સોમવારે બેંગલુરુમાં ઇજીપુરા વિસ્તારમાં શંકાસ્પદ ગેસ સિલિન્ડર વિસ્ફોટ બાદ 20 વર્ષ જૂની બે માળની ઇમારત પડી ભાંગતા ઓછામાં ઓછા સાત લોકો માર્યા ગયા હતા અને કેટલાક લોકો ફસાઈ ગયા હતા. બેંગલુરુના મેયર આર સંપટ રાજએ જણાવ્યું હતું કે બિલ્ડિંગમાં ચાર પરિવારો રહે છે. લોકોએ જણાવ્યું હતું કે તેમને 7 વાગ્યા આસપાસ એક અવાજ સાંભળ્યો અને મકાન તરત જ પડી ભાંગતા જોયું.
“બે પરિવારો ગ્રાઉન્ડ ફ્લોર પર રહેતા હતા જ્યારે એક પરિવાર પ્રથમ માળ પર. કલાવતિ અને રવિચંદ્રન પ્રથમ માળ પર હતા. તેઓ ઘટના સ્થળે મૃત્યુ પામ્યા હતા જ્યારે બે બાળકો ઇજાગ્રસ્ત થયા હતા. તેઓ સલામત છે. ગ્રાઉન્ડ ફ્લોર પાર બે પરિવારોના સભ્યો ફસાયેલા હોઈ શકે છે” એમ મંત્રી જણાવ્યું.
