Bussiness News: મોંઘવારીની અસર હવે સામાન્ય માણસના રસોડાના બજેટ (Household Expenses India) પર પણ સ્પષ્ટ દેખાઈ રહી છે. છેલ્લા છ મહિનામાં ડુંગળી, ખાંડ, કઠોળ, ખાદ્ય તેલ, દૂધ, ઘી, ઈંડા અને ચોખા સહિતની રોજિંદા વપરાશની ચીજવસ્તુઓના ભાવમાં વધારો થયો છે. ગ્રાહક બાબતોના મંત્રાલયના દૈનિક છૂટક ભાવના આંકડા મુજબ, 10 મે થી 10 નવેમ્બર, 2026 દરમિયાન(Food Inflation India 2026) ડુંગળીના ભાવમાં આશરે 126 ટકા અને ખાંડના ભાવમાં 31.4 ટકાનો વધારો નોંધાયો છે. આ ભાવવધારાને કારણે ચાર સભ્યોના પરિવારના અંદાજિત માસિક રસોડાના ખર્ચમાં રૂ. 940 એટલે કે 10.2 ટકાનો વધારો થયો છે.
Household Expenses India: ડુંગળીના ભાવમાં બમણાથી વધુ ઉછાળો
મંત્રાલયના આંકડા મુજબ, 10 મેના રોજ ડુંગળીનો સરેરાશ છૂટક ભાવ (Onion Price Hike) રૂ. 23.99 પ્રતિ કિલો હતો, જે 10 નવેમ્બરે વધીને રૂ. 54.19 થયો છે. આમ, છ મહિનામાં ડુંગળીના ભાવમાં આશરે 126 ટકાનો વધારો થયો છે. બીજી તરફ, ખાંડનો ભાવ રૂ. 46.09 પ્રતિ કિલોથી વધીને રૂ. 60.57 થયો છે, જે 31.4 ટકાનો વધારો દર્શાવે છે. ડુંગળી અને ખાંડના ભાવમાં (Sugar Price) થયેલા આ ઉછાળાની અસર ઘરેલું વપરાશ ઉપરાંત હોટલ અને રેસ્ટોરન્ટના ખર્ચ પર પણ પડી શકે છે.
કઠોળ અને ખાદ્ય તેલ પણ મોંઘાં થયાં
રસોડામાં રોજિંદા વપરાશમાં લેવાતાં કઠોળના ભાવમાં પણ વધારો નોંધાયો છે. તુવેરદાળનો ભાવ રૂ. 120.98થી વધીને રૂ. 135.22 પ્રતિ કિલો થયો છે. ચણાદાળ રૂ. 83.28થી વધીને રૂ. 95.23 અને અડદદાળ રૂ. 117.71થી વધીને રૂ. 127.06 પ્રતિ કિલો થઈ છે. જ્યારે મગદાળનો ભાવ રૂ. 110.45થી વધીને રૂ. 115.47 પ્રતિ કિલો થયો છે.
ખાદ્ય તેલના ભાવમાં પણ વધારો થયો છે. સરસવના તેલનો ભાવ રૂ. 187.82થી વધીને રૂ. 210.78 પ્રતિ કિલો થયો છે. જ્યારે મગફળીના તેલનો ભાવ રૂ. 201.91થી વધીને રૂ. 210.90 પ્રતિ કિલો નોંધાયો છે.
દૂધ, ઘી, ઈંડાં અને ચોખાના ભાવમાં પણ વધારો
રોજિંદા ઉપયોગની અન્ય ચીજવસ્તુઓ પણ મોંઘી થઈ છે. દૂધનો સરેરાશ ભાવ રૂ. 59.06થી વધીને રૂ. 62.07 પ્રતિ લિટર થયો છે. દેશી ઘીનો ભાવ રૂ. 683.83થી વધીને રૂ. 713.88 પ્રતિ કિલો થયો છે. ઈંડાંનો ભાવ રૂ. 77.49 પ્રતિ ડઝનથી વધીને રૂ. 86.42 થયો છે.
