Mahesana News: ગુજરાત (Gujarat)માં પરીક્ષા (Exam) આપ્યા પછી બે સગીરાઓ (Minor Girls) ગુમ થયા બાદ અપહરણ (Kidnapping)ની ફરિયાદ દાખલ કરવામાં આવી છે. સગીરાઓ બે અલગ અલગ જગ્યાએથી ગુમ થઈ હોવાનું જાણવા મળ્યું છે. પરીક્ષા આપ્યા પછી સગીરાઓ ઘરે પાછા ન ફરતાં તેમના પરિવારોએ પોલીસ સ્ટેશન (Police Station)માં ફરિયાદ નોંધાવી છે.
મહેસાણા (Mahesana) જીલ્લામાં કડી (Kadi)માં બે સગીરાઓનું અપહરણ થયું હોવાનું જાણવા મળ્યું છે, જેમાં 24 માર્ચે પરીક્ષા આપ્યા પછી સગીરા ગુમ થઈ ગયા હતા. સગીરા ગુમ થયા પછી તેમના પરિવારે અપહરણની ફરિયાદ નોંધાઈ છે. પોલીસે અલગ અલગ ટીમો બનાવીને કડક તપાસ શરૂ કરી છે. અન્ય એક ઘટનામાં 15 માર્ચે 17 વર્ષની સગીરા ગુમ થયા પછી ફરિયાદ નોંધાવાઈ હતી. ગાંધી ચોકમાં રિક્ષામાંથી નીચે ઉતર્યા પછી સગીરા ગુમ થઈ ગઈ હતી. કડી પોલીસે CCTVના આધારે વધુ તપાસ હાથ ધરી છે.
તાજેતરમાં ભરૂચ (Bharuch) જિલ્લાના ઝઘડિયા (Jhagadiya) તાલુકાના એક ગામની રહેવાસી એક સગીરા ગુમ થઈ ગઈ હતી અને તેની માતાએ પોલીસમાં ફરિયાદ નોંધાવી હતી, એવી શંકા વ્યક્ત કરી હતી કે કોઈ અજાણ્યા વ્યક્તિ દ્વારા તેનું અપહરણ કરવામાં આવ્યું છે. આ અંગે પ્રાપ્ત વિગતો અનુસાર, આ સગીરા તેના પરિવાર સાથે ઝઘડિયા તાલુકાના એક ગામમાં રહેતી હતી. સગીરા દરરોજ સવારે ગામમાં બીજા પરિવારના ઘરે ઘરકામ કરવા જતી હતી. આ 14 વર્ષની સગીરા ગયા મહિનાની 16મી તારીખે કામ પર ગઈ હતી, પરંતુ સમય વીતી ગયા પછી પણ ઘરે પાછી ફરી ન હતી. જ્યારે તેઓએ તે જગ્યાની તપાસ કરી જ્યાં તે ઘરકામ કરવા ગઈ હતી, ત્યારે જાણવા મળ્યું કે સગીર છોકરી રાત્રે 11:30 વાગ્યે પોતાનું કામ પૂરું કરીને ઘરે પરત ફરી રહી હતી.
જોકે, જ્યારે સગીરા ઘરે પાછી ન આવી ત્યારે તેના પરિવારના સભ્યોએ તેના મોબાઇલ ફોન પર વારંવાર સંપર્ક કર્યો અને એવું જણાયું કે તેનો ફોન બંધ હતો. ત્યારબાદ, પરિવારના સભ્યોએ ગામમાં અને અન્ય ગામોમાં રહેતા સંબંધીઓમાં તેમની ગુમ થયેલી પુત્રીની શોધખોળ કરી, પરંતુ તેમને તેનો કોઈ પત્તો લાગ્યો નહીં. તેથી, છોકરીની માતાએ નજીકના પોલીસ સ્ટેશનમાં ફરિયાદ નોંધાવી છે કે છોકરીનું અપહરણ કરવામાં આવ્યું છે. આદિવાસી બહુલતાવાળા ઝઘડિયા તાલુકામાં લગ્ન માટે સગીરાઓના અપહરણના બનાવો વધી રહ્યા છે.
આ પણ વાંચો:ગુમ યુવકની લાશ મળી, ભૂતપૂર્વ ધારાસભ્ય જયરાજસિંહ શંકાના ઘેરામાં
આ પણ વાંચો:જામનગર જિલ્લામાંથી બે યુવતી ગુમ થતાં ખળભળાટ
