રક્ષા મંત્રી રાજનાથ સિંહ સોમવારે સિયાચીનની મુલાકાત લેશે અને વિશ્વના સૌથી ઊંચા યુદ્ધ મેદાનમાં તૈનાત સૈનિકોને મળશે. રક્ષા મંત્રીના કાર્યાલયે ‘X’ પર આ માહિતી આપી. ભારતીય સેનાએ ગયા અઠવાડિયે વ્યૂહાત્મક રીતે મહત્વપૂર્ણ સિયાચીન ગ્લેશિયર પર તેની હાજરીના 40 વર્ષ પૂર્ણ કર્યા. તમને જણાવી દઈએ કે હોળીના અવસર પર રાજનાથ સિંહનો સૈનિકો સાથે તહેવાર મનાવવા માટે સિયાચીન જવાનો કાર્યક્રમ હતો, પરંતુ ખરાબ હવામાનને કારણે તેમનો કાર્યક્રમ મોકૂફ રાખવામાં આવ્યો હતો. તે સમયે રક્ષા મંત્રી લેહમાં જ સૈનિકો સાથે હોળી મનાવીને પરત ફર્યા હતા.
કારાકોરમ રેન્જમાં લગભગ 20 હજાર ફૂટની ઉંચાઈ પર સ્થિત સિયાચીન ગ્લેશિયર વિશ્વના સૌથી ઊંચા સૈન્ય વિસ્તાર તરીકે ઓળખાય છે, જ્યાં સૈનિકોને ભારે હિમવર્ષા અને તેજ પવનનો સામનો કરવો પડે છે. ‘ઓપરેશન મેઘદૂત’ હેઠળ, ભારતીય સેનાએ એપ્રિલ 1984માં સિયાચીન ગ્લેશિયર પર પોતાનું સંપૂર્ણ નિયંત્રણ સ્થાપિત કર્યું.
રક્ષા મંત્રાલયે ‘X’ પર જણાવ્યું હતું કે, રક્ષા મંત્રી રાજનાથ સિંહ આવતીકાલે (સોમવારે) સિયાચીનની મુલાકાત લેશે. તે વિસ્તારમાં તૈનાત સશસ્ત્ર દળોના જવાનો સાથે વાતચીત કરશે.” ભારતીય સેનાએ છેલ્લા કેટલાક વર્ષોમાં સિયાચીનમાં તેની હાજરી મજબૂત કરી છે. ગયા વર્ષે જાન્યુઆરીમાં, આર્મી કોર્પ્સ ઓફ એન્જિનિયર્સના કેપ્ટન શિવા ચૌહાણને સિયાચીન ગ્લેશિયરમાં ફ્રન્ટલાઈન પોસ્ટ પર તૈનાત કરવામાં આવ્યા હતા, જે મોટા યુદ્ધના મેદાનમાં મહિલા આર્મી ઓફિસરની આવી પ્રથમ ઓપરેશનલ તૈનાતી હતી.
આ પણ વાંચો:
આ પણ વાંચો:
આ પણ વાંચો:
