India News :દિલ્હીમાં રાજકીય હલચલ વચ્ચે કોકરોચ જનતા પાર્ટી (CJP leaders ના ત્રણ અગ્રણી નેતાઓને મોટી રાહત મળી છે. અભિજીત દિપકે(Abhijit Deepak), આશુતોષ રાંકા અને સૌરવ દાસ દિલ્હી કેન્ટ પોલીસ સ્ટેશનમાં એક્ઝિક્યુટિવ મેજિસ્ટ્રેટ સમક્ષ હાજર થયા બાદ સત્તાવાર રીતે મુક્ત કરવામાં આવ્યા છે. CJP ના કાનૂની વડા રત્ના સિંહે દિલ્હી પોલીસના અધિકારીઓ પાસેથી મળેલી માહિતીના આધારે આ અપડેટ જાહેર કર્યું હતું. અગાઉ શનિવારે દિલ્હી એરપોર્ટ પર ઉતરતાની સાથે જ આ ત્રણેય નેતાઓની અટકાયત કરવામાં આવી હતી.
CJP leaders :શનિવારની વ્યાપક પોલીસ કાર્યવાહી
દિલ્હીમાં સંભવિત મોટા વિરોધ પ્રદર્શનોને કાબૂમાં લેવા માટે શનિવારે પોલીસે વ્યાપક સ્તરે કડક કાર્યવાહી હાથ ધરી હતી. આ અભિયાન દરમિયાન એક હજારથી વધુ લોકોની અટકાયત કરવામાં આવી હતી, જેમાં ચાર ભૂતપૂર્વ મુખ્યમંત્રીઓ, CJP ના સ્થાપક અભિજીત દિપકે અને લોકપ્રિય યુટ્યુબર ધ્રુવ રાઠી (Dhruv Rathee)નો પણ સમાવેશ થતો હતો. CJP એ મુખ્ય ચૂંટણી કમિશનર જ્ઞાનેશ કુમાર (Gyanesh Kumar)વિરુદ્ધ મતદાર યાદીના વિશેષ સંશોધન (SIR) માં કથિત અનિયમિતતાઓના આરોપ સાથે આ વિરોધ પ્રદર્શનનું એલાન કર્યું હતું.
સુપ્રીમ કોર્ટમાં વિશેષ સુનાવણી
શનિવારે દિલ્હીમાં પોલીસ (Delhi Police)દ્વારા કરાયેલી અટકાયતો અને જાહેર પરિવહન પર લાદવામાં આવેલા પ્રતિબંધોને લઈને સુપ્રીમ કોર્ટમાં મહત્વપૂર્ણ સુનાવણી હાથ ધરવામાં આવી છે. મુખ્ય ન્યાયાધીશ સૂર્યકાંત તેમજ ન્યાયાધીશ જોયમલ્યા બાગચી અને વી. મોહનાની બનેલી વિશેષ બેન્ચ આ મામલાની સુનાવણી કરી રહી છે.
અદાલતમાં દાખલ કરાયેલી અરજીઓમાં આરોપ મૂકવામાં આવ્યો છે કે અગાઉના નિર્દેશો છતાં અધિકારીઓએ દિલ્હી મેટ્રો સ્ટેશનો અને ટ્રેન સેવાઓ પર મર્યાદાઓ લાદી છે, જેનાથી સામાન્ય જનતાને ભારે અસુવિધા થઈ છે. આ ઉપરાંત, વિરોધ કરી રહેલા નેતાઓની નિવારક અટકાયતને પણ હેબિયસ કોર્પસ અરજી દ્વારા પડકારવામાં આવી છે, જેના પર ન્યાયિક સમીક્ષા જારી છે.
આ પણ વાંચો:CJP જંતર-મંતર પ્રદર્શન મહાસંકટ: ૨૫ હજાર જવાનો તૈનાત, ૪૫ મેટ્રો સ્ટેશનો અને નમો ભારત ટ્રેન ઠપ!
આ પણ વાંચો:દિલ્હીમાં CJPના વિરોધ પહેલાં સુરક્ષા કડક, કલમ 163 લાગુ
