National Herald case: નેશનલ હેરાલ્ડ કેસમાં સોમવારે પૂર્વ કોંગ્રેસ અધ્યક્ષ રાહુલ ગાંધીની એન્ફોર્સમેન્ટ ડિરેક્ટોરેટ દ્વારા પૂછપરછ કરવામાં આવી હતી. રાહુલ ગાંધીની પૂછપરછ 3 તબક્કામાં થઈ હતી. EDના અધિકારીઓ પાસે 55 પ્રશ્નોની યાદી હતી. અધિકારીઓએ રાહુલને પૂછેલા પ્રશ્નોની માહિતી સામે આવી છે. યંગ ઈન્ડિયા કંપની અંગે EDએ રાહુલ ગાંધીની પૂછપરછ કરી છે. તપાસ એજન્સીના અધિકારીઓએ રાહુલને પૂછ્યું કે યંગ ઈન્ડિયા કંપની કેવી રીતે અને કોણે બનાવી?
EDએ રાહુલને આ પ્રશ્નો પૂછ્યા
રાહુલ ગાંધીને પૂછવામાં આવેલા પ્રશ્નોમાં તેમનું નામ, પરિવાર, સરનામું, કામ, યંગ ઈન્ડિયા કંપની કેવી રીતે અને કોણે બનાવી. સામ પિત્રોડા અને સુમન દુબે સાથે શું સંબંધ છે અને આ કંપની તમારી પાસે કેવી રીતે આવી? ઈડીના અધિકારીઓએ રાહુલને પૂછ્યું કે યંગ ઈન્ડિયામાં તમારો કેટલો હિસ્સો છે. કંપનીમાં પૈસા ક્યાંથી આવ્યા? યંગ ઈન્ડિયાને પૈસા આપનાર કંપની સાથે શું સંબંધ છે. શું આ કંપની AJL ને લેવા માટે બનાવવામાં આવી હતી?
અધિકારીઓએ પૂછ્યું કે કોંગ્રેસ પાર્ટીની 90 કરોડની લોન 50 લાખમાં કેવી રીતે પૂરી થઈ? AJLની કેટલી મિલકત હવે યંગ ઈન્ડિયા પાસે છે અને તેની માલિકી કોની પાસે છે. AJLની મિલકતોની સંભાળ કોણ રાખે છે અને તેમાંથી આવતું ભાડું કોને જાય છે.
એન્ફોર્સમેન્ટ ડિરેક્ટોરેટ (ED) એ સોમવારે રાહુલ ગાંધીની દિલ્હી સ્થિત ઓફિસમાં પૂછપરછ કરી હતી. અધિકારીના જણાવ્યા અનુસાર EDના ત્રણ વરિષ્ઠ અધિકારીઓ હાલમાં કોંગ્રેસ નેતાની પૂછપરછ કરી રહ્યા છે. આ વરિષ્ઠ અધિકારીઓમાં બે આસિસ્ટન્ટ ડિરેક્ટર અને એક ડેપ્યુટી ડિરેક્ટરનો સમાવેશ થાય છે.
આ પહેલા રાહુલ ગાંધી ભારે પોલીસ બંદોબસ્ત વચ્ચે ડૉ. એપીજે અબ્દુલ કલામ રોડ પર પર્યાવરણ ભવનમાં સ્થિત ED ઓફિસ પહોંચ્યા હતા. તેમની સાથે તેમની બહેન પ્રિયંકા ગાંધી વાડ્રા પણ હતા, જોકે તેઓ ED ઓફિસ પહોંચ્યા પછી થોડી મિનિટો પછી તેઓ ત્યાંથી નીકળી ગયા હતા. નેશનલ હેરાલ્ડ કેસમાં EDએ રાહુલ ગાંધી અને પાર્ટી અધ્યક્ષ સોનિયા ગાંધીને સમન્સ પાઠવ્યા હતા. સોનિયા ગાંધી 23 જૂને ED સમક્ષ હાજર થશે.
આ પણ વાંચો: Ahmedabad/ આગ ઓલવવાના કામમાં આવતા રોબોટમાં બ્લાસ્ટ, ફાયર મેન થયો ઈજાગ્રસ્ત
