવી શકે તે અંગે પણ ચિંતા વ્યક્ત કરવામાં આવી છે. યુવરાજસિંહે સવાલ કર્યો છે કે આટલો મોટો જથ્થો કોઈ હોસ્પિટલ, મેડિકલ સ્ટોર, દવા ડિસ્ટ્રિબ્યુટર અથવા અન્ય સંસ્થા સાથે સંબંધિત છે કે કેમ? દવાઓનો નિકાલ કરવાની જવાબદારી કોની હતી અને તેના માટે નક્કી કરાયેલા નિયમોનું પાલન થયું હતું કે નહીં તેની તપાસ કરવાની તેમણે માગ કરી છે.

FDCA અને આરોગ્ય તંત્ર સામે પણ સવાલ

આ મામલે ફૂડ એન્ડ ડ્રગ્સ કંટ્રોલ એડમિનિસ્ટ્રેશન એટલે કે FDCA તથા સ્થાનિક આરોગ્ય તંત્રની કામગીરી સામે પણ સવાલો ઉઠાવવામાં આવ્યા છે. યુવરાજસિંહે માગ કરી છે કે દવાઓ (Medicines) ક્યાંથી આવી, કોની માલિકીની હતી અને નિકાલની પ્રક્રિયા નિયમ મુજબ થઈ હતી કે નહીં તે અંગે તપાસ કરવામાં આવે. હાલ દવાઓનો જથ્થો ખરેખર કોનો છે અને તેને સળગાવવાનો પ્રયાસ થયો હતો કે નહીં તે અંગે સત્તાવાર તપાસ બાદ જ હકીકત સ્પષ્ટ થશે.

આ પણ વાંચો:અમદાવાદમાં લોકોના સ્વાસ્થ્ય સાથે ચેડા,  30 સ્થળે દરોડા, 1.70 લાખનો મુદ્દામાલ જપ્ત

આ પણ વાંચો:ગુજરાતમાં કોડીનયુક્ત દવાઓ સામે કાર્યવાહી: Rexton-T Syrupનો ₹83.07 લાખનો જથ્થો પ્રતિબંધિત

આ પણ વાંચો:દિલ્હીમાં કેન્સરની નકલી દવાઓનો કાળો કારોબાર પકડાયો; 1 લાખના ઇન્જેક્શનમાં નીકળ્યું પાણી