જમ્મુ-કાશ્મીરનાં હંદવાડામાં સેના અને આતંકવાદીઓ વચ્ચેનાં એન્કાઉન્ટરનાં કેટલાક કલાકો બાદ ફરીથી એન્કાઉન્ટર શરૂ થઈ ગયું છે. જમ્મુ-કાશ્મીરનાં અવંતિપોરામાં મોડી રાત્રે સેના અને આતંકવાદીઓ વચ્ચે એન્કાઉન્ટર શરૂ થયું હતું.

સેનાને સમાચાર મળ્યા છે કે આ વિસ્તારમાં 2 થી 3 આતંકીઓ છુપાયેલા છે. અવંતિપોરાનાં એક ગામમાં સુરક્ષા દળોએ ત્રણ આતંકીઓને ઘેરી લીધા છે, ત્યારબાદ બંને તરફથી ગોળી ચલાવવામાં આવી છે. સૂત્રો પાસેથી પ્રાપ્ત માહિતી અનુસાર, સુરક્ષા દળોને હિઝબુલ મુજાહિદ્દીનનાં ટોચનાં કમાન્ડર રિયાઝ નાયકુ અહીં છુપાયેલા હોવાની માહિતી મળી હતી, ત્યારબાદ સેનાએ આ કાર્યવાહી શરૂ કરી છે.

કાશ્મીર ઝોન પોલીસનાં જણાવ્યા અનુસાર અવંતિપોરાનાં શારશાલી ખુ વિસ્તારમાં એન્કાઉન્ટર ચાલી રહ્યું છે. સુરક્ષા દળો અને આતંકીઓ તરફથી સતત ફાયરિંગ કરવામાં આવી રહ્યું છે. સુરક્ષા દળોની સાથે જમ્મુ-કાશ્મીર પોલીસ પણ આ કામગીરીમાં સામેલ છે. સૈન્યને સૂત્રો પાસેથી સમાચાર મળ્યા હતા કે બે-ત્રણ આતંકવાદીઓ ત્યાં છુપાયેલા છે.

Encounter has started at Sharshali Khrew area of Awantipora. Police and security forces are on the job. Further details shall follow: Kashmir Zone Police #JammuAndKashmir

— ANI (@ANI) May 5, 2020

આપને જણાવી દઈએ કે, રવિવારે જમ્મુ-કાશ્મીરનાં કુપવાડા જિલ્લામાં આતંકવાદીઓ સાથેનાં એન્કાઉન્ટરમાં સેનાનાં કર્નલ અને મેજર સહિત પાંચ સુરક્ષા જવાનો શહીદ થયા હતા. વળી બંને આતંકીઓ માર્યા ગયા હતા. હંદવાડા તહસીલનાં ચાંજીમુલ્લા ગામમાં આતંકવાદીઓ અને સુરક્ષાદળો વચ્ચે 20 કલાક સુધી ગોળીબારી ચાલી હતી.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.