Georgia News: બુધવારે, USના જ્યોર્જિયા રાજ્યમાં ફોર્ટ સ્ટુઅર્ટ લશ્કરી થાણા પર એક હુમલાખોરે ગોળીબાર કર્યો હતો, જેમાં પાંચ સૈનિકો ઘાયલ થયા હતા. હુમલા બાદ લશ્કરી થાણાના ભાગોને બંધ કરી દેવાયા હતા. બુધવારે ભારતીય સમય મુજબ રાત્રે 8:26 વાગ્યે હુમલો થયો હોવાની જાણકારી મળી હતી.
ઘાયલ થયેલા તમામ સૈનિકોને તાત્કાલિક ઘટનાસ્થળે સારવાર આપવામાં આવી હતી અને બાદમાં વધુ સારવાર માટે વેઈન આર્મી કોમ્યુનિટી હોસ્પિટલમાં લઈ જવામાં આવ્યા હતા. હુમલાખોરને પકડી લેવામાં આવ્યો છે. મીડિયા અહેવાલો અનુસાર, તે પણ એક સૈનિક છે.
રાષ્ટ્રપતિ ટ્રમ્પને પણ હુમલા વિશે જાણ કરવામાં આવી હતી. વ્હાઇટ હાઉસના પ્રવક્તા કેરોલિન લેવિટે X પર લખ્યું હતું કે સરકાર પરિસ્થિતિ પર નજર રાખી રહી છે. જ્યોર્જિયામાં ત્રણ શાળાઓ પણ બંધ કરી દેવામાં આવી છે. મેડિકલ હેલિકોપ્ટર ઘટનાસ્થળે પહોંચી ગયા છે.
The President has been briefed on the shooting at Fort Stewart in Georgia. The White House is monitoring the situation.
— Karoline Leavitt (@PressSec) August 6, 2025
હુમલાની તપાસ ચાલી રહી છે.
જ્યોર્જિયાના ગવર્નર બ્રાયન કેમ્પે X પર લખ્યું – અમે અધિકારીઓ સાથે સતત સંપર્કમાં છીએ. અમે પીડિતો, તેમના પરિવારો અને આપણા દેશની સેવા કરનારાઓ માટે પ્રાર્થના કરીએ છીએ.” ગોળીબારનું કારણ નક્કી કરવા માટે તપાસ ચાલી રહી છે.
આ પણ વાંચો:ચીન-રશિયાની જાપાન સમુદ્રમાં ગુપ્ત લશ્કરી કવાયત, પુતિન-શીની યોજના, US સબમરીનનો જવાબ!
આ પણ વાંચો: અમેરિકામાં અભ્યાસ કરતા લોકો માટે ખરાબ સમાચાર!સમાપ્ત થઈ શકે છે OPT પ્રોગ્રામ,નહીં મળે નોકરી
