West Bengal TMC MLA Car Attack: પશ્ચિમ બંગાળના હૂગલી જિલ્લામાં TMC ધારાસભ્ય કુણાલ ઘોષ(TMC MLA Kunal Ghosh )ની કાર પર હુમલાની ઘટના સામે આવી છે.
શનિવારે ઉત્તરપાડા વિસ્તારમાં આ ઘટના બની, જ્યારે કુણાલ ઘોષ(TMC MLA Kunal Ghosh ) સેરામપુરમાં મમતા બેનર્જીની સભામાં હાજરી આપવા જઈ રહ્યા હતા.
અહેવાલો મુજબ, કેટલાક લોકો કાળા ઝંડા લઈને તેમની કારને ઘેરી વળ્યા હતા અને ત્યારબાદ કાર પર ઈંડા તથા પથ્થરો ફેંકવામાં આવ્યા હતા. ઘટનામાં કારની પાછળની વિન્ડશિલ્ડ તૂટી ગઈ હતી.
કાળા ઝંડા સાથે કારને ઘેરી, નારેબાજી
સોશિયલ મીડિયા પર સામે આવેલા વીડિયોમાં કેટલાક લોકો કુણાલ ઘોષની(TMC MLA Kunal Ghosh ) કારની આસપાસ જોવા મળે છે.
તેઓ કાર પર હાથ મારતા અને કાળા ઝંડા લહેરાવતા નજરે પડે છે. વીડિયોમાં કાર તરફ ઈંડા અને પથ્થરો ફેંકાતા પણ જોવા મળે છે.
આ હુમલામાં કારનો પાછળનો કાચ તૂટી ગયો હતો. કુણાલ ઘોષને ઈજા થઈ હોવાની માહિતી સામે આવી નથી.
ઘટનાને પગલે તેઓ સેરામપુર જવાને બદલે કોલકાતા પરત ફર્યા હોવાનું અહેવાલોમાં જણાવાયું છે.
TMC MLA Kunal Ghosh’s car under attack. Eggs pelted, glass of the car smashed @KunalGhoshAgain @AITCofficial #eggs #tmc pic.twitter.com/VcJprKkN3h
— Tapas Sengupta (@k_tapas1) September 26, 2026
કુણાલ ઘોષે ઘટનાને ગણાવ્યું ‘જંગલરાજ’
ઘટના અંગે પ્રતિક્રિયા આપતા કુણાલ ઘોષે આક્ષેપ કર્યો કે તેમની કાર પર પથ્થરો અને ઈંડા ફેંકવામાં આવ્યા તથા રસ્તો પણ રોકવામાં આવ્યો હતો.
તેમણે દાવો કર્યો કે ઘટનાસ્થળે તે સમયે કોઈ પોલીસકર્મી હાજર નહોતો.
ઘોષે જણાવ્યું કે તેઓ કોલકાતા પરત જઈ રહ્યા છે અને સમગ્ર મામલે પોલીસમાં ફરિયાદ નોંધાવશે.
TMCનો BJP પર આરોપ, BJPનો અલગ દાવો
ઘટના બાદ પશ્ચિમ બંગાળમાં રાજકીય આરોપ-પ્રત્યારોપ શરૂ થયા છે. TMC નેતાઓએ આ ઘટનાને BJP સાથે જોડીને તેને કથિત રીતે પૂર્વનિયોજિત હુમલો ગણાવ્યો છે.
બીજી તરફ, BJPના ઉત્તરપાડાના ધારાસભ્ય દીપંજન ચક્રવર્તીએ TMCના આરોપોને નકારી કાઢ્યા છે અને ઘટનાને લોકોની સ્વાભાવિક પ્રતિક્રિયા ગણાવી છે.
બંને પક્ષોના દાવા અલગ છે અને હુમલામાં(TMC MLA Kunal Ghosh) સામેલ લોકોની ઓળખ અંગે હજુ સત્તાવાર પુષ્ટિ સામે આવી નથી.
પોલીસ તપાસ પર નજર
હાલ સમગ્ર ઘટનાને લઈને પોલીસ કાર્યવાહી અને તપાસ મહત્વપૂર્ણ બની છે. હુમલામાં કોણ લોકો સામેલ હતા, તેમની ઓળખ કેવી રીતે થઈ શકે છે અને હુમલા પાછળનું ચોક્કસ કારણ શું હતું તેની તપાસ થવાની છે.
હાલ ઉપલબ્ધ વીડિયોમાં ઘટના દરમિયાન કાળા ઝંડા સાથે લોકો કુણાલ ઘોષ(TMC MLA Kunal Ghosh)ની કારને ઘેરતા અને બાદમાં ઈંડા-પથ્થરો ફેંકતા જોવા મળે છે.
આ પણ વાંચો:મમતા બેનર્જીના કિલ્લામાં ભંગાણ, વરિષ્ઠ સાંસદ કલ્યાણ બેનર્જીએ ભત્રીજા અભિષેક સામે પોકાર્યો બળવો
આ પણ વાંચો: ધારાસભ્યો પછી મમતા બેનર્જીના 20 લોકસભા સાંસદોનો બળવો, ભાજપ-NDAને આપશે સમર્થન
આ પણ વાંચો:મમતા બેનર્જીની વધી ટેન્શન! TMCના 625 કરોડનું ફંડ ફ્રીઝ કરવા અરૂપ બિસ્વાસની માંગ
