Ahmedabad News: અમદાવાદ (Ahmedabad)ના રસ્તાઓ પર ટ્રાફિક (Traffic)નું ભારણ ઓછું કરવા માટે એક મોટો નિર્ણય લેવામાં આવ્યો છે. અગાઉ કરવામાં આવેલા સફળ પ્રયોગ બાદ હવે AMTS બસો BRTS કોરિડોરમાં દોડશે. હવે BRTS કોરિડોરમાં 49 AMTS બસો દોડશે.
પ્રાપ્ત માહિતી અનુસાર, અમદાવાદ (Ahmedabad)માં ટ્રાફિક (Traffic)નું ભારણ સતત વધી રહ્યું છે. રસ્તા સાંકડા છે અને વસ્તી વધતાં વાહનોની સંખ્યા વધી રહી છે. તેથી, અમદાવાદમાં ટ્રાફિકનું ભારણ ઓછું કરવા માટે BRTS કોરિડોરમાં વધુને વધુ AMTS બસો ચલાવવાનો નિર્ણય લેવામાં આવ્યો છે. અમદાવાદના ઘણા વિસ્તારોમાં BRTS કોરિડોર છે, જેમાં અત્યાર સુધી ફક્ત BRTS બસો જ દોડતી હતી, જ્યારે AMTS બસો બહારના રસ્તાઓ પર દોડતી હતી. શહેરના કેટલાક રસ્તાઓ પર તેમજ નદી પારના વિસ્તારોમાં સાંકડા રસ્તાઓ અને કોરિડોરને કારણે ટ્રાફિક જામની સમસ્યા વધી ગઈ છે.
તેથી, કોરિડોરની બહાર દોડતી પાંચ રૂટની 49 AMTS બસો BRTS કોરિડોર (Corridor) પર ચલાવવાનો નિર્ણય લેવામાં આવ્યો છે. તેથી બસમાં મુસાફરી કરતા લોકોએ ખાસ ધ્યાન રાખવું જોઈએ કે હવેથી તેમણે ફૂટપાથ પર બનેલા AMTS બસ સ્ટેન્ડને બદલે BRTS સ્ટેશન પર બસ પકડવી પડશે. BRTS બસ સ્ટેન્ડ પરથી AMTS બસ ટિકિટ મળશે નહીં. AMTS બસ ટિકિટના ભાવમાં કોઈ ફેરફાર થયો નથી. જેમણે પહેલાથી જ પાસ લીધા છે, તેમના પાસ પણ માન્ય રહેશે.
અગાઉ BRTSના નવા કોરિડોરનું વિસ્તરણ હવે બંધ કરી દેવાનો નિર્ણય લેવામાં આવ્યો હતો. અમદાવાદ, સુરત અને રાજકોટમાં નવા BRTS કોરિડોરનું બાંધકામ પણ બંધ કરી દેવામાં આવ્યું હતું. એવી પણ માહિતી પ્રાપ્ત થઈ હતી કે નવા BRTS કોરિડોરના નિર્માણનું કામ કોરોના કાળ પહેલા જ બંધ કરી દેવામાં આવ્યું હતું, તેવી જ રીતે સુરત અને રાજકોટમાં પણ નવા કોરિડોર બનાવવામાં આવી રહ્યા નથી. BRTS બસો ટ્રાફિક વચ્ચે જ દોડી રહી છે.
આ પણ વાંચો:BRTSમાં મુસાફરી કરતા લોકો વાંચી લો, આ શહેરોમાં હવે નવા કોરિડોર નહીં બને!
આ પણ વાંચો:BRTS ટ્રેકમાં દોડતી ટ્રાફિક ક્રેઈન સામે કાર્યવાહી થશે?
