Sabarkantha News: હવામાન વિભાગે ઉત્તર ગુજરાતના વિસ્તારોમાં આગામી ત્રણ દિવસ સુધી ભારે વરસાદની આગાહી કરી છે, જ્યારે ઉપરવાસમાં ભારે વરસાદને કારણે બંને કાંઠા પરની નદીઓ છલકાઈ રહી છે. મૂશળધાર વરસાદ બાદ સાબરકાંઠાના ઇડર તાલુકાના કડિયાદરા નજીક નદીના જોરદાર પ્રવાહમાં કાર સહિત બે લોકો ફસાઇ ગયા હતા. આ પછી વહીવટીતંત્રએ સફળતાપૂર્વક બંને લોકોને બચાવ્યા અને તેમનો જીવ બચી ગયો. કલેક્ટરે સમગ્ર ઘટનાની માહિતી સોશિયલ મીડિયા પર આપી હતી.
સાબરકાંઠાના ઇડર તાલુકાના કડિયાદરા નજીક નદીના જોરદાર પ્રવાહમાં કાર સાથે બે લોકો ખેંચાઇ ગયા હતા. સમગ્ર ઘટનાની જાણ સ્થાનિક ડિઝાસ્ટર વિભાગને કરવામાં આવી હતી. આ પછી ઈડર અને હિંમતનગર ફાયર વિભાગની ટીમે ઘટના સ્થળે પહોંચી નદીમાં ફસાયેલા બંને લોકોને બહાર કાઢ્યા હતા.
સમગ્ર ઘટના અંગે સાબરકાંઠાના કલેક્ટરે સોશિયલ મીડિયા માધ્યમ ‘X’ પર એક પોસ્ટ શેર કરીને ઘટનાની માહિતી આપતાં જણાવ્યું હતું કે, ‘ઇડર તાલુકાના કરોલ નદી પર વડિયાવીર ગામ પાસે કોઝવેમાં એક યુગલ તેમની કાર સાથે ફસાઇ ગયું હતું. નદીમાં ફસાયેલા લોકોને ફાયર બ્રિગેડ અને તંત્ર દ્વારા સુરક્ષિત રીતે બચાવી લેવામાં આવ્યા હતા, પ્રાથમિક આરોગ્ય તપાસ અને કાઉન્સેલિંગ આપવામાં આવ્યું હતું અને સુરક્ષિત રીતે ઘરે પહોંચાડવામાં આવ્યા હતા.’
આ પણ વાંચો: જાતે જ બનાવી બોટ, લોકોના બચાવ્યા જીવ… ગુજરાતમાં પૂર વચ્ચે જોવા મળી સંઘર્ષની અજોડ વાર્તા
આ પણ વાંચો: માઉન્ટ આબુમાં સ્થાનિકોએ માનવ સાંકળ બની બકરીઓને બચાવી
આ પણ વાંચો: વડોદરામાં આર્મીની ટીમો દ્વારા યુદ્ધના ધોરણે બચાવ રાહત કામગીરી
