India News :સુપ્રીમ કોર્ટે (Supreme Court)તૃણમૂલ કોંગ્રેસ (TMC) ને તેના ફ્રીઝ કરેલા બેંક ખાતાઓ ચલાવવાની પરવાનગી માંગતી અરજી ફગાવી દીધી છે. સુપ્રીમ કોર્ટે જણાવ્યું હતું કે ચૂંટણી પંચે (Election Commission) પાર્ટીના ચૂંટણી પ્રતીક ફ્રીઝ કરી દીધા હોવાથી, હવે તેણે નક્કી કરવું પડશે કે ખાતાઓ ચલાવવાનો અધિકાર કોની પાસે છે. કોર્ટે કોલકાતા હાઇકોર્ટના વચગાળાના આદેશમાં દખલ કરવાનો ઇનકાર કર્યો હતો અને હાઇકોર્ટને આ મામલામાં ઝડપથી નિર્ણય લેવા કહ્યું હતું.
વકીલોની દલીલો અને કાનૂની વિવાદ
સુનાવણી દરમિયાન, કેન્દ્ર સરકારના સોલિસિટર જનરલ તુષાર મહેતા (Tushar Mehta)એ ખાતાઓમાં મોટી રકમ જમા હોવાનો અને તપાસનો ઉલ્લેખ કર્યો હતો. સામે પક્ષે TMC ના વકીલ કપિલ સિબ્બલે દલીલ કરી હતી કે ચૂંટણી પંચનો આદેશ ફક્ત પ્રતીક સંબંધિત છે, બેંક ખાતાઓના સંચાલન સંબંધિત નથી. જોકે, કોર્ટે હાઇકોર્ટના આદેશમાં દખલ કરવાનો સાફ ઇનકાર કરી દીધો હતો.
એફઆઈઆર અને ઈડીની કાર્યવાહી
આ વિવાદ 18 જૂન, 2026 ના રોજ ટીએમસી ધારાસભ્ય વિશ્વનાથ દાસની ફરિયાદથી શરૂ થયો હતો, જેમાં ગેરકાયદેસર ભંડોળ ટ્રાન્સફર કરવાનો આક્ષેપ કરાયો હતો. પોલીસે એફઆઈઆર નોંધીને ખાતાઓ ફ્રીઝ કરી દીધા હતા, ત્યારબાદ એન્ફોર્સમેન્ટ ડિરેક્ટોરેટે (ED) પણ મની લોન્ડરિંગ તપાસ હેઠળ ખાતાઓ સીલ કરી દીધા હતા. પાર્ટીએ રોજિંદા ખર્ચ માટે મુશ્કેલી થતી હોવાની રજૂઆત કરી હતી.
કેન્દ્રએ કર્યો 35 કરોડની રકમનો ઉલ્લેખ
સુનાવણીમાં તુષાર મહેતાએ જણાવ્યું કે આ કેસમાં 35 કરોડ રૂપિયા રોકડા જમા કરાવવા સાથે જોડાયેલા તથ્યો સામે આવ્યા છે અને એજન્સીઓ આ મામલાની સઘન તપાસ કરી રહી છે. હવે આ સમગ્ર મામલાની આગામી સુનાવણી કોલકાતા હાઇકોર્ટ (Calcutta High Court)માં હાથ ધરવામાં આવશે.
આ પણ વાંચો:પશ્ચિમ બંગાળમાં TMC ધારાસભ્ય કુણાલ ઘોષની કાર પર હુમલો, પથ્થર-ઈંડા ફેંકાયા
આ પણ વાંચો:લોકસભામાં TMC સાંસદ કલ્યાણ બેનર્જી સસ્પેન્ડ, મહિલા સાંસદ પર અપમાનજનક ટિપ્પણી બાદ કાર્યવાહી
આ પણ વાંચો:મમતા બેનર્જીની વધી ટેન્શન! TMCના 625 કરોડનું ફંડ ફ્રીઝ કરવા અરૂપ બિસ્વાસની માંગ