ચોખાના ભાવમાં પણ નોંધપાત્ર વધારો જોવા મળ્યો છે. મે મહિનામાં (Household Expenses India) ચોખાનો સરેરાશ ભાવ રૂ. 42.09 પ્રતિ કિલો હતો, જે નવેમ્બરમાં વધીને રૂ. 49 થયો છે. આ પ્રમાણે ચોખા આશરે 16.4 ટકા મોંઘા થયા છે. ગોળનો વર્તમાન સરેરાશ છૂટક ભાવ રૂ. 67.77 પ્રતિ કિલો નોંધાયો છે.
ચાર સભ્યોના પરિવારના બજેટમાં રૂ. 940નો વધારો
આ ભાવવધારાની સીધી અસર મધ્યમ અને ઓછી આવક ધરાવતા પરિવારોના માસિક બજેટ પર પડી શકે છે. ખાસ કરીને આવકનો મોટો હિસ્સો ખોરાક અને રોજિંદી જરૂરિયાતો પાછળ ખર્ચતા પરિવારો માટે બચત કરવી મુશ્કેલ બની શકે છે.
આપવામાં આવેલા અંદાજ મુજબ, ચાર સભ્યોના એક પરિવારના માસિક વપરાશને ધ્યાનમાં રાખીને મે અને નવેમ્બર મહિનાના ખર્ચની સરખામણી કરવામાં આવી છે. તેમાં દૂધનો 60 લિટરનો માસિક ખર્ચ રૂ. 3,544થી વધીને રૂ. 3,724 થયો છે. 10 કિલો ચોખાનો ખર્ચ રૂ. 421થી વધીને રૂ. 490 અને 15 કિલો ઘઉંના લોટનો ખર્ચ રૂ. 467થી વધીને રૂ. 492 થયો છે.
એ જ રીતે, પાંચ કિલો કઠોળનો ખર્ચ રૂ. 550થી વધીને રૂ. 625 અને પાંચ લિટર (Household Expenses India) ખાદ્ય તેલનો ખર્ચ રૂ. 850થી વધીને રૂ. 950 થયો છે. પાંચ કિલો ડુંગળી પાછળ થતો ખર્ચ રૂ. 120થી વધીને રૂ. 271 થયો છે. જ્યારે પાંચ કિલો બટાકાનો ખર્ચ રૂ. 98થી વધીને રૂ. 115 અને ચાર કિલો ટામેટાંનો ખર્ચ રૂ. 132થી વધીને રૂ. 155 થયો છે.
ત્રણ કિલો ખાંડનો ખર્ચ રૂ. 138થી વધીને રૂ. 182 થયો છે. એક કિલો ઘીનો ખર્ચ રૂ. 684થી વધીને રૂ. 714 અને 30 ઈંડાંનો ખર્ચ રૂ. 194થી વધીને રૂ. 216 થયો છે. આ અંદાજ પ્રમાણે પરિવારના કુલ માસિક ખર્ચમાં આશરે રૂ. 940નો વધારો થયો છે.
આ સરખામણી ચાર સભ્યોના પરિવારના અંદાજિત વપરાશ પર આધારિત છે, સરકારી ઘરગથ્થુ સર્વેક્ષણના વાસ્તવિક ખર્ચના આંકડા (Grocery Budget) નથી. પરિવારની જરૂરિયાત, વપરાશ અને ખરીદીના સ્થળ પ્રમાણે વાસ્તવિક ખર્ચમાં ફેરફાર થઈ શકે છે.
આ પણ વાંચો: દિવાળી પહેલાં મોંઘવારીનો મોટો માર: 5 ચીજવસ્તુઓના ભાવ વધ્યા!
આ પણ વાંચો: ચાર મહિનામાં ડુંગળી અને ખાંડના ભાવમાં મોટો ઉછાળો, મોંઘવારીથી સામાન્ય જનતા પરેશાન!
આ પણ વાંચો: મોંઘવારીનો માર: લીંબુના ભાવ ₹300 પ્રતિ કિલો, ગ્રાહકો પરેશાન
