ધર્મશાલાઃ ધર્મશાલા ખાતે ભારત અને ઇંગ્લેન્ડ વચ્ચે રમાતી પાંચમી અને અંતિમ ટેસ્ટમાં ભારતીય કેપ્ટન રોહિત શર્મા ઈંગ્લેન્ડ સામે રમાઈ રહેલી પાંચમી ટેસ્ટના પહેલા દિવસે સારા ફોર્મમાં જોવા મળ્યો હતો. દિવસના અંત સુધીમાં, રોહિતે 83 બોલમાં 52* રન બનાવ્યા હતા. આ દરમિયાન તેના બેટમાંથી 6 ચોગ્ગા અને 2 શાનદાર છગ્ગા લાગ્યા હતા. આ ઇનિંગ્સમાં તેણે ઈંગ્લેન્ડના ફાસ્ટ બોલર માર્ક વૂડ પર સિક્સર ફટકારી હતી, જેને તે લાંબા સમય સુધી યાદ રાખશે.
ઇંગ્લિશ ફાસ્ટ બોલર રોહિત શર્માની સામે સુપર ફાસ્ટ સ્પીડે બોલિંગ કરી રહ્યો હતો. વુડે રોહિત શર્મા પર 151.2 કિમી પ્રતિ કલાકની ઝડપે બાઉન્સર ફેંક્યો અને વિચાર્યું કે તે તેને છોડી દેશે, પરંતુ રોહિત શર્માએ વૂડના બાઉન્સર પર વળતો પ્રહાર કર્યો હતો. વુડના ઝડપી બાઉન્સરને રોહિત શર્માએ શાનદાર પુલ મારીને સીધો સ્ટેન્ડમાં મોકલ્યો, જેને જોઈને ઈંગ્લેન્ડના ખેલાડીઓ સ્તબ્ધ થઈ ગયા. સિક્સર ફટકાર્યા પછી, વુડે એવી પ્રતિક્રિયા આપી કે જાણે તેને તેની ભૂલનો અહેસાસ થયો હોય.
151.2 goes to high@ImRo45 #RohitSharma #INDvsENGTest pic.twitter.com/z7Mbq66BZf
— ★ ᵃⁿ ★❣︎ ❣︎ (@Thalamania47813) March 7, 2024
હવે એ વાત દુનિયાના કોઈપણ બોલરથી છુપાયેલી નથી કે રોહિત શર્મા કેટલા જબરદસ્ત પુલ શોટ રમે છે. આવી સ્થિતિમાં, તેની સામે બાઉન્સર ફેંકવું એ એક મોટી ભૂલ છે, જે માર્ક વૂડે કરી હતી. રોહિતે વૂડને તરત જ તેની ભૂલનો અહેસાસ કરાવ્યો હતો. રોહિત શર્માના આ પુલ શોટ પછી ફક્ત વૂડ જ નહીં બીજો કોઈપણ બોલર તેની સામે બાઉન્સર નાખતો સો વખત વિચાર કરશે. રોહિત શર્મા વર્તમાન ક્રિકેટમાં સૌથી જબરદસ્ત પુલ શોટ રમનારો ખેલાડી છે. તેથી તેને બાઉન્સર નાખવાનો અર્થ તેને છ રનની ભેટ આપવી તેવો જ થાય છે.
આ પણ વાંચોઃ
આ પણ વાંચોઃ
આ પણ વાંચોઃ
