Business News: Mayur Sahasra નામની સોનાના ઝુમકાઓની એક જોડીએ દુબઈમાં બે ગિનિસ વર્લ્ડ રેકોર્ડ પોતાના નામે કર્યા છે. ભારતીય જ્વેલરી કંપની જૉયઆલુક્કાસ જ્વેલરી દ્વારા તૈયાર કરવામાં આવેલા આ વિશાળ ઝુમકાઓનું કુલ વજન 16.514 કિલોગ્રામ છે. 22 કેરેટ સોનાથી બનેલી આ જોડી દુનિયાની સૌથી ભારે અને સૌથી મોટી સોનાની બુટ્ટીઓની જોડી તરીકે માન્ય બની છે.
55 કારીગરોએ 5,840 કલાકમાં તૈયાર કર્યા ઝુમકા
આ વિશાળ ઝુમકાઓને તૈયાર કરવાનું કામ સરળ નહોતું. તેને બનાવવા માટે 55 કુશળ કારીગરોએ ઘણા મહિનાઓ સુધી મહેનત કરી હતી. સમગ્ર ડિઝાઇન અને નિર્માણ પ્રક્રિયામાં કુલ 5,840 કલાકનો સમય લાગ્યો હતો.
ઝુમકાઓની લંબાઈ 1.215 મીટર અને વ્યાસ 0.682 મીટર છે. તેનું વિશાળ કદ અને વજન તેને સામાન્ય જ્વેલરીથી સંપૂર્ણપણે અલગ બનાવે છે.
આ રચનાનું નામ ‘મયૂર સહસ્ર’ રાખવામાં આવ્યું છે. ‘મયૂર સહસ્ર’નો અર્થ ‘એક હજાર મોર’ થાય છે. તેના ડિઝાઇનમાં મોરથી પ્રેરણા લેવામાં આવી છે. ભારતીય સંસ્કૃતિમાં મોરને સુંદરતા, શાલીનતા અને ભવ્યતાનું પ્રતીક માનવામાં આવે છે.
દક્ષિણ એશિયાના પરંપરાગત ઝુમકાની ઝલક
‘મયૂર સહસ્ર’ની ડિઝાઇનમાં ભારતીય અને દક્ષિણ એશિયાઈ જ્વેલરી પરંપરાની ઝલક પણ જોવા મળે છે. ખાસ કરીને દક્ષિણ એશિયાના લગ્ન પ્રસંગોમાં પહેરવામાં આવતા પરંપરાગત ઘંટ આકારના ઝુમકાથી પ્રેરિત ડિઝાઇનને તેમાં સામેલ કરવામાં આવી છે.
આ કારણે આ વિશાળ ઝુમકા માત્ર વજન અને કદના કારણે જ ખાસ નથી, પરંતુ તેની ડિઝાઇનમાં ભારતીય સંસ્કૃતિ અને પરંપરાને પણ સ્થાન આપવામાં આવ્યું છે.
દુબઈમાં થયું ભવ્ય લોન્ચ
આ વિશાળ ઝુમકાઓને 24 ઓક્ટોબરે દુબઈના ગોલ્ડ ડિસ્ટ્રિક્ટમાં આવેલા ‘જ્વેલ ઓફ જૉય’ શોરૂમમાં પ્રદર્શિત કરવામાં આવ્યા હતા. આ પ્રસંગે UAEના ઇકોનોમી અને ટૂરિઝમ મિનિસ્ટર અબ્દુલ્લા બિન તૌક અલ મર્રી પણ ઉપસ્થિત રહ્યા હતા.
જૉયઆલુક્કાસ જ્વેલરીના CEO જૉન પૉલ આલુક્કાસે જણાવ્યું હતું કે આ ઝુમકાઓ બનાવવાનો વિચાર દુબઈ સાથે કંપનીના લાંબા સમયથી રહેલા જોડાણ અને શહેરના વિકાસથી પ્રેરિત હતો.
તેમના જણાવ્યા અનુસાર, દુબઈને લાંબા સમયથી ‘સોનાના શહેર’ તરીકે ઓળખવામાં આવે છે અને આ વિશાળ રચના શહેરની આ ઓળખને વધુ મજબૂત બનાવશે.
જૉયઆલુક્કાસ ગ્રુપે કારીગરોને આપ્યું શ્રેય
જૉયઆલુક્કાસ ગ્રુપના ચેરમેન જૉયઆલુક્કાસે આ રચનાને દુબઈ અને તેને બનાવનારા કારીગરો પ્રત્યે સન્માન તરીકે ગણાવી છે.
તેમણે કહ્યું કે કંપની લગભગ ચાર દાયકાથી દુબઈ સાથે આગળ વધી રહી છે. ‘મયૂર સહસ્ર’ એવા કારીગરોની મહેનતનું પરિણામ છે, જેમણે એક પડકારજનક કલ્પનાને વાસ્તવિકતામાં ફેરવી છે.
એક જ જ્વેલરી રચના માટે બે ગિનિસ વર્લ્ડ રેકોર્ડ મળવા એ કંપની, તેના કર્મચારીઓ અને વર્ષોથી કંપની પર વિશ્વાસ રાખનારા ગ્રાહકો માટે ગર્વની વાત હોવાનું પણ તેમણે જણાવ્યું.
ક્યાં જોઈ શકાશે આ 16.5 કિલોના ઝુમકા?
Gold Earrings Guinness World Record બનાવનારા આ વિશાળ સોનાના ઝુમકાઓને દુબઈના ગોલ્ડ ડિસ્ટ્રિક્ટમાં આવેલા ‘જ્વેલ ઓફ જૉય બાય જૉયઆલુક્કાસ’ શોરૂમમાં કાયમી ધોરણે પ્રદર્શિત કરવામાં આવ્યા છે. 22 કેરેટ સોનાથી બનેલા આ ઝુમકાઓનું કુલ વજન 16.514 કિલોગ્રામ છે અને તેની વિશાળ ડિઝાઇનને કારણે તે દુનિયાભરમાં ચર્ચાનું કેન્દ્ર બન્યા છે.
Gold Earrings Guinness World મેળવનારી આ જોડી હવે દુબઈ આવતા પ્રવાસીઓ અને જ્વેલરીપ્રેમીઓ માટે ખાસ આકર્ષણ બની છે. મુલાકાતીઓ શોરૂમમાં જઈને આ વિશાળ ઝુમકાઓને રૂબરૂ જોઈ શકે છે અને તેની મોરથી પ્રેરિત ડિઝાઇન, ઝીણવટભરી કારીગરી તથા પરંપરાગત ઝુમકાની શૈલીને નજીકથી નિહાળી શકે છે.
આ વિશાળ ઝુમકાઓને કાયમી ધોરણે પ્રદર્શિત કરવાનો નિર્ણય લોકો માટે પણ ખાસ છે, કારણ કે આ રચના પાછળ 55 કુશળ કારીગરોની મહિનાઓની મહેનત અને કુલ 5,840 કલાકનો સમય લાગ્યો છે. એક જ જોડી દ્વારા બે ગિનિસ વર્લ્ડ રેકોર્ડ બનાવવામાં આવ્યા હોવાથી Gold Earrings Guinness World ની આ સિદ્ધિ જૉયઆલુક્કાસ માટે પણ મોટી ઉપલબ્ધિ બની છે. દુબઈના ગોલ્ડ ડિસ્ટ્રિક્ટમાં તેને જોવા માટે આવતા લોકો ભારતીય કારીગરી અને ભવ્ય સોનાની આ અનોખી રચનાનો અનુભવ કરી શકે છે.
કોણ છે જૉયઆલુક્કાસ?
જૉયઆલુક્કાસ કેરળના જાણીતા ભારતીય વેપારી છે અને જૉયઆલુક્કાસ ગ્રુપના ચેરમેન તથા મેનેજિંગ ડિરેક્ટર છે. જૉયઆલુક્કાસ ગ્રુપની શરૂઆત 1987માં થઈ હતી અને તેનું મુખ્યાલય કેરળના ત્રિશૂર તથા દુબઈમાં છે.
આલુક્કાસ પરિવારે કેરળના ત્રિશૂરમાં જ્વેલરીનો વ્યવસાય શરૂ કર્યો હતો. ત્યારબાદ જૉયઆલુક્કાસે 2001માં પોતાના નામથી જ્વેલરીના વ્યવસાયને આગળ વધાર્યો.
આજે કંપની ભારત ઉપરાંત બ્રિટન, અમેરિકા, સિંગાપુર, મલેશિયા, UAE કતાર, કુવેત, સાઉદી અરેબિયા, ઓસ્ટ્રેલિયા, બહેરીન અને ઓમાન સહિત અનેક દેશોમાં વ્યવસાય કરે છે.
ફોર્બ્સના 2023ના અહેવાલ મુજબ જૉયઆલુક્કાસની નેટવર્થ આશરે 4.4 અબજ ડૉલર આંકવામાં આવી હતી. હવે ‘મયૂર સહસ્ર’ જેવા ભવ્ય પ્રોજેક્ટે જૉયઆલુક્કાસ જ્વેલરીને ફરી એકવાર વૈશ્વિક સ્તરે ચર્ચામાં લાવી છે.
