Junagadh News: જૂનાગઢ માર્કેટિંગ યાર્ડમાં નવી મોસમની મગફળી અને સોયાબીન સહિતની જણસીઓની આવક શરૂ થઈ (Groundnut Crop Loss) ગઈ છે, પરંતુ બીજી તરફ પાકના ઓછા ઉતારાને કારણે ખેડૂતોની ચિંતા વધી છે. અનિયમિત વરસાદ અને વરસાદ ખેંચાવાની અસરને કારણે ઉત્પાદન ઘટ્યું હોવાનો ખેડૂતોનો દાવો છે. ગત વર્ષની સરખામણીએ આ વખતે પાક ઓછો ઉતરતાં ખેતીનો ખર્ચ કાઢવો પણ મુશ્કેલ બની રહ્યો હોવાનું ખેડૂતો જણાવી રહ્યા છે. આવી સ્થિતિમાં ખેડૂતો ગુજરાત સરકાર પાસે રાજ્યમાં દુષ્કાળ જાહેર કરીને રાહત આપવા માંગ કરી રહ્યા છે.

Groundnut Crop Loss: 10 વીઘામાં 8થી 10 ખાંડીને બદલે માત્ર 5 ખાંડી સોયાબીન

જૂનાગઢ માર્કેટિંગ યાર્ડમાં સોયાબીન વેચવા (Soybean Production Gujarat) આવેલા ખેડૂતએ જણાવ્યું હતું કે તેઓ આ વર્ષે પાંચ ખાંડી સોયાબીન લઈને યાર્ડમાં આવ્યા છે. તેમના જણાવ્યા મુજબ, ગત વર્ષે 10 વીઘા જમીનમાં સોયાબીનના વાવેતરમાંથી 8થી 10 ખાંડી જેટલો ઉતારો મળતો હતો. જોકે, આ વર્ષે વરસાદની અછત અને નબળી મોસમને કારણે ઉત્પાદન ઘટીને માત્ર પાંચ ખાંડી જેટલું રહ્યું છે.

ખેડૂતે વધુમાં જણાવ્યું હતું કે યાર્ડમાં હાલ સોયાબીનના ભાવ મધ્યમ મળી રહ્યા છે, પરંતુ ઉત્પાદન જ ઘટી જતાં ખેડૂતોની આવક પર સીધી અસર પડી રહી છે. ખેતી પાછળ કરેલો ખર્ચ અને ઓછું ઉત્પાદન ખેડૂતોની આર્થિક મુશ્કેલી વધારી રહ્યાં છે. તેમણે મહારાષ્ટ્રમાં દુષ્કાળ જાહેર કરાયાનો ઉલ્લેખ કરીને ગુજરાત સરકારને પણ ખેડૂતોને યોગ્ય સહાય આપવા અપીલ કરી હતી.

મગફળીના ઉત્પાદનમાં મોટો ઘટાડો થયાનો ખેડૂતોનો દાવો

અન્ય ખેડૂતએ પણ પાકના ઉત્પાદન અંગે ચિંતા વ્યક્ત કરી હતી. તેમના જણાવ્યા મુજબ, ગત વર્ષે રાજ્યમાં મગફળીનું ઉત્પાદન 55 લાખ મેટ્રિક ટન જેટલું નોંધાયું હતું, જ્યારે આ (Groundnut Crop Loss) વર્ષે ઉત્પાદન 15 લાખ મેટ્રિક ટન સુધી પણ પહોંચે તેવી શક્યતા નથી. તેમણે સોયાબીનના ઉત્પાદનમાં પણ ગત વર્ષની સરખામણીએ આશરે 40 ટકા ઘટાડો થયો હોવાનો દાવો કર્યો હતો.

ખેડૂતએ સરકારને સવાલ કર્યો હતો કે જ્યારે ખેડૂતોને ઓછા ઉતારા અને વરસાદની અનિયમિતતાનો સામનો કરવો પડી રહ્યો છે, ત્યારે રાજ્યમાં દુષ્કાળ જાહેર કરવા અંગે નિર્ણય કેમ લેવામાં આવતો નથી? તેમણે ખેડૂતોની સ્થિતિને ધ્યાનમાં રાખીને સરકાર તાત્કાલિક રાહત આપે તેવી માંગ કરી હતી.

જોકે, મગફળી અને સોયાબીનના ઉત્પાદન અંગે ખેડૂતો દ્વારા રજૂ કરવામાં આવેલા આ આંકડાઓની સત્તાવાર પુષ્ટિ જરૂરી છે.

જૂનાગઢ યાર્ડમાં સોયાબીનની 30 હજાર બોરીની આવક

જૂનાગઢ માર્કેટિંગ યાર્ડના સેક્રેટરી દિવ્યેશ ગજેરાના (Groundnut Crop Loss) જણાવ્યા મુજબ, યાર્ડમાં હાલ સોયાબીન, મગફળી, તુવેર, ધાણા, ચણા, તલ, અડદ અને એરંડા સહિતની વિવિધ જણસીઓની આવક થઈ રહી છે.

તેમણે જણાવ્યું હતું કે સોયાબીનની આશરે 30,000 બોરી એટલે કે લગભગ 75,000 મણની આવક નોંધાઈ છે. જણસીઓની આવકને ધ્યાનમાં રાખીને ગત રાત્રે 10 વાગ્યાથી સવારે 6 વાગ્યા સુધીમાં 600થી વધુ વાહનોને ટોકન આપીને યાર્ડમાં પ્રવેશ આપવામાં આવ્યો હતો.

ભાવ અંગે તેમણે જણાવ્યું હતું કે સામાન્ય સોયાબીનના ભાવ પ્રતિ (Soybean Market Price) 20 કિલોએ રૂ.1,200થી રૂ.1,400 સુધી રહ્યા હતા. જ્યારે બિયારણની ગુણવત્તા ધરાવતા સોયાબીન, 1135 નંબર અને ફૂલેસંગમ વેરાયટીના ભાવ પ્રતિ 20 કિલોએ રૂ.1,600 સુધી બોલાયા હતા.

મગફળીના ભાવ રૂ.1,300થી રૂ.2,000 સુધી

યાર્ડના સેક્રેટરી દિવ્યેશ ગજેરાના જણાવ્યા મુજબ, જૂનાગઢ માર્કેટિંગ યાર્ડમાં મગફળીની આશરે 8,500 ગુણીની આવક થઈ હતી. સામાન્ય મગફળીના ભાવ પ્રતિ 20 કિલોએ રૂ.1,300થી રૂ.1,600 સુધી રહ્યા હતા, જ્યારે 66 નંબરની ગુણવત્તાયુક્ત મગફળીના ભાવ રૂ.2,000 સુધી પહોંચ્યા હતા.

તેમણે સ્વીકાર્યું હતું કે ચોમાસા દરમિયાન વરસાદ ખેંચાવાની અસર (Irregular Rainfall Gujarat) પાકના ઉતારા પર પડી છે અને ખેડૂતોને આ વર્ષે ધાર્યા પ્રમાણે ઉત્પાદન મળ્યું નથી. જોકે, અલગ-અલગ ગુણવત્તાની જણસીઓના ભાવમાં તફાવત જોવા મળી રહ્યો છે.

ખેડૂતોની માંગ: દુષ્કાળ જાહેર કરી રાહત આપો

જૂનાગઢ માર્કેટિંગ યાર્ડમાં જણસીઓની આવક વધી રહી છે, પરંતુ ઓછા ઉત્પાદનને કારણે ખેડૂતોની મુશ્કેલીઓ યથાવત્ છે. ખેડૂતોની માંગ છે કે સરકાર વરસાદની સ્થિતિ, પાકના ઉતારા અને ખેતીના નુકસાનનું યોગ્ય મૂલ્યાંકન કરે અને જરૂરિયાત મુજબ રાહત આપે.

ખેડૂતોનું કહેવું છે કે જો ઉત્પાદન ઘટે અને ખેતીનો ખર્ચ પણ ન નીકળે તો તેમની આર્થિક સ્થિતિ વધુ કથળી શકે છે. હવે સરકાર ખેડૂતોની રજૂઆતોને ધ્યાનમાં રાખીને દુષ્કાળ, પાક નુકસાન અને (Drought Demand) રાહત અંગે શું નિર્ણય લે છે તેના પર સૌની નજર છે.

આ પણ વાંચો: ‘ગૌડઝિલા અલ-નીનો’ લાવશે ભારે દુષ્કાળનું સંકટ, ગુજરાત સહિત 4 રાજ્યો પર મોટો ખતરો

આ પણ વાંચો: ગુજરાતમાં હળવા વરસાદની આગાહી વચ્ચે દુષ્કાળ જાહેર કરવાની માગ તેજ, ઉત્તર ગુજરાત માટે CMને પત્ર

આ પણ વાંચો: સૌરાષ્ટ્રમાં વરસાદની અછત વચ્ચે કોંગ્રેસનો અનોખો વિરોધ, 50 સ્થળે ખેતરમાં યજ્ઞ; દુષ્કાળ જાહેર કરવાની માંગ