World News : એપલના ડિવાઈસ હંમેશા તેની પ્રાઈઝ અને તેના ફિચર્સને કારણે ચર્ચામાં રહે છે. જો કે આ વખતે કોઈ નવી પ્રોડક્ટને કારણે નહીં પરંતુ તેની સામે કાયદાકીય એક્શન લેવામાં આવી છે. કોર્ટ કેસના ભાગ રૂપે દાખલ કરવામાં આવેલી અરજીમાં આરોપ મૂકવામાં આવ્યો છે કે એપલ વોચમાં વપરાતા બેન્ડમાં એવા રસાયણો હોય છે જે કેન્સર અથવા અન્ય ગંભીર રોગોનું કારણ બની શકે છે.
એપલ સામે નોંધાયો કેસ મીડિયા રિપોર્ટ્સ અનુસાર, આ કેસમાં આરોપ લગાવવામાં આવ્યા છે કે એપલના ઓશન અને નાઇકી સ્પોર્ટ બેન્ડમાં પરફ્લુરોઆલ્કિલ અને પોલીફ્લુરોઆલ્કિલ પદાર્થો (PFAS)નું પ્રમાણ વધુ હોય છે. આ રસાયણોને ફોરેવર કેમિકલ્સ તરીકે ઓળખવામાં આવે છે અને તેના કારણે સ્વાસ્થ્ય સંબંધિત ઘણી સમસ્યાઓનો સામનો કરવો પડે છે.કિડનીથી લઈને કેન્સર સુધીના રોગો આ ખતરનાક રસાયણને કારણે, કિડનીઓ, પ્રોસ્ટેટ અને કેન્સર પણ થઈ શકે છે. આ કેસ 22 બેન્ડ પર કરવામાં આવેલા સંશોધન બાદ દાખલ કરવામાં આવ્યો છે, જેમાંથી 15 વોચ બેન્ડમાં ખતરનાક PFAS રસાયણો મળી આવ્યા હતા.
એપલએ શું દલીલ રજૂ કરી એપલ લાંબા સમયથી દાવો કરે છે કે તેના બેન્ડ ફ્લોરોઇલાસ્ટોમર, એક કૃત્રિમ રબરથી બનેલા છે. તેમાં ફ્લોરાઇડ હોય છે પરંતુ તે ખતરનાક PFAS રસાયણો વગરનું હોય છે. કંપનીનો દાવો છે કે ફ્લોરોઇલાસ્ટોમર સેફ છે અને તે તમામ આરોગ્ય પરિમાણોને પણ પૂર્ણ કરે છે.
એપલ વોચમાં સ્વાસ્થ્ય સુવિધાઓ છે એપલ હેલ્થ ટ્રેકિંગ ફીચર્સ ધરાવતી તેની સ્માર્ટવોચ વેચી રહી છે અને દાવો કરે છે કે તે પહેરનારાઓને સુરક્ષિત રાખવામાં મદદ કરે છે. એપલ વોચ હૃદયના ધબકારા, ઊંઘની પેટર્ન અને પગલાં પણ રેકોર્ડ કરે છે અને વપરાશકર્તાઓને તેના વિશે માહિતી આપે છે. એપલ તેના ઉત્પાદનો, તેમની સુવિધાઓ અને ઇકોસિસ્ટમ માટે જાણીતું છે. એપલ પ્રોડક્ટ્સ અમેરિકા સહિત સમગ્ર વિશ્વમાં લોકપ્રિય છે, પછી ભલે તે આઈફોન હોય, એપલ વોચ હોય કે એપલ એરપોડ્સ વગેરે હોય.
આ પણ વાંચો:હું ઈચ્છું છું કે ફક્ત ખૂબ સક્ષમ લોકો જ આપણા દેશમાં આવે: રાષ્ટ્રપતિ ટ્રમ્પ
આ પણ વાંચો:ટ્રમ્પે નાગરિકત્વનો જન્મજાત અધિકાર સમાપ્ત કરતાં ભારતીયોમાં અધૂરા મહિને બાળકને જન્મ આપવા લાગી રેસ
આ પણ વાંચો:રાષ્ટ્રપતિ ટ્રમ્પને મળ્યો ઝાટકો! જન્મજાત નાગરિકતા મર્યાદિત કરવાના સરકારના આદેશ પર રોક
